မဘသ(ဗဟို)၏
ကောင်းမှုတော်
ဝါဆိုဆရာတော်ဘုရားကြီး၏
ရုပ်ကလပ်တော်အား
မဘသ (ဗဟို)ဥက္ကဋ္ဌဆရာတော်ကြီးဖူးမျှော်ကြည်ညို၍
အလှူတော်ငွေ သိန်းငါးဆယ်ကျပ်လှူဒါန်း
======================================
၂၀၁၇ ဖေဖေါ်ဝါရီလ
(၁၆ ) ရက်
ဘဝနတ်ထံ ပျံလွန်တော်မူသွားပြီဖြစ်သော
ရွှေကျင်ဂိုဏ်းကြီး ၏ စုဒ္ဒသမ သာသနာပိုင် မန္တလေးမြို့ မဟာဝိသုဒ္ဓါရုံ ဝါဆိုကျောင်းဆရာတော်ကြီး
ရုပ်ကလပ်တော်ရှိရာသို့ အမျိုးဘာသာသာသနာစောင့်ရှောက်ရေးအဖွဲ့ ( ဗဟို )ဥက္ကဋ္ဌ အင်းစိန်ရွာမပရိယတ္တိစာသင်တိုက်ကြီး၏
ပဓာနမဟာနာယက အဂ္ဂမဟာပဏ္ဍိတ၊ နိုင်ငံတော်သြဝါဒါစရိယ၊ ရွှေတိဂုံစေတီတော်မြတ်ကြီး၏ သြဝါဒါစရိယ၊
အင်းစိန်မြို့နယ်လုံးဆိုင်ရာ မဟာသုဓမ္မာပဝါရဏာဂိုဏ်းချုပ်ဆရာတော် ဘဒ္ဒန္တတိလောကာဘိဝံသဆရာတော်ကြီးနှင့်
မဘသ(ဗဟို)ဦးဆောင်ဆရာတော်များအဖွဲ့က ယနေ့ညနေပိုင်းတွင် သွားရောက်ပူဇော်ကန်တော့ခဲ့ကြပါသည်။
ရှေးဦးစွာ
ဗဘသ (ဗဟို) ဥက္ကဋ္ဌဆရာတော်ကြီးနှင့်အဖွဲ့သည် သက်တော်ရှည်ဝါဆိုကျောင်းဆရာတော်ကြီး ရုပ်ကလပ်တော်အား
ဖူးမျှော်ကြည်ညိုကြပါသည်။
ယင်းနောက်
မဘသ (ဗဟို)ဥက္ကဋ္ဌဆရာတော်နှင့် ဗဟိုဦးဆောင်ဆရာတော်များအဖွဲ့သည် ဝါဆိုဆရာတော်ဘုရားကြီး၏
အန္တိမအဂ္ဂိဈာပနပူဇော်ပွဲအတွက် အလှူတော်ငွေများ ပေးအပ်လှူဒါန်းမှုများပြုလုပ်ခဲ့ကြပါသည်။
မဘသအဖွဲ့ပေးအပ်လှူဒါန်းငွေ
ကျပ်သိန်းငါးဆယ်အား ဈာပနကျင်းပရေးကော်မတီအဖွဲ့သို့ အပ်နှံလှူဒါန်းခဲ့ကြပါသည်။
အဆိုပါအခမ်းအနားသို့
မဘသ (ဗဟို)ဥက္ကဋ္ဌဆရာတော်ကြီး၊ မဘသ(ဗဟို)ဒုတိယဥက္ကဋ္ဌ တိပိဋကဓရဓမ္မ ဘဏ္ဍာဂါရိက ရွှေရတုတိပိဋကဓရ
မော်ကျွန်းဆရာတော် ဘဒ္ဒန္တသီလက္ခန္ဓာဘိဝံသ၊ ဗဟိုဦးဆောင် မဇ္ဈိမဂုဏ်ရည်ဆရာတော် ဒေါက်တာအရှင်ကောဝိဒ၊
ဗဟိုဦးဆောင် ရမည်းသင်းမဘသ အရှင်စန္ဒောဘာသနှင့် အရှင်ကုမာရ၊ ဗဟိုဦးဆောင်ဒေါက်တာအရှင်သောပါကနှင့်မြနန်းဆရာတော်တို့
တက်ရောက်ခဲ့ကြပါသည်။
မဘသ ဥက္ကဋ္ဌဆရာတော်ကြီးနှင့်အဖွဲ့အား
လေကြောင်းလိုင်းခရီးစဉ်အဆင်ပြေစေမှုအတွက် စစ်ကိုင်းသကျဓီတာ သီလရှင်စာသင်တိုက်မှ ဆရာကြီးဆရာလေးများက
တာဝန်ယူဆောင်ရွက်ပေးခဲ့ကြပြီး
မန္တလေးမဘသအဖွဲ့ဆရာတော်များကလည်း
မန္တလေးလေဆိပ်သို့ လာရောက်ကြိုဆိုကြပြီးအခမ်းအနားပါတက်ရောက်ခဲ့ကြပါသည်။
ယနေ့ အခမ်းအနားနှင့်ဆက်စပ်သမျှ
ကူညီဆောင်ရွက်ပေးကြသူ လှူဒါန်းကြသူအားလုံးတို့အား အထူးကျေးဇူးတင်ပါကြောင်း မှတ်တမ်းတင်ဖေါ်ပြအပ်ပါသည်။
သတင်းမှတ်တမ်း
ဒေါက်တာသောပါက
ခေတ္တ မန္တလေး
၁၆-၂-၂၀၁၇
No comments:
Post a Comment