မန္တလေး၊ နိုဝင်ဘာ
၁၈
ကျော်ဝေမင်း
နောင်အသစ်တက်လာမည့်
အစိုးရသစ်လက်ထက်တွင် အမျိုးသားရေးလုပ်ဆောင်ရန်အတွက် အမျိုးဘာသာ သာသနာစောင့်ရှောက်ရေးအဖွဲ့အနေဖြင့်
မျိုးချစ်ပုဂ္ဂိုလ်များနှင့်တွေ့ဆုံကာ ဆွေးနွေးပွဲတစ်ခု ကျင်းပသွားမည်ဖြစ်ကြောင်း သိရသည်။
“အဓိကကတော့
လာမယ့်အနာဂတ်မှာ တက်လာမယ့်အစိုးရလက်ထက်မှာ ဖြစ်ပေါ်လာနိုင်တဲ့အမျိုးသားရေးကို နှောင့်ယှက်မယ့်အရာတွေကို
ဘာတွေဆက်လုပ်မယ်၊ ဘာတွေ အခုကတည်းက စီစဉ်ထားမယ်ဆိုတာမျိုးကို ဆွေးနွေးသွားကြမှာပါ။ မျိုးချစ်တွေကို
အကုန်လုံးဖိတ်ထားတယ်။ အွန်လိုင်းကနေလည်း အားလုံးလိုလိုကို ဖိတ်ကြားထားတယ်”ဟု ဒဂုံမြို့နယ်
မဘသအဖွဲ့ ဦးဆောင်ဆရာတော် ဦးနေမိန္ဒ က မိန့်ကြားသည်။
အဆိုပါဆွေးနွေးပွဲအား
နိုဝင်ဘာ ၂၂ ရက်နေ့၊ နေ့လယ် (၁း၀၀)အချိန်တွင် မကွေးပရိယတ္တိစာသင်တိုက်၊ မြောက်ဒဂုံမြို့နယ်၊
ရန်ကုန်မြို့တွင် ကျင်းပသွားမည်ဖြစ်သည်။
“နောက်တစ်ခုက
အခုထွက်ပေါ်လာတဲ့ ဘာသာသုံးမျိုး (အစ္စလာမ်၊ အင်္ဂလိပ်၊ မြန်မာ) ပြက္ခဒိန်၊ အဲဒီကိစ္စကိုလည်း
ဆွေးနွေးမယ်။ အဲဒီနေ့ကျရင် ဘာဆက်လုပ်မယ်ဆိုတာကိုလည်း အဲဒီနေ့မှာ အတိအကျသိရမှာပါ။ အခုတော့
ကန့်ကွက်မှာလား ဘာလုပ်မှာလဲ ဆိုတာတော့ အတိအကျမသိရသေးပါဘူး”ဟု အဆိုပါဆရာတော်က မိန့်ကြားသည်။
အဆိုပါ အမျိုးသားရေးလှုပ်ရှားသူများ
အထူးအစည်းအဝေး ဖိတ်ကြားလွှာဟူသော ဖိတ်စာတွင် တိုင်းရင်းသားမဟုတ်သူတို့၏ မျက်နှာပြောင်တိုက်
စိန်ခေါ်နေမှုများအား ပြတ်ပြတ်သားသား တုန့်ပြန်ဆောင်ရွက်သွားနိုင်ရန်အတွက် အစီအစဉ်အတိုင်း
ကျင်းပဆောင်ရွက်မည့် အထူးအစီးအဝေးသို့ မြန်မာနိုင်ငံ၏ တိုင်းရင်းသား ပြည်သူ ရဟန်း ရှင်လူ
မည်သူမဆို တက်ရောက်နိုင်ပါကြောင်း လေးစားစွာဖြင့် ဖိတ်ကြားအပ်ပါသည်ဟု ဖော်ပြထားသည်။
19.11.2015
မန္တလေးအလင်း
No comments:
Post a Comment