ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၁၂)

ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၁၂)

“အာဟာရ ကျင့်စဉ်”

(ဆရာတော်ဦးဝီရသူ၏ နှစ်သစ်အထူးလက်ဆောင်)

-------------------------------------------------

စာရေးသူသည် မနက်အစော အစာအဖြစ် ယာဂု(ဆန်ပြုတ်) ဘုဉ်းပေးလေ့ရှိသောကြောင့် နေ့ဆွမ်းမတိုင်ခင်ကာလ၌ ဗိုက်ဆာလေ့ရှိပါသည်။ ထို့ကြောင့် အရုဏ်ဆွမ်းကပ်ရာ၌ ပါဝင်သော သစ်သီးပွဲ သစ်စေ့ပွဲများကို စာကြည့်စားပွဲ၌ ပြောင်းရွှေ့ထားရှိပါသည်။ မနက် ၉း၀၀နာရီခန့် စာကြည့်လျက်ဖြစ်စေ၊ အလုပ်နားလျက်ဖြစ်စေ ပန်းသီး လိမ္မော်သီး သီဟိုဠ်စေ့ မကာရေးနီးယား(ပဲဆိမ့်စေ့) ကြယ်ပဲလှော် စသည်များ ဘုဉ်းပေးလေ့ရှိပါသည်။ အလုပ်များလျှင်များသလို စိတ်ရှုပ်လျှင်ရှုပ်သလို ဗိုက်ဆာတတ်သောကြောင့် နေ့ဆွမ်းမစားမီ သစ်သီးပွဲ သစ်စေ့ပွဲများ ဘုဉ်းပေးလိုက်ရမှ နေသာထိုင်သာရှိခြင်း ဖြစ်ပါသည်။

စပစ်သီးဘုဉ်းပေးလျှင် အစေ့ရော အခွံပါ ဝါးစားပါသည်။ ပန်းသီးနှင့် သရက်သီးဆိုလျှင် အခွံမသင်ဘဲ ဘုဉ်းပေးပါသည်။ မင်းဂွတ်သီးဆိုလျှင် အသားရော အစေ့ပါ စားသည့်အပြင် အခွံ၏အတွင်းသားများကို ဇွန်းသေးလေးဖြင့် ခြစ်ကာ ဝါးစားပါသည်။ အတော်ခါးပါသည်။ ရောဂါကြီးကြီးမားမား မစွဲကပ်ရေး ဖြစ်ပါသည်။

နေ့လယ်နေ့ခင်း အနားယူပြီးသည့်အခါ၌လည်း သစ်သီးဖျော်ရည်များ အဝသောက်လေ့ရှိပါသည်။ ပန်းသီး၊ လိမ္မော်သီ၊ ငှက်ပျောသီး၊ ထောပတ်သီး၊ နဂါးမောက်သီး စသည်တို့ကို နေ့စဉ်တစ်လှည့်စီ ဖျော်ကပ်ကြပါသည်။ အိပ်ရာနိုးလျှင်ဖျော်ရည်သောက်လိုက်ရမှ အလုပ်လုပ်၍ ကောင်းပါသည်။

