“သံယောဇဉ်ကြီးသော ဆရာတော်ကြီး”

“သံယောဇဉ်ကြီးသော ဆရာတော်ကြီး”

=======================

30.5.2018 ရက်နေ့၊ ညနေ (၆း၀၀)နာရီ၊ မန္တလေးမြို့၊ မဟာအောင်မြေမြို့နယ်၊ မစိုးရိမ်တိုက်သစ်၊ ဓမ္မသဟာယကျောင်းသို့ ထိုင်းနိုင်ငံမှ အမေရိကန်လူမျိုးဆရာတော်ကြီးတစ်ပါး ကြွရောက်လာပါတယ်။

ဆရာတော်ကြီး၏တပည့် ဦးဇင်းကြီးတစ်ပါး၊ သီလရှင်ဆရာလေးတစ်ပါးနှင့် အမျိုးသမီးတစ်ဦးလည်း ပါပါတယ်။ ဘာသာပြန်ပေးသူကတော့ မန္တလေးမှ အမျိုးသမီးတစ်ဦးဖြစ်ပါတယ်။

ဒီဆရာတော်ကြီးက စာရေးသူထံ မကြခဏကြွလာတတ်ပါတယ်။ ကြွလာတဲ့အခါတိုင်းလည်း သူရရှိထားတဲ့ လှူဖွယ်ဝတ္ထုအသေးအဖွဲလေးကအစ သိမ်းဆည်းထားသမျှတွေ အကုန်သယ်လာပြီး စာရေးသူအား စွန့်ကြဲလှူဒါန်းတာပါ။

သွားတိုက်တံ၊ သွားတိုက်ဆေး၊ လက်သည်းညှပ်၊ ပိုက်ဆံအိတ်၊ ရေဘူး၊ စာအုပ် စုံနေတာပါပဲ။

ဒီတစ်ခါတော့ ပုစုခရု ဘာဆိုဘာမှမပါဘဲ အားပေးရုံသက်သက်ရောက်ရှိလာတာပါ။ ပြီးခဲ့တဲ့ ဖေဖော်ဝါရီလတုန်းကလည်း စာရေးသူအတွက် နဝကမ္မနှင့် မုဒိမ်းကျင့်ခံရတဲ့ နစ်နာသူ မိန်းကလေးမိသားစုတွေအတွက် ငွေကြေးရိက္ခာများ လှူဒါန်းသွားပါတယ်။

အခုတစ်ခါလည်း စာရေးသူ လိုရာသုံးစွဲဖို့ဆိုကာ နဝကမ္မများ လှူဒါန်းသွားပါတယ်။ အရင်တစ်ခါလှူဒါန်းခဲ့တဲ့ငွေတွေနှင့် ပုံနှိပ်စက်လေးတစ်လုံး ဝယ်ယူဖြစ်ခဲ့ပါတယ်။ ဆရတော်ကြီးက နှစ်စဉ်နှစ်တိုင်း ရောက်လာတတ်ပြီး အားပေးစကားပြောကြားတဲ့အခါ စာရေးသူရဲ့ ပကတိမျက်နှာနှင့် တိုင်းမ်မဂ္ဂဇင်းမျက်နှာဖုံးပုံကို အမြဲတမ်းနှိုင်းယှဉ်ကြည့်ကာ မီဒီယာတွေကို သရော်တတ်ပါတယ်။

စာရေးသူအား မြေးတစ်ယောက်လိုမေတ္တာထားကာ စာရေးသူလိုအပ်တာမှန်သမျှ ကူညီထောက်ပံ့နေချင်တဲ့အကြောင်း မကြာမကြာမိန့်တော်မူပါတယ်။

စာရေးသူက မြန်မာနိုင်ငံအတွက်သာမက ထိုင်းနိုင်ငံအတွက်ပါ အမှန်တကယ်လိုအပ်တဲ့ ရဟန်းတော်တစ်ပါးဖြစ်ကြောင်းလည်း မိန့်တော်မူပါတယ်။

စာရေးသူ ပို့ချတဲ့ ပဋ္ဌာန်းစာဝါကိုလည်း ကိုယ်တိုင်ကြွရောက်အားပေးသွားပါတယ်။

မြေးအဖိုးတမျှ သံယောဇဉ်ကြီး ကျေးဇူးကြီးလှပါသော ဆရာတော်ကြီးဟာ ထိုင်းနိုင်ငံမှာ အေးအေးလူလူ တောရဆောက်တည်နေတဲ့ ယောဂီရဟန်းတစ်ပါးဖြစ်ပါတယ်။

ဝီရသူ (မစိုးရိမ်)

2.6.2018