“ချစ်လို့လား မုန်းလို့လား” (၄)

“ချစ်လို့လား မုန်းလို့လား” (၄)

ဂျပန်အစိုးရလို ပြည်သူကို မထောက်ပံ့နိုင်လို့ ပြောနေကြတာမှ မဟုတ်တာ၊

စင်္ကာပူအစိုးရလောက်တော့ စောင့်ကြည့်ခံပြည်သူတွေကို စောင့်ရှောက်စေလိုလို့ ပြောကြတာ။

ရိက္ခာအိမ်စေ့ မပေးနိုင်လို့ ပြောကြတာမှ မဟုတ်တာ၊

ချို့တဲ့နွမ်းပါး စားစရာမဲ့ပြည်သူတွေ အိမ်စေ့ရစေချင်လို့ ပြောကြတာ။

တတ်နိုင်သလောက်လေး ထောက်ပံ့နေတာကို အပြစ်ပြောနေကြတာမှ မဟုတ်တာ၊

လူစုလူဝေး ရိက္ခာပေးတာဟာ ပြည်သူတွေရောဂါပိုး ကူးစက်နိုင်လို့ ပြောကြတာ။

ရိက္ခာထောက်ပံ့တာကို ဝမ်းမသာနိုင်လို့မှ မဟုတ်တာ၊

ရောဂါမကူးစက်အောင် ပေးဝေနည်း၊ အမှန်တကယ်ဆင်းရဲသည့် ပြည်သူ့လက်ထဲ အရောက်ပို့နည်းတွေ စီမံမပေးလို့ ပြောကြတာ။

Quarantine ၊ Lock Down ၊ Home Stay တွေ မလုပ်စေချင်လို့မှ မဟုတ်တာ၊

ရပ်ရွာထဲက စောင့်ကြည့်ခံ ပြည်သူတွေကို အငတ်ထားကြလို့ ပြောကြတာ။

ကိုဗစ်အရေးမှာ အစိုးရလုပ်နေတာတွေဟာ ပြည်သူနစ်နာစရာတွေပဲ ဖြစ်နေတယ်ဆိုတာ မြင်စေချင် ပြင်စေချင်လို့ ထောက်ပြတာဟာ ပြည်သူကို ချစ်တယ် မချစ်ဘူး ဆုံးဖြတ်နိုင်လောက်တဲ့ ဒေတာတွေမို့ ဝေဒနာနဲ့ မဖုံးကွယ်သင့်ကြောင်းပါ။

ဝီရသူ(မစိုးရိမ်)

30.4.2020

AM- 11:14