“အနိုင်ကျင့်တဲ့အကွက်တွေ ကုန်သွားပြီဆိုရင် ဦးဇင်းထွက်လာမှာပါ” (ဂ)

“အနိုင်ကျင့်တဲ့အကွက်တွေ ကုန်သွားပြီဆိုရင် ဦးဇင်းထွက်လာမှာပါ” (ဂ)

(ဆရာတော်ဦးဝီရသူနှင့် အင်တာဗျူး၊ ပြည်ချစ်သားဂျာနယ် အတွဲ(၂)အမှတ်(၂၂) 26.7.2019)

======================================

ငြိမ်း- လက်ရှိ နိုင်ငံရေး အခြေအနေပေါ့ဘုရား။ လက်ရှိအချိန်အထိ အတိုက်အခံကောင်းမရှိသေးဘူးပေါ့ဘုရား။ အတိုက်အခံကောင်း မရှိတဲ့အတွက် အရှင်ဘုရားတို့လို သံဃာတွေက ပြည်သူ့အတွက်ဆိုတဲ့ ခေါင်းစဉ်အောက်ကနေဝင်ပြီးတော့ အတိုက်အခံလုပ်ပေးနေရတယ်။  အစိုးရကို ဝေဖန်ထောက်ပြတာတွေ လုပ်ပေးနေရတယ်။ အဲဒီအတွက် ဖြစ်လာတဲ့ အကျိုးဆက်ကတော့ မကောင်းလှဘူးပေါ့ဘုရား။ အခု အရှင်ဘုရားဆိုရင် တိမ်းရှောင်နေရတယ်ပေါ့ဘုရား။ လက်ရှိအချိန်မှာ အတိုက်အခံကောင်းကောင်း မရှိတဲ့အပေါ် ပါတီနိုင်ငံရေးလုပ်နေကြတဲ့ နိုင်ငံရေးသမားတွေကို ဘာများပြောချင်ပါသလဲဘုရား။

ဆရာတော်- မြန်မာ့နိုင်ငံရေးကို သုံးသပ်ပြမယ်ဆိုရင် NLDပါတီကို အတိုက်အခံပါတီကြီးလို့ လူတွေက  ထင်နေကြတာ။ တကယ်တမ်းကျတော့ အတိုက်အခံပါတီ မဟုတ်ဘူး။ သူက ဝါယောပါတီ။ ဝါယောပါတီတောင်မှ  သူများရှေ့ကနေလွှင့်တဲ့ ဝါယောမဟုတ်ဘဲ သူများနောက်လိုက် ဝါယောပေါ့ကွာ။

ဥပမာ ဆိုကြပါစို့။ တစ်ခုခု နိုင်ငံရေးအကြပ်အတည်းတွေ တွေ့လာပြီဆိုရင် SNLDတို့ ဘာတို့က ကြေညာချက် ချက်ချင်းထုတ်နိုင်တယ်။ ဒါပေမယ့် အတိုက်အခံပါတီလို့ ကိုယ့်ကိုယ်ကိုယ် ခံယူထားတဲ့ NLD ကျတော့ BBCကို စောင့်နားထောင်ရတာနဲ့၊ VOA ကို စောင့်နားထောင်ရတာနဲ့၊ RFAကို စောင့်နားထောင်ရတာနဲ့၊ နိုင်ငံတကာအသိုင်းအဝိုင်းရဲ့ အာဘော်ကိုလိုက်ရတာနဲ့ ကြေညာချက်တစ်စောင် ထုတ်ဖို့ကိစ္စမှာတောင် တော်တော်ကြာတာ တွေ့ရတယ်။

