“အမျိုးသားရေးဝါဒကို ပစ်ပယ်မှာလား။ အမျိုးသားရေးဝါဒကို တိုင်းပြည်မှာရှင်သန်ခွင့်ပေးမှာလား”(ဂ-နိဂုံး)

“အမျိုးသားရေးဝါဒကို ပစ်ပယ်မှာလား။ အမျိုးသားရေးဝါဒကို တိုင်းပြည်မှာရှင်သန်ခွင့်ပေးမှာလား”(ဂ-နိဂုံး)

(ဆရာတော်ဦးဝီရသူနှင့် အင်တာဗျူး၊ ပြည်ချစ်သားဂျာနယ်အတွဲ(၂)အမှတ်(၂၀) 28.6.2019)

ငြိမ်း- အခုလက်ရှိအချိန်မှာ ရဟန်းတော်များ မဲပေးခွင့် လိုအပ်လာပြီလို့ ဆရာတော်ကြီးတွေက သုံးသပ်လာကြတဲ့အတွက် ရဟန်းတော်များ မဲပေးခွင့်ရဖို့အတွက် လှုပ်ရှားမှုတွေရှိလာရင် ဘာများပြောစရာရှိမလဲဘုရား။

ဆရာတော်- ဟိုအရင်တုန်းကတော့ ဦးဇင်းခံယူထားတာကတော့ ရဟန်းသံဃာတော်ဆိုတာ အရောင်အသွေး မှန်သမျှနဲ့ ဆက်ဆံနေရတာ။ အဲဒီတော့ ထောက်ခံတဲ့ပါတီဆိုတာ မရှိသင့်ဘူး။  ရဟန်းသံဃာတွေ မဲပေးစရာမလိုဘူး၊ မဲမပေးသင့်ဘူးလို့ သုံးသပ်ခဲ့တယ်။

ဒါပေမယ့် အသည်းကြားမှမဲတစ်ပြားက နိုင်ငံတစ်ခုရဲ့ အဆုံးအဖြတ်ကို ကွဲကွဲပြားပြားဖြစ်အောင် လုပ်ပေးနိုင်တယ်ဆိုတော့ မဲပေးခွင့်ရှိတဲ့သူတွေမှ ဂရုစိုက်တာပေါ့။ မဲပေးခွင့်မရှိတဲ့သူတွေကို ဂရုမစိုက်ကြဘူး။ ဒီတော့ ဆရာတော်တွေ ဆုံးဖြတ်တာကောင်းတယ်လို့ပဲ ပြောရမှာပါပဲ။

လူမလေးခွေးမခန့်ဘဝနဲ့ နေသွားမယ့်အစား၊ ကိုယ့်ကိုယ်လာပြီးတော့ ခခယယ အောက်ကျို့ပေါင်းကြတဲ့ အဖွဲ့အစည်းတွေ ရောက်လာမယ်ဆိုရင်တော့ လူရိုသေရှင်ရိုသေဘဝ ရောက်လာခဲ့ရင် ပိုကောင်းတာပေါ့။

ငြိမ်း- အရှင်ဘုရားအတွက် ဆုတောင်းတာပဲဖြစ်ဖြစ်၊ အမျိုးသားရေးလှုပ်ရှားမှုတွေလုပ်တာပဲဖြစ်ဖြစ် အဲဒီလို လုပ်နေကြတဲ့သူတွေကို အရှင်ဘုရားအနေနဲ့ ဘာများမိန့်ချင်ပါသလဲဘုရား။

ဆရာတော်- ပြောရမယ်ဆိုရင်တော့ အစိုးရကကိုင်တွယ်မှုက အတော်လေးတင်းကျပ်လာတာ တွေ့ရတယ်။ ဆုတောင်းပွဲ လုပ်တာမျိုးတွေဆိုရင် အရင်ကခွင့်ပြုပေးနေတာလေ။ အခုဟာက ကမ္မဝါကိုင်တဲ့သူကိုတောင်မှ ဝင်ပြီးဆွဲတဲ့ အနေအထားမျိုးဖြစ်နေတယ်။ ဦးဇင်းတို့နိုင်ငံက စစ်ဖိနပ်အာဏာရှင်ကို စံချိန်ချိုးမယ့် ဒေါက်ဖိနပ်အာဏာရှင်စနစ်ကို သွားနေတာဆိုတော့ ညီတော်နောင်တော်လေးတွေ ဒီလောက်တော့  ထိခိုက်ရှနာဖြစ်မှာပဲလို့ ဦးဇင်းကယူဆမိတာပဲလေ။ ထိခိုက်ရှနာမဖြစ်အောင် လုပ်နိုင်ရင်တော့ အကောင်းဆုံးပါပဲ။

