ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၉)

ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၉)

“ဥပုသ်နေ့ တစ်နေ့တာ”

(ဆရာတော်ဦးဝီရသူ၏ နှစ်သစ်ကူး အထူးလက်ဆောင်)

-------------------------------------------------

ပုံမှန်အားဖြင့် ဥပုသ်နေ့များ၌ စာဝါနားကြပါသည်။ စာသင်သားများက အပတ်စဉ်စာမေးပွဲများ ဖြေဆိုကြပါသည်။ လဆန်း ၈ရက်၊ လဆုတ် ၈ရက် ဥပုသ်နေ့များ၌ အတန်းငယ်များ စာမေးပွဲဖြေကြရကာ လပြည့်လကွယ် ဥပုသ်နေ့များ၌ စာချတန်းများ စာမေးပွဲဖြေကြရပါသည်။ နာယကဆရာတော်များက မိမိတာဝန်ယူပို့ချရသည့် ဘာသာရပ်များအလိုက် မေးခွန်းထုတ်ရပါသည်။ စာရေးသူဆိုလျှင် စာချတန်းသံဃာများဖြေဆိုရန် လပြည့်(သို့မဟုတ်) လကွယ်နေ့အတွက် အဋ္ဌသာလိနီကျမ်းဆိုင်ရာ မေးခွန်းများထုတ်ပေးရပြီး လဆန်း ၈ရက် (သို့မဟုတ်) လဆုတ် ၈ရက်နေ့များ၌ အကြီးတန်းသံဃာများဖြေဆိုရန် ပဋ္ဌာန်းကျမ်းဆိုင်ရာ မေးခွန်းထုတ်ရပါသည်။

စာမေးပွဲဖြေဆိုချိန်၌ အလှည့်ကျအစောင့်သံဃာများရှိသဖြင့် ထိုအချိန်များကို အမျိုးသားရေးအလုပ်များဖြင့် အစားထိုးရပေသည်။ နှစ်ပတ်လည်အခမ်းအနားများ၊ ဟောပြောပွဲများ၊ တရားပွဲများသို့ သွားရသည်က များပါသည်။ တစ်နှစ်တာစာဝါများ မပြီးဆုံးမချင်း အဖိတ်နေ့နှင့် ဥပုသ်နေ့များမှာသာ တရားပွဲသို့ သွားတတ်ပါသည်။ အဖိတ်နေ့စာဝါပြီးလျှင် တရားပွဲသွားသည်။ ဥပုသ်နေ့တရားဟောပြီး ဥပုသ်ထွက် စာဝါအမီ ပြန်လာတတ်ပါသည်။

ထိုသို့သော အခမ်းအနားများမရှိလျှင် လောကအလင်းပညာဒါနစာသင်ကျောင်း၊ ကျောက်ချောရွာ ပညာဒါနစာသင်ကျောင်း (မန်းမဟော်သဓာ)နှင့် မင်းကွန်းပုထိုးတော်ကြီး ပညာရေးအကယ်ဒမီကျောင်းတို့သို့ သွားရောက်တတ်ပါသည်။ လောကအလင်းနှင့် မန်းမဟော်သဓာစာသင်ကျောင်းတို့၌ နာရီပိုင်းမျှသာ ကြာမြင့်တတ်ပြီး ပညာရေးအကယ်ဒမီ၌မူ အဖိတ် ဥပုသ် နှစ်ညလုံး အိပ်စက်ရပါသည်။ တည်းထောင်ခါစဖြစ်၍ လိုအပ်ချက်များ များပြားလွန်းသဖြင့် အစစအရာရာ ဂရုစိုက်ရပါသည်။ သားသားမီးမီးများအပိုင်း၊ ဆရာ ဆရာမများအပိုင်း၊ ပညာရေး ကျန်းမာရေး စားရေး နေရေး အုပ်ချုပ်ရေးအပိုင်း စည်တို့ကို စည်းဝေးတိုင်ပင် လုပ်ကိုင်ဆောင်ရွက်ကြပါသည်။

ကျောင်းဒါယကာ ဒါယိကာမများ မရှိကြတော့ခြင်း၊ အမာခံ ဒကာ ဒကာမများ လုံးဝ မရှိခြင်းကြောင့် ဓမ္မပူဇာငွေများဖြင့်သာ ဖြည့်ဆည်းပေးနေရကား လိုအပ်ချက်များကို ဦးစားပေးအဆင့်ဖြင့်သာ တစ်ခုပြီးတစ်ခု ဖြည့်ဆည်းနိုင်ပါသည်။ ဥပမာ- အိမ်သာ၊ ရေချိုးကန်၊ ရေသန့်စက်၊ မီးစက် စသည်တို့တွင် အိမ်သာများ ပြည့်စုံအောင်လုပ်ပေးပြီးမှ ရေချိုးကန်အတွက် လုပ်ငန်းစနိုင်ခြင်း စသည်တို့ဖြစ်ပါသည်။ အိမ်သာပြီးသော်လည်း ရေချိုးကန်အတွက် ငွေမလုံလောက်သေးလျှင် ဒုတိယဦးစားပေးလုပ်ငန်းဖြစ်သော်လည်း အကောင်းအထည် မဖော်နိုင်သေးပေ။ ငွေပြည့်စုံမှ အကောင်အထည်ဖော်ရပါသည်။