အဲဒီလိုပဲ မြန်မာ့နိုင်ငံရေးကို သူက ဘယ်နေရာများ ဦးဆောင်နိုင်ခဲ့လို့လဲ။

ကဲ... ကြည့်လေ။ ၉ဝ ခုနှစ် ရွေးကောက်ပွဲ အောင်မြင်ခဲ့တယ်။ ဘာအာမခံချက်မှ မရှိဘဲ သူဝင်ပြီး အရွေးခံလိုက်တယ်။ အခြေခံဥပဒေ ရေးဆွဲတယ်။ အဲဒါကို သပိတ်မှောက်လိုက်တယ်လေ။ သပိတ်မှောက်လိုက်တဲ့အတွက် စစ်အစိုးရက အချိန်ဆွဲခွင့်ရသွားတာပဲ။ သူတို့က ကိုယ်ပိုင်အတွေးအခေါ်နဲ့ ကိုယ်ပိုင်အမြော်အမြင် မရှိပါဘူး။ နိုင်ငံတကာပြောတဲ့အတိုင်း လိုက်လုပ်တာလို့ ဦးဇင်းကတော့ သုံးသပ်မိတာပဲ။ နိုင်ငံတကာက  သပိတ်မှောက်ဆို  မှောက်လိုက်တာပဲ။ နိုင်ငံကာက ပိတ်ဆို့ဆို ပိတ်ဆို့လိုက်တာပဲ။ အဲဒီလို ပုံစံမျိုးကြီးနဲ့  နိုင်ငံရေးလုပ်ခဲ့တာဆိုတော့ အတိုက်အခံလို့ လူတွေက ပြောနေပေမယ့်လို့ အတိုက်အခံအလုပ် သိပ်မလုပ်တတ်ဘူးလို့ ဦးဇင်းအနေနဲ့ ပြောရမှာဘဲ။

ဒါကြောင့် သံဃာတော်တွေက ရွှေဝါရောင်တော်လှန်ရေးနဲ့ ဖောက်ထွက်ခဲ့တယ်။ သူတို့က နောက်ကလိုက်ခဲ့တယ်။ နိုင်ငံရေးအရောင်အသွေး မပါသေးသရွေ့ ရွှေဝါရောင်သံဃာတော်တွေ အန္တရာယ်ကင်းခဲ့တယ်။  သူတို့ နိုင်ငံရေးပယောဂတွေ ဝင်ပူးကပ်လာတဲ့အခါကျတော့ သင်္ကန်းကိုသွေးစွန်းသွားရတာဖြစ်တယ်။ အဲဒီမှာလည်း ပေးဆပ်ရတာ သံဃာတွေပဲလေ။

အတိုက်အခံမလုပ်ဖူးတဲ့ ကြံ့ခိုင်ရေးလက်ထက်ဆိုတော့ သူတို့ထက်စာရင် ပိုဆိုးသွားတာပေါ့ကွာ။  အဲဒီအတွက် သံဃာတွေ ပေးဆပ်ရမှာပေါ့။ မြန်မာ့နိုင်ငံရေးမှာ သံဃာတွေမပေးဆပ်တဲ့ခေတ်ဆိုတာ ဘယ်ခေတ်ရှိလဲလို့ မေးခွန်းပြန်ထုတ်ချင်တယ်။

ပုဂံခေတ်ကစလို့ နိုင်ငံရေးမှာ သံဃာတွေပေးဆပ်ခဲ့ရတာ။ မြန်မာ့နိုင်ငံရေးမှာ သံဃာတွေ မပေးဆပ်ရတဲ့ခေတ်ဆိုတာ မရှိခဲ့ဘူးလေ။ အဲဒီအတွက်တော့ ဦးဇင်းက ပေးဆပ်ရတဲ့အပေါ်မှာ လိပ်ပြာလုံပါတယ်။ ပြီးတော့ ကိုယ့်ကိုယ်ကိုယ် ပေးဆပ်သူအဖြစ်လည်း ဝမ်းသာအားရ ဂုဏ်ယူမိတယ်။

ငြိမ်း- လက်ရှိနိုင်ငံရေး အခြေအနေပေါ့ဘုရား။  ဖွဲ့စည်းပုံအခြေခံဥပဒေကို အကြောင်းပြုပြီးတော့ အငြင်းပွားနေကြတာတွေ၊ ထောက်ခံတာတွေ၊ ကန့်ကွက်တာတွေ ဖြစ်နေကြတယ်ဘုရား။ ပြီးခဲ့တဲ့ ဇူလိုင်လ ၁၇ ရက်ကဆိုရင် သဘောထားမတူတဲ့ ဆန္ဒပြတဲ့အဖွဲ့နှစ်ခု တစ်ရက်တည်း လုပ်ကြတာမျိုးအထိ ထိပ်တိုက်တွေ တိုးလာကုန်ကြပြီဘုရား။  ဒီလိုအခြေအနေနဲ့ ပတ်သက်ပြီးတော့ နိုင်ငံရေးကို စိတ်ဝင်စားရင် စိုးရိမ်စရာကောင်းတဲ့ အခြေအနေဆိုတာ သိသာနေပါတယ်ဘုရား။ အရှင်ဘုရားအနေနဲ့ လက်ရှိမြန်မာ့နိုင်ငံရေး အခြေအနေကို  ဘယ်လိုများ သုံးသပ်ပါသလဲဘုရား။