အအေးသောက်သည့်အခါ ဘူးများ၊ ပုလင်းများ ရှောင်သည်။ အချို့ကို အယုံအကြည်မရှိခြင်း၊ အချို့ကို ကျန်းမာရေးနှင့်မညီညွတ်ခြင်းကြောင့် ရှောက်ကြဉ်ခြင်းဖြစ်ပါသည်။ တရားပွဲမှရလာသည့် အအေးဘူးများ၊ လာရောက်လှူဒါန်းသည့် အအေးဘူးများရှိလျှင် ရေခဲသေတ္တာထဲ ထည့်ထားကာ ဧည့်သည် အာဂန္တုများအား ဧည့်ခံခြင်း၊ ဝေယျာဝစ္စများ လုပ်အားပေးများအား တိုက်ကျွေးခြင်းများ ပြုလုပ်လေ့ရှိပါသည်။ တရားပွဲများ၊ အခမ်းအနားများ၌ အအေးဘူးများဆက်ကပ်ကြလျှင်လည်း တပည့်များကိုသာ ကပ်ခိုင်းလိုက်ပါသည်။ စာရေးသူကမူ ကျန်းမာရေးအရ ဘူး ပုလင်းများ ရှောင်ကြဉ်ကြောင်း ပြောလေ့ရှိပါသည်။ “ကျုပ်တို့က ဘူးဂိုဏ်း ပုလင်းဂိုဏ်း အအေးဂိုဏ်း မဟုတ်ဘူးဗျ၊ မတ်ခွက်ဂိုဏ်း၊ ပန်းကန်လုံးဂိုဏ်း၊ ရေနွေးဂိုဏ်းတွေဗျ”ဟု ရယ်စရာသောစရာအဖြစ် ပြောပြတတ်ပါသည်။ မှန်ပါသည်။ စာရေးသူသည် ရေခဲနှင့်မတည့်ပါ။ ရေခဲရေလည်း မတည့်ပါ။ လျှာအပူကန်ခြင်း၊ ခံတွင်းအပူလောင်ခြင်း၊ နှုတ်ခမ်းပေါက်ခြင်းများ ဖြစ်တတ်သောကြောင့် အအေးရှောင်ခြင်း ဖြစ်ပါသည်။ အအေးလာကပ်သည့်အခါလည်း ရေခဲဖယ်၍ သောက်ပါသည်။ ကျောင်းမှာနေလျှင် ရေနွေးသာ သောက်လေ့ရှိပါသည်။ ရေလုံးဝ မသောက်ပါ။ ခရီးသွားလျှင်လည်း ရေနွေးဘူး အမြဲဆောင်ထားလေ့ရှိပါသည်။ ဖျော်ရည်ဆိုလျှင်လည်း စက်ဖြင့်ဖျော်သည်ဖြစ်စေ၊ လက်ဖြင့်ဖျော်သည်ဖြစ်စေ လတ်ဆတ်သည့် သစ်သီးဖျော်ရည်များကိုသာ စွဲစွဲမြဲမြဲသောက်ပါသည်။ ဘူးများ ပုလင်းများ ရှောင်ကြဉ်သလို သစ်သီးအဆီများလည်း ရှောင်ကြဉ်ပါသည်။ ဥပမာ-ဇီးဖျော်ရည်ပြုလုပ်ရန် အဆီထုတ်ထားသော ဇီးသီးအဆီစသည့် အသင့်ဖျော် အဆီများကို ရှောင်ခြင်းဖြစ်ပါသည်။  တရားပွဲများ၌ ဘူးများ ပုလင်းများသာရှိသည့်အခါ ပျားသံပုရာသာ ဘုဉ်းပေးပါသည်။ အသင့်ယူလာသောပျားရည်ထဲ သံပုရာသီးညှစ်ထည့်ကာ ရေနွေးပူပူဖြင့် ဖျော်စပ်ပြီး ဘုဉ်းပေးပါသည်။ အာဟာရလည်းဖြစ် အားလည်းရှိ အပန်းလည်းပြေ ခေါင်းလည်းကြည်လင် ကိုယ်လည်းလန်းဆန်းသဖြင့် ပျားသံပုရာကို အမြဲဆောင်ထားလေ့ရှိပါသည်။ 

