“ထိုင်းနိုင်ငံခရီးစဉ် (၆)”
============
ဝါခေါင်လပြည့်ကျော် ၁ ရက် (27.8.2018) ရက်နေ့၊ ထိုင်းဆရာတော်ကြီးအဖွဲ့က
စားသောက်ဆိုင်သို့ လိုက်ပို့ပါတယ်။
စားသောက်ဆိုင်မှာ နေ့ဆွမ်းစားကြပါတယ်။
ဟင်းသီးဟင်းရွက် အရင်စားရပါတယ်။
ပြီးမှ ဆွမ်းစားရတာပါ။
ဟင်းသီးဟင်းရွက်ကို သစ်သားဇလုံထဲထည့်ပြီး သစ်သားယောက်မဖြင့်မွှေကာ
ထိုင်းဆရာတော်ကြီးက လိုက်လံထည့်ပေးပါတယ်။
ဟင်းတွေကလည်းစုံလို့ပါပဲ။
ရေနွေးပွဲလည်း စုံလို့ပါပဲ။
ဆွမ်းစားပြီးတဲ့အခါ ဆရာတော်ကြီးနှင့်အတူ မြန်မာပြည်ကိုပါလာဖူးတဲ့
ဒကာ ဒကာမများကို ကျောက်စီဘုရားပုံလေးတွေ လက်ဆောင်ပေးပါတယ်။
ဆရာတော်ကြီးကလည်း သင်္ကန်းတွေ ပြန်လည်စွန့်ကြဲပါတယ်။
ဒကာ ဒကာမများက ထမင်းပေါင်းအိုးနှစ်လုံး လှူပါတယ်။
ပုံစံကဆန်းနေလို့ ဘာအိုးလဲ မေးကြည့်ရာမှ ထမင်းပေါင်းအိုးဖြစ်ကြောင်း
ပြောပြီး ချက်ချင်းဝယ်လှူလိုက်တာပါ။
ပြီးတဲ့အခါ သဗ္ဗီတိယောဂါထာတို့ကို ပါဠိလိုရွတ်ဆိုကာ ဒကာ ဒကာမများအား
ဆုတောင်းပေးကြပါတယ်။
ထိုင်းဘုန်းကြီးရော မြန်မာဘုန်းကြီးပါ ပါဠိလိုရွတ်ဆိုဆုတောင်းပေးကြတာ
ကြည်နူးစရာကောင်းပါတယ်။
စာရေးသူတို့ ကားပေါ်တက်ခါနီးမှာ မဟာချိုင်တရားပွဲမှ ရရှိလာတဲ့ မြန်မာသင်္ကန်းတစ်စုံကို
ထိုင်းဆရာတော်ကြီးအား လှူလိုက်ပါတယ်။
ဆရာတော်ကြီးက ချက်ချင်းဝတ်မယ်ဆိုလို့ အပေါ်ရုံသင်္ကန်းကို ဆရာတော်ကြီးအား
ဝတ်ရုံပေးလိုက်ပါတယ်။
ဆရာတော်ကြီးက တအားပျော်သွားပြီး ထိုင်းလိုဥဒါန်းကြူးပါတယ်။
အဓိပ္ပါယ်တော့မသိရပါ။
စာရေးသူတို့ကားထွက်တော့ ဆရာတော်ကြီးနှင့်အဖွဲ့ လွမ်းကျန်နေခဲ့တာ
တွေ့ခဲ့ရပါတယ်။
အင်မတန်သံယောဇဉ်ကြီးတဲ့ ထိုင်းမိသားစု ဖြစ်ပါတယ်။
No comments:
Post a Comment