ဆရာတော်- ပြောရမယ်ဆိုရင်တော့ လက်ရှိအစိုးရက  စစ်အစိုးရ ပုံစံမျိုးဖြစ်သွားပါပြီ။ ၁၇ ရက်နေ့ အခမ်းအနားကို ကြည့်လိုက်ရင် မော်လမြိုင်လည်းသူတို့ ရှုံးတယ်ပေါ့၊ ထားဝယ်ဆိုရင်လည်း ကားလေးစီးနဲ့ လှည့်ပတ်ပြီး မိုက်ကြီးနဲ့ ဆော်သြတယ်၊ ဒါပေမယ့် လူနည်းတဲ့အတွက် တစ်သောင်းကနေ တစ်သောင်းခွဲအထိ တိုးပေးကြတယ်လို့လည်း ပြောသံတွေ ကြားရတယ်။ လူ ၃ဝ လောက်ပဲလာလို့ ပွဲပျက်သွားတယ်လို့ နောက်ဆက်တွဲ သတင်းတွေအရ သိရတယ်ပေါ့။ ရှမ်းတောင်လည်း ထိုနည်းလည်းကောင်းပဲ၊ တောင်ငူလည်း အဲဒီလို ကြားတာပဲ။ စစ်ကိုင်းဘက်ဆိုရင် ဝန်ကြီးချုပ်ကိုယ်တိုင်တက်တယ်။ ကလေးသူငယ်လေး တွေလည်း ပါလာတယ်။  ရန်ကုန်ဆိုရင်လည်း မျက်မမြင်တွေပါတယ်။ နောက်ပြီးတော့ငွေရေးကြေးရေး အသံတွေလည်း အများကြီးကြားရတယ်။

ဆိုပါတော့ အိုးဝေထက်ဆိုတဲ့ အကောင့်ကနေပြီးတော့ တစ်သက်လုံး အမေစုဆိုတဲ့သူကတောင်မှ ငွေကြေးနဲ့ ပတ်သက်ပြီး ကတိမတည်လို့ ရင်ဖွင့်တာတွေကို လူမှုကွန်ရက် အကောင့်မှာ တွေ့နေရတယ်။ အဲဒီအတွက် သူတို့တွေက အကျဘက် ရောက်လာတယ်လို့ သုံးသပ်တယ်။

မနေ့က အာဇာနည်နေ့ဆိုရင်လည်းတစ်အိမ် တစ်ယောက်တို့၊ ပါတီဝင်တွေ မတက်မနေရတို့ ဆင့်ခေါ်တာတွေ ရှိတယ်လို့ သိရတယ်။ လူတွေက သိပ်စိတ်မဝင်စားတော့ဘူး။ အာဇာနည်ခေါင်းဆောင်ကြီးတွေကို ကြည်ညိုတယ်၊ လေးစားတယ်။ ဒါပေမယ့် သူတို့လုပ်ပုံကိုင်ပုံတွေကို စိတ်ကုန်သွားတယ်။ ဒါကြောင့်မသွားကြ တော့ဘူးပေါ့။ အဲတော့ သူတို့တွေက နောင်ကို ဒီထက်ပိုဆိုးလေမလားပဲ။ စစ်အစိုးရလက်ထက်ကလို တစ်အိမ်တစ်ယောက် မလာမနေရ၊ မလာနိုင်တဲ့သူ လက်မှတ်ထိုး၊ မလာနိုင်တဲ့သူ  ကိုယ်စားလွှတ်၊ မလွှတ်နိုင်ရင် ထောင်ထဲသွားဆိုတဲ့ ပုံစံမျိုးတွေလုပ်မှပဲ သူတို့အခမ်းအနားတွေအောင်မြင်တော့မှာပေါ့။

နောက်ကြည့်လေ၊ ခြေဥပြင်တာကို ထောက်ခံတဲ့သူတွေက ယောင်ဝါးဝါးတွေများပြီး ၅၉ (စ)ကို ထောက်ခံတဲ့သူတွေက ချက်နဲ့လက်နဲ့ ပြောတတ်တာကို တွေ့ရတယ်လေ။  နောင်အနာဂတ်မှာတော့ ယောင်ဝါးဝါးက ကျဆင်းသွားမှာပဲ။ အဲဒီအတွက်ကတော့ ဦးဇင်းတို့က စိုးရိမ်စရာမရှိပါဘူး။

(ဆက်လက်ဖော်ပြပါမည်)