“မြန်မာပြည်က မွတ်ဆလင်တွေပဲ ကျန်တော့တယ်(၂)”

(ငြိမ်းချမ်းရေးလိုလို ချစ်ကြည်ရေးလိုလို အင်တာဖေ့သ်လိုလို ဒိုင်ယာလော့လိုလို ဘာလိုလို နှာလိုလို လုပ်မနေနဲ့။ တကယ်ငြိမ်းချမ်းရေးကို လိုလားရင် ဒီလောက်လေးတော့ သတ္တိရှိရမယ်။ မလုပ်နိုင်ရင် နေရာဖယ်ပေးလိုက်။ ဖယ်မပေးနိုင်ရင် ဂျိုးလိုလို မိုးလိုလို လျှောက်မပြောနဲ့။ ဒါပဲ)

ဝီရသူ (မစိုးရိမ်)

21.12.205

------------------------------------------------------------------------------------------------------------------------------

“IS နှင့် အစွန်းရောက်စစ်သွေးကြွများကို ကန့်ကွက်ရှုတ်ချရန် ဘင်္ဂလားဒေ့ရ်ှမွတ်ဆလင်ခေါင်းဆောင်များ စတင်ကြိုးပမ်း”

ဒါကာ၊ ဒီဇင်ဘာ ၁၉

ဘင်္ဂလားဒေ့ရ်ှနိုင်ငံတွင် အစွန်းရောက်စစ်သွေးကြွအယူအဆများ ကြီးထွားလာခြင်းမရှိစေရန် ရဲတပ်ဖွဲ့က အစ္စလာမ်ဓမ္မဆရာများနှင့် ဘာသာရေးခေါင်းဆောင်များကို အနီးကပ်စောင့်ကြည့်လေ့လာနေစဉ် မွတ်ဆလင်ခေါင်းဆောင်များက အစ္စလာမ္မစ်နိုင်ငံတော် (IS) အကြမ်းဖက်အုပ်စု၏ လုပ်ရပ်များကို ကန့်ကွက်ရှုတ်ချသည့် အစ္စလာမ္မစ်ကြေညာချက်တစ်ရပ် ထုတ်ပြန်ရန် ကြိုးပမ်းလျက်ရှိကြောင်း VOA သတင်းဌာနက ရေးသားဖော်ပြသည်။

ဘင်္ဂလားဒေ့ရှ် အစ္စလာမ်ဘာသာရေးခေါင်းဆောင်များသည်  ဖက်ဝါဟုခေါ်သော ကြေညာချက်မူကြမ်းကို ရေးဆွဲထားပြီဖြစ်ပြီး ယင်းကြေညာချက်က IS နှင့် ဘင်္ဂလားဒေ့ရှ် အစ္စလာမ္မစ်စစ်သွေးကြွအုပ်စုတို့၏ လုပ်ရပ်များသည် အစ္စလာမ်ဘာသာနှင့် ဆန့်ကျင်ကြောင်း ကန့်ကွက်ရှုတ်ချထားသည်။

အဆိုပါကြေညာချက်ကို ဘင်္ဂလားဒေ့ရ်ှနိုင်ငံတစ်ဝန်းရှိ အစ္စလာမ်ဘာသာရေးဆရာများနှင့် ဓမ္မရေးရာလေ့လာသူများ စုစုပေါင်းတစ်သိန်းခန့်က ပူးတွဲလက်မှတ်ထိုးကြမည်ဖြစ်သည်ဟု ဘင်္ဂလားဒေ့ရှ် အမျိုးသားအစ္စလာမ်အဖွဲ့ (BJU) ဥက္ကဋ္ဌ မာလာနာမာရီဒူဒင်မာဆွတ်က အသိပေးပြောကြားသည်။

“အဲဒီကြေညာချက်ရဲ့ အဓိကရည်ရွယ်ချက်ကတော့ အကြမ်းဖက်တိုက်ခိုက် သတ်ဖြတ်တဲ့ လုပ်ရပ်တွေ လုပ်ဆောင်နေတဲ့ IS နှင့် IS အုပ်စုကိုထောက်ခံနေကြတဲ့ ပြည်တွင်းက စစ်သွေးကြွတွေဟာ အစ္စလာမ်ရဲ့ ရန်သူတွေသာမက မွတ်ဆလင်တွေအားလုံးရဲ့ ရန်သူဖြစ်တယ်ဆိုတာကို သိသာမြင်သာရှိအောင် ပြောဖို့ပါပဲ”ဟု မာဆွတ်က ပြောကြားသည်။

ထိုသို့ အစ္စလာမ္မစ်ကြေညာချက်တစ်ရပ် ထုတ်ပြန်နိုင်ရေးအတွက် BJU က နိုင်ငံတစ်ဝန်းရှိ ဘာသာရေးခေါင်းဆောင်များနှင့် ဓမ္မဆရာများကို လိုက်လံစည်းရုံးခဲ့သည်။

မာဆွတ်ပြောကြားချက်အရ BJU သည် ဘင်္ဂလားဒေ့ရ်ှနိုင်ငံရှိ အောက်ခြေလူတန်းစားများဆီသို့ အစ္စလာမ္မစ်စစ်သွေးကြွများ စိမ့်ဝင်မှုမရှိစေရေးအတွက် တစ်တိုင်းပြည်လုံးရှိ ဗလီဝတ်ကျောင်းများမှ ဗလီဆရာထောင်ပေါင်းများစွာကို လေ့ကျင့်သင်ကြားပေးလျက်ရှိသည်။

“သူတို့နဲ့ ဆွေးနွေးပြောဆိုမှုတွေ လုပ်ခြင်းအားဖြင့် ဗလီဆရာတွေအနေနဲ့ IS နှင့် အခြားအစွန်းရောက်အုပ်စုတွေဟာ ကိုရမ်ကျမ်းရဲ့အဆုံးအမတွေနဲ့ ဆန့်ကျင်တဲ့လုပ်ဆောင်ချက်တွေ ပြုမူလုပ်ကိုင်နေတယ်ဆိုတာကို ပြည်သူတွေသိအောင် ရှင်းပြပေးနိုင်ပါလိမ့်မယ်”ဟု မာဆွတ်က ဆက်လက်ပြောကြားသည်။

ဘင်္ဂလားဒေ့ရ်ှရဲတပ်ဖွဲ့ဌာနချုပ်တွင် BJU မှ ခေါင်းဆောင်များနှင့် တွေ့ဆုံဆွေးနွေးပြီးနောက် ဘင်္ဂလားဒေ့ရှ် ထောက်လှမ်းရေးအရာရှိချုပ် ရှာဟီဒူလ်က BJU ၏ IS နှင့် အခြားစစ်သွေးကြွအုပ်စုများ၏ သွေးထိုးလှုံ့ဆော်မှုများ တန်ပြန်ချေဖျက်ရေးအစီအစဉ်ကို သဘောတူညီလိုက်သည်။

ထိုသို့ မွတ်ဆလင်ဘာသာရေးခေါင်းဆောင်များ၏ ကြိုးပမ်းချက်များကို ဘင်္ဂလားဒေ့ရ်ှနိုင်ငံရှိ ခရစ်ယာန်ဘာသာရေးခေါင်းဆောင်များကလည်း ကြိုဆိုလိုက်သည်။

20.12.2015 – The Voice