“အစိုးရပျော့ညံ့ခြင်းကြောင့် တရုတ်များအား ပြန်လွှတ်ပေးခြင်းဟု ဦးဝီရသူဆို”

မန္တလေး၊ ဇူလိုင် ၃၀၊ ကျော်ဝေမင်း

ဇူလိုင်လ(၃၀)ရက်နေ့တွင် သစ်ခိုးထုတ်မှုဖြင့် ထောင်ဒဏ် တစ်သက်တစ်ကျွန်း ချမှတ်ခံထားရသော တရုတ်နိုင်ငံသား(၁၅၃)ဦးနှင့် ထောင်ဒဏ်(၁၀)နှစ်ချခံထားရသော တရုတ်နိုင်ငံသားနှစ်ဦး စုစုပေါင်း(၁၅၅)ဦးတို့ မှာ လွတ်ငြိမ်းချမ်းသာခွင့်ဖြင့် ပြစ်ဒဏ်ရှစ်ရက်သာ ခံစားခဲ့ရပြီး ပြန်လည်လွတ်မြောက်လာခဲ့ခြင်းအပေါ် မ.ဘ.သ အဖွဲ့ အနေဖြင့် လုံးဝလက်မခံနိုင်ကြောင်း ဆရာတော်က မိန့်ကြားသည်။

“သူတို့ဘာသာ သူတို့နိုင်ငကြီး ဖြစ်လာတာလေ။ အဲဒါကို အလျှော့မပေးသင့်ပါဘူး။ ကိုယ့်နိုင်ငံရဲ့ ဥပဒေပဲ။ ရဲရဲကြီးအရေးယူနိုင်ရမှာပေါ့။ အခုဟာက ကြောက်ကြောက်ရွံ့ရွံ့ အရေးယူထားပြီးမှ မဖြစ်မနေ ပြန်ပေးတဲ့ပုံစံ ဖြစ်နေတာ အသိသာကြီးလေ။ ဒါကို ပြည်သူတွေလည်း လုံးဝမကြိုက်ဘူး။ ငါတို့လည်း မကြိုက်ဘူး” ဟု မစိုးရိမ်တိုက်သစ် ဆရာတော်ဦးဝီရသူက မိန့်သည်။

ကချင်ပြည်နယ်၊ ဝိုင်းမော်မြို့နယ်အတွင်း တရားမဝင် သစ်ခုတ်ယူခဲ့သော တရုတ်နိုင်ငံသား(၁၅၅)ဦးအနက် (၁၅၃)ဦးကို အများနှင့်သက်ဆိုင်ရာ ပစ္စည်းကာကွယ်စောင့်ရှောက်ရေးဥပဒေ ပုဒ်မ-၃ ဖြင့် ဇူလိုင်လ(၂၃)ရက်နေ့ က ထောင်ဒဏ်တစ်သက်တစ်ကျွန်းနှင့် ကျန်နှစ်ဦးကို(၁၈)နှစ်အောက် လူငယ်များဖြစ်သဖြင့် ထောင်ဒဏ်(၁၀) နှစ် ချမှတ်ခဲ့ခြင်းဖြစ်သည်။ ၄င်းတို့မှာ ဇူလိုင်လ(၃၀)ရက်နေ့တွင် လွတ်ငြိမ်းချမ်းသာခွင့်ဖြင့် လွတ်မြောက်လာ သော မြစ်ကြီးနားအကျဉ်းထောင်မှ အကျဉ်းသား (၃၅၅)ဦးထဲတွင် ပါဝင်လာခဲ့ခြင်းဖြစ်သည်။

“အစိုးရအနေနဲ့ ကြောက်လို့လွှတ်တယ်ဆိုတာ အမှန်ပဲလေ။ သတ္တိရှိတယ်ဆိုရင် မားမားမတ်မတ် ခုခံနိုင်ရမယ်။ အစိုးရအနေနဲ့ ပျော့ညံ့နေတော့ ငါတို့နိုင်ငံရဲ့ အားနည်းချက်ဖြစ်နေတာပေါ့။ ပြီးတော့ ကိုယ့်နိုင်ငံကလူ ထိုင်းမှာ အဖမ်းခံနေရတာတော့ ဖိအားမပေးနိုင်ဘူး။ ကိုယ့်နိုင်ငံမှာ မိတဲ့သူကျတော့ မနေ့က အရေးယူ၊ ဒီနေ့ပြန်လွှတ် သလိုကို ဖြစ်နေတယ်။ အဲဒါကြောင့် အခုလက်ရှိအစိုးရရော၊ နောက်တက်လာမယ့်အစိုးရရော၊ နိုင်ငံတကာ ဖိအားကိုမကြောက်ဘဲ ရဲရဲဝံ့ဝံ့ ရင်ဆိုင်ကြပါလိုပ ဦးဇင်းအနေနဲ့တော့ ပြောချင်တယ်” ဟု ဦးဝီရသူက မိန့်ကြား သည်။

ဇူလိုင်လ(၃၀)ရက်နေ့တွင် တစ်နိုင်ငံလုံးအတိုင်းအတာဖြင့် ပြန်လည်လွတ်မြောက်လာသော မြန်မာနိုင်ငံသား အကျဉ်းသား(၆၇၅၆)ဦးနှင့် နိုင်ငံခြားသား အကျဉ်းသား(၂၁၀)ဦး ရှိသည်။