ကော်ဖီ လဘက်ရည်လည်း ရှောင်ကြဉ်ပါသည်။ လဘက်ရည်ရှောင်သည်မှာ ကလေးအရွယ်ကတည်းက ဖြစ်ပါသည်။ အနံ့ပင် မခံနိုင်ပါ။ အရသာလည်း မတွေ့ပါ။ မကြိုက်သောကြောင့် မသောက်ခြင်း ဟူလိုသော်....။ ကော်ဖီမသောက်ခြင်းကား ကျန်းမာရေးကြောင့် ဖြစ်ပါသည်။ မနက်အစော ဆွမ်းကပ်ပွဲတစ်ခုမှ ကော်ဖီသောက်လာမိပါသည်။ အပြန်တရားထိုင်သည့်အခါ နှလုံးခုန်သံကိုသာ မှတ်နေရပါသည်။ နှလုံးခုန်သံ မြန်နေ ကြမ်းနေပါသည်။ ထိုအခါမှစ၍ ကော်ဖီရှောင်ခဲ့သည်မှာ ယခုဆိုလျှင် နှစ်ပေါင်း နှစ်ဆယ်ပင် ရှိပါပြီ။ “ရောင်းတန်းတွေကသာ မကောင်းတာ ကော်ဖီအစစ် ကောင်းပါတယ်”ဟု အပြောများသဖြင့် စမ်းသောက်ကြည့်သော်လည်း နှလုံးခုန်သံကြမ်းသည် မြန်သည်ပင်။ ကော်ဖီတွင်ပါဝင်သော ကဖိန်းဓာတ်၏ လက်ချက်ဖြစ်ပါသည်။ ၎င်းဓာတ်က စိတ်ကြည်လင်အောင် နှလုံးကို အဆမတန် မောင်းနှင်ပုံရပါသည်။ ကြောက်လှပါတော့၏။ ထို့ကြောင့် ကော်ဖီဆိုလျှင် မည်သို့ကောင်းသည်၊ မည်မျှပေးရသည်၊ မည်သည့်နေရာမှ မှာယူရသည် စသည်ဖြင့် ကော်ဖီချီးမွမ်းခန်းထုတ်စေကာမူ လုံးဝ မသောက်ပါ။ ထေရ်ကြီးဝါကြီးများက ဇွတ်တိုက်သည့်အခါမျိုးနှင့် ကြုံရလျှင်လည်း အားနာနာဖြင့် တစ်ငုံသာ သောက်ပြတတ်ပါသည်။ ဆွမ်းပွဲမှာ ဈေးကြီးကော်ဖီပါလာလျှင်လည်း ခွင့်တောင်းကာ ကျောင်းအထိသယ်လာခဲ့ပါသည်။ တပည့်များအကြိုက်တွေ့ကြ၏။

မရှိလျှင်မဖြစ် မပါလျှင်မပြီးဟု ဆိုရလောက်သည်အထိ စွဲလန်းကြိုက်လွန်းသော အစားအစာ မရှိပါ။ ကျန်းမာရေးနှင့်ညီညွတ်သည်ဟုဆိုလျှင် မကောင်းသည်ဖြစ်စေ မကြိုက်သည်ဖြစ်စေ များများစားပါသည်။ ဥပမာ- ခဲသီး၊ ရုံးပတီသီးစသည် ဖြစ်ပါသည်။ ကျန်းမာရေးနှင့် မညီညွတ်ဟုဆိုလျှင် ကောင်းသည်ဖြစ်စေ ကြိုက်သည်ဖြစ်စေ လုံးဝ မစားတော့ပါ။ ဥပမာ- ကိတ်မုန့်အကောင်းစားများနှင့် အသားတုများ စသည်တို့ပင်တည်း။

စာရေးသူသည် ဝိကာလဘောဇနကို အမြဲရှောင်ကြဉ်ပါသည်။ ဝိနည်းထို(ဓိုရ်)၍ မဟုတ်ပါ။ အထင်အမြင် အသေးမခံနိုင်သောကြောင့် ဖြစ်ပါသည်။ သို့သော် အများနှင့်ဆိုလျှင် စိတ်ဝမ်းကွဲမခံပါ။ အလိုက်အထိုက်အားဖြင့် အနည်းအကျဉ်းတော့ ချီးမြှောက်ပါသည်။ အချို့သောတရားပွဲများ၌ နေ့ဆွမ်းအချိုပွဲလို စားပွဲကြီးဖြင့် တည်ခင်းထားတတ်ပါသည်။ စာရေးသူ အတော်ရှက်ပါသည်။ မဘုဉ်းပေးသည့်တိုင် ထိုင်နေသည့်ပုံ လိုင်းပေါ်တင်လိုက်မည်ကို အထူးစိုးရိမ်သည်။ ထို့ကြောင့် စားပွဲနှင့် တလွဲထိုင်ကာ ပျားသံပုရာသာ သောက်ပြလေ့ရှိပါသည်။ ထိုအခါ အလိုက်သိသူများက သစ်သီးပွဲ မုန့်ပွဲများကို ပြန်သိမ်းလေ့ရှိပါသည်။ ထေရ်ကြီးဝါကြီးများ လာအားပေးကြလျှင်ကား စားပွဲမှာထိုင်ပေးကာ ကျန်းမာရေးအကြောင်းပြပြီး ပျားသံပုရာဘုဉ်းပေးလျှင် ဘုဉ်း၊ မဘုဉ်းလျှင် အမြင်တော်ရာ ညဂျင်းသုပ်၊ ထန်းလျက်ခဲ စသည်များကိုသာ ရွေးချယ်ဘုဉ်းတတ်ပါသည်။