ငြိမ်း- အခုလက်ရှိ အရှင်ဘုရားနဲ့ အစိုးရဖြစ်နေတဲ့ ပြဿနာမှာ အစိုးရဘက်က ဓမ္မစက်နဲ့ပဲ အရေးယူပေးပါလို့ အလျှော့ပေးလိုက်မယ်ဆိုရင်ပြေလည်နိုင်စရာ လမ်းစတစ်ခုဖြစ်တယ်လို့ သုံးသပ်နိုင်တာမျိုး ရှိလာနိုင်မလားဘုရား။

ဆရာတော်- အဓိကကတော့ ဆရာတော်ကြီးတွေက မေတ္တာရပ်ခံတယ်။  အစိုးရသဘောတူတယ်ဆိုရင် ပြေလည်သွားတာပေါ့။ ရှေ့မှာလည်း အရှင်ဂမ္ဘီရတို့၊ ရွှေညဝါတို့ကို ဒီလိုပဲ ဓမ္မစက်နဲ့ကိုင်တွယ်ခဲ့ဖူးတာပဲ။  မရတဲ့အဆုံးကျမှ အာဏာစက်ဆိုတာ ပါရတာကိုး။

အခုလည် ဦးဇင်းအမှုကို ဓမ္မစက်နဲ့ အရင်ကိုင်တွယ်ရမှာဖြစ်တယ်။ သူတို့က ဘောင်ကျော်ပြီးလုပ်တာ၊ သူတို့က နောက်ဆုတ်သွားတယ်ဆိုရင်တော့ ကောင်းတာပေါ့။ ဆရာတော်ကြီးတွေက  သံဃာ့လုပ်ထုံးလုပ်နည်းတွေက ဒီလိုတော့ရှိတယ်လို့ ပြောနေတာကိုမှ သူတို့က ဖမ်းမယ်ဆီးမယ်ဆိုရင်တော့ အာဏာရှင့် အာဏာရှင်ကြီး၊ အာဏာရှင့် အာဏာရှင်စနစ် ပေါ်ပေါက်လာပြီလို့ သတ်မှတ်ရမှာပေါ့။ အဲဒီလိုဆိုရင်တော့ တိုင်းပြည်ရဲ့ကံကြမ္မာက ကံဆိုးမိုးမှောင်ကျနေပြီလို့ပဲ သုံးသပ်ရမှာပေါ့။

ငြိမ်း- ဒီတစ်ပတ်အတွက်ပေါ့ဘုရား၊ ဒီတစ်ပတ်အတွက်ဆိုတာက နောက်အပတ်တွေ နောက်အပတ်တွေ ဆိုတာကလည်း မသေချာပါဘူးဘုရား။ ဖြစ်နိုင်မယ်ဆိုရင်တော့ အပတ်စဉ်လေး ရရင်ရသလိုလေး အင်တာဗျူးခွင့်ရချင်သလို ရဖို့လည်းကြိုးစားပါ့မယ်ဘုရား။ ခု အဆက်အသွယ်ရတဲ့ အချိန်လေးအတွင်းမှာပဲ ဒီတစ်ပတ်အတွက် ဘာများပြောချင်ပါသလဲဘုရား။

ဆရာတော်- အမျိုးသားရေးသမားတွေ ဆုတောင်းပေးတာကိုလည်း ဦးဇင်းကဝမ်းသာတယ်။ အခမ်းအနားတွေမှာလည်း တက်ညီလက်ညီ တွေ့ရတဲ့အတွက်ကြောင့် အားတက်တယ်။  ပြောနေကြအတိုင်းပဲ တစ်ဗိုလ်ကျ တစ်ဗိုလ်တက်စနစ်နဲ့သွားပါ။ တက်ကုန်လှော်ရင်း အဆန်ခရီးကို ဖြတ်သန်းကြပါ။ တက်ကျိုးရင် လက်ထိုးလှော်နိုင်အောင် ခုကတည်းက ခွန်အားတွေမွေးထားကြပါလို့ မှာချင်ပါတယ်။