“ပညာရေးအကယ်ဒမီကျောင်းအတွက် မစိုးရိမ်စာသင်သားသံဃာတော်များအလှူတော်”
=====================================
မင်းကွန်း ဩဂုတ် ၂၃
23.8.2019 စစ်ကိုင်းမြို့နယ်၊ မင်းကွန်းဒေသ၊ ဓမ္မစေတီကျောင်းတိုက်၊
ပညာရေးအကယ်ဒမီကျောင်းအတွက် မန္တလေးမြို့ မစိုးရိမ်တိုက်မကြီးနှင့် မစိုးရိမ်တိုက်သစ်
စာသင်သားသောတုဇန သံဃာတော်အရှင်သူမြတ်များစုမှ န၀ကမ္မဝတ္ထုငွေနှင့် လှူဖွယ်ပစ္စည်းများ လာရောက်လှူဒါန်းကြကြောင်းသိရသည်။
အဆိုပါစာသင်သား သံဃာတော်များ၏ လှူဒါန်းမှုအစုစုကို ပညာရေးအကယ်ဒမီကျောင်းအုပ်ဆရာတော်
ဘဒ္ဒန္တဥက္ကဋ္ဌ၊ ဓမ္မစေတီကျောင်း တိုက်အုပ်ဆရာတော် ဘဒ္ဒန္တသုမနာလင်္ကာရတို့က လက်ခံရယူပြီး ဂုဏ်ပြုမှတ်တမ်းလွှာ
ပြန်လည်ပေးအပ်သည်။
အခမ်းအနားသို့ ပညာရေးအကယ်ဒမီ ကျောင်း ဆရာ၊ ဆရာမများ ကျောင်းသား
ကျောင်းသူများ တက်ရောက်ခဲ့ကြကြောင်းသိရသည်။
လှူဒါန်းမှု အစုစုမှာ ငွေကျပ် ၃၇၅၀၀၀၊ ခြုံစောင်ကြီးများ၊ သွားတိုက်ဆေး
သွားတိုက်တံ၊ ဆပ်ပြာခဲ ဆပ်ပြာမှုန့်၊ သဘက်များ၊
စာအုပ်နှင့် စာရေးကိရိယာများ ၊ ခေါက်ဆွဲခြောက်ထုပ်များ၊ မုန့်များနှင့် အခြား တစ်ကိုယ်ရေသုံးပစ္စည်းများ
ပါဝင်သည်။
ပညာရေး အကယ်ဒမီကို
စစ်ကိုင်းမြို့ မင်းကွန်းတောင်ရိုး ပုထိုးတော်ကြီးဘုရားအနီးရှိ
ဓမ္မစေတီကျောင်းတိုက်တွင် ကမ္ဘာကျော်ဆရာတော်နှင့် ဓမ္မစေတီဖောင်ဒေးရှင်း ဆရာတော် ဘဒ္ဒန္တနာဂိန္ဒာလင်္ကာရတို့
ပူးတွဲ တည်ထောင်ထားခြင်းဖြစ်သည်။
ပညာရေးအကယ်ဒမီတွင် ပဉ္စမတန်းမှ တက္ကသိုလ်ဝင်တန်းအထိ တက်ရောက်သင်ယူနေကြပြီး
အုပ်ချုပ်ကြီးကြပ်သူ၊ ဆရာ၊ ဆရာမများ၊ ကျောင်းသား ကျောင်းသူများ စုစုပေါင်း အင်အား ၄၀၀
နီးပါးရှိသည်။
ကျောင်းသား၊ ကျောင်းသူများ၏ ပညာရေး သာမက ကျန်းမာရေး စားဝတ်နေရေးတို့ကိုပါ
အပြည့်အဝတာဝန်ယူ ဆောင်ရွက်ပေးလျက်ရှိကြောင်းသိရသည်။
No comments:
Post a Comment