ခရီးမသွားဘဲ ကျောင်းမှာသာအမြဲရှိလျှင် နေ့ခင်းအိပ်ရာထ ဖျော်ရည်နှင့် ည အင်ရှူးဝါးတို့အကြား ညဦးပိုင်းလောက်မှာ စတုမဓု တစ်ဇွန်း အမြဲဘုဉ်းပေးပါသည်။

မွန်းလွဲစာ အာဟာရများကိုကြည့်လျှင် ညစာမစားသော်လည်း ညစာစားသလောက်နီးပါး ဘုဉ်းပေးသည်ကို တွေ့ရပါမည်။ အိပ်ရာထ အအေးအဝသောက်သည်။ ညေနစောင်း ပျားသံပုရာ(သို့မဟုတ်) စတုမဓု၊ ညအခါ အင်ရှူးဝါး စုံလင်နေသောကြောင့် ဖြစ်ပါသည်။ ထို့ကြောင့် စာရေးသူ ဝိနည်းမထို(ဓိုရ်)ဟု ဆိုခဲ့ခြင်း ဖြစ်ပါသည်။

စာရေးသူသည် နွားကျင်ငယ်နှင့် ဖန်ခါးသီးကို အတော်ကြိုက်ပါသည်။ ကိုယ်တိုင်ဖော်စပ်ဖို့ မလွယ်ပါ။ ခရီးထွက်၍ ရလာလျှင်လည်း ပျော်နေတတ်ပါသည်။ အသီးကို ဝါးစား၍ အဖတ်ကို ထွေးထုတ်ကာ အရည်ကို သောက်သုံးလေ့ ရှိပါသည်။ မနက်အိပ်ရာနိုးလျှင်နိုးချင်း ၎င်းအရည်တစ်ဇွန်းကို ရေနွေးနှင့်စပ်၍ သောက်ချလိုက်လျှင် ဆီးဝမ်းအလွန်ကောင်းပါသည်။ တပည့်များ ဒကာ ဒကာမများကို တိုက်ကြည့်လျှင် မသောက်ချင်ကြပါ။ ဘုရားပေးသည့် နွားဆေးဟုပြော၍ အာနိသင်ကို ကြော်ငြာသော်လည်း ရွံကြပုံရပါသည်။

ယခုအခါ စာရေးသူတို့တိုင်းပြည်သည် ကျန်းမာရေး၌ အရေးပေါ်အဆင့်မှာ ရှိနေပါသည်။ ရောဂါများလည်း စုံလင်လှပါသည်။ အများစုမှာ အာဟာရကြောင့် ဖြစ်ပါသည်။ အထူးသဖြင့် Ready Made ဘူး ပုလင်းများကြောင့် ဖြစ်ပါသည်။ ဆီးချို၊ သွေးတိုး၊ ကျောက်ကပ်၊ အသဲ စသည်တို့သည် ၎င်းဘူး ပုလင်း အထုပ်အပိုးများကြောင့် ဖြစ်ပွားရခြင်း ဖြစ်ပါသည်။ ဆီးချိုကို အသံတိတ်လူသတ်သမားဟု ခေါ်ဆိုကြသလို သွေးတိုးကို လက်ဖြောင့်လူသတ်သများဟု ခေါ်ဆိုနေကြပါသည်။ စာရေးသူမှာ ဆီးချိုသွေးတိုးစသည့် အတွင်းကလီစာနှင့်ပတ်သက်သည့် ရောဂါကြီးများ လုံးဝ မရှိပါ။ အစားအသောက် အနေအထိုင် ဆင်ခြင်သောကြောင့် ဖြစ်ပါသည်။ အထူးသဖြင့် ကျန်းမာရေးလိုက်စားသောကြောင့် ဖြစ်ပါသည်။

အာဟာရ ကျင့်စဉ် ပြီးပါပြီ။

ဝီရသူ(မစိုးရိမ်)

11.5.2020