ပထမနှစ်၌ လူဦးရေ ၁၇၀ကျော်သာရှိသော်လည်း ဒုတိယနှစ်၌မူ ၃၅၀ကျော်လာသဖြင့် အလွန်တရာ အားစိုက်ခဲ့ရပါသည်။ ပညာရေးဌာနသုံးခုလုံး၌ ဆောင်ပုဒ်တစ်ခုသာ ထားပါသည်။ “သာသနာ ပညာ ယဉ်ကျေးမှု၊ ကောင်း တော် ယဉ်အောင်ပြု”ဟူသော ဆောင်ပုဒ်ကို လောကအလင်း၊ မန်းမဟော်သဓာ၊ ပညာရေးအကယ်ဒမီ သုံးကျောင်း သုံးဌာနလုံးမှာ ထားရှိပါသည်။ လူကောင်း လူတော် လူယဉ်ကျေးလေးတွေ မွေးထုတ်ရေးသာ အဓိကဖြစ်ပါသည်။

စာရေးသူ၏ ပရဟိတနှင့် ပညာရေးကုသိုလ်လုပ်ငန်းများကြောင့် ဥပုသ်နေ့များ၌ ကျောင်းမကပ်နိုင်ပါ။ ထို့ကြောင့် လပြည့်လကွယ်ဥပုသ်နေ့များ၌ ညနေ ၃း၀၀နာရီ ဥပုသ်ပြုချိန်နှင့် မကြုံကြိုက်သည်က များပါသည်။ တစ်ဝါတွင်းလုံး ဥပုသ်မပြုလိုက်ရသည်လည်း ရှိပါသည်။ ဥပုသ်နေ့စာဝါနားချိန်တွင် ကိုယ်ပိုင်အချိန်ထား၍ သက်သက်သာသာ နားနားနေနေ နေထိုင်ချင်သော်လည်း ကျောင်းတိုက်နှင့်မသက်ဆိုင်သော ပြင်ပလုပ်ငန်းများအတွက် အချိန်ပေးနေရသဖြင့် နားအေးပါးအေးဖြင့် သက်သောင့်သက်သာ နေရသည်ဟူ၍ လုံးဝ မရှိခဲ့ပါ။

မိုးရွာခြင်း၊ ဥပုသ်နေ့မှာ တွေ့ဆုံခွင့်တောင်းထားသူကို အချိန်ပေးထားခြင်းတို့ကြောင့် ပရဟိတ ပညာရေးဌာနများသို့ မသွားနိုင်လျှင်မူ နေ့စဉ်ပြုနေကျ အနိက္ခိတ္တဝတ်များအတွက် ဓမ္မစေတိယကျောင်းဘေးက ပန်းဥယာဉ်လေးထဲမှာ လေဝဝရှူလျက် လမ်းလျှောက်တတ်ပါသည်။ မနက်တစ်ကြိမ် လေသွားရှူလျက် အစိန္တေယျြံကီးဘုရားရှိခိုးစာများ ရွတ်ဆိုပူဇော်ပါသည်။ ညဦးပိုင်း တစ်ကြိမ် ပဋ္ဌာန်းပါဠိတော်များ ရွတ်ဆိုပူဇော်ပါသည်။ ရွတ်ဖတ်ပြီးတိုင်း ထိုက်လျက်ဖြစ်စေ စင်္ကြံသွားလျက်ဖြစ်စေ မေတ္တာကမ္မဋ္ဌာန်း စီးဖြန်းပါသည်။ ထိုအခိုက်အတန့်၌ အလွန်တရာ ငြိမ်းချမ်းပါသည်။

ပန်းခြံလေးသို့ သွားရောက်ရွတ်ဖတ်ပွားများသည့်အခါတိုင်း၌ ဟန်းဆက်ယူမသွားပါ။ တရားအတွက် သီးသန့်အချိန်ပေးခြင်း ဖြစ်ပါသည်။ သို့သော် အရေးကြီးဧည့်သည် အာဂန္တုများ ရောက်ရှိလာခြင်း၊ အရေးကြီးဖုန်းဝင်လာခြင်းများ ကြုံရလျှင် ပန်းခြံထဲထိ အလုပ်ကလိုက်လာတတ်ပါသည်။ ထိုအခါ ပြီးဆုံးသည်အထိ ရွတ်ဖတ်နိုင်ခဲ့သော်လည်း မေတ္တာပွားများခြင်းကို တစ်ဝက်တစ်ပျက်နှင့် ရပ်ခဲ့ရပါတော့သည်။ အတ္တဟိတကာလကို ပရဟိတကာလက အာဏာသိမ်းသွားခြင်းကြောင့် ဖြစ်ပါသည်။

ဥပုသ်နေ့ စာဝါမရှိ၍ ပရိယတ္တိလုပ်ငန်းများ ရပ်နားထားရသည့်အပြင် အခမ်းအနားများ ဟောပြောပွဲနှင့် တရားပွဲများလည်း သွားစရာမရှိခဲ့လျှင် ည စောစောအိပ်ရပါသည်။ အစောဆုံး အိပ်ရသည်ညကား ၁၁း၃၀ နာရီတည်း။ ထိုသို့ အစောကြီးအိပ်လိုက်ရလျှင် အားရှိသည်ဟု ထင်ပါသည်။ လူးလဲထရခြင်းမျိုး ကုန်းရုန်းထရခြင်းမျိုး လုံးဝ မရှိသည့်အပြင် ပေါ့ပါးလန်းဆန်း တက်ကြွနေသည်ဟု ခံစားရပါသည်။

ညစဉ် အိပ်ရေးဝဝ အိပ်ချင်လိုက်ပါဘိ။

ဥပုသ်နေ့ တစ်နေ့တာ ပြီးပါပြီ။

ဝီရသူ(မစိုးရိမ်)

30.4.2020