“လွတ်ငြိမ်းချမ်းသာရေး ကုသိုလ်တော်”

3.11.2015 ရက်နေ့၊ မင်းဘူးတရားပွဲမှအပြန် မကွေး မဟာဝိသုတာရာမကျောင်းတိုက်မှာ တည်းခိုပါတယ်။ စာချဘုန်းကြီးများဖြစ်တဲ့ ဦးကုန်နှင့် ဦးသုန်တို့က မစိုးရိမ်တိုက်သစ်မှာ စာအတူသင်ဖူးတဲ့ သူငယ်ချင်းတွေပါ။

သူငယ်ချင်း ဦးကုဏ္ဍလနှင့် ရှေးဟောင်းနှောင်းဖြစ်တွေ ပြောဖြစ်သွားလို့ ညဥ့်နက်မှ အိပ်ဖြစ်ပါတယ်။

4.11.2015 မနက်အစောစာစားပြီး မြသလွန်စေတီတော်သို့ ဘုရားဖူးသွားကြပါတယ်။ သူငယ်ချင်း ဦးသုန္ဒရ လိုက်ပို့ပါတယ်။ ဘုရားပွဲဈေးတန်းကြီးကို တွေ့ရပါတယ်။ ဘုရားပွဲရှိနေတာတောင် ညက တရားပွဲလူစည်လို့ မင်းဘူးပြည်သူတွေကို လေးစားမိသွားပါတယ်။

ဘုရားစောင်းတန်းမှာ ငှက်လှောင်အိမ်လေးတွေ တွေ့ရလို့ လွတ်လပ်ရေးကုသိုလ်လိုချင်တာနဲ့ ခြင်းလိုက် သိပ်ပစ်လိုက်ပါတယ်။

ငှက်သေးသေးလေးတွေရော ငှက်အလတ်တွေရော ငှက်ကြီးတွေပါ ပါပါတယ်။ အားလုံး ခြင်း ( )ခြင်းပါ။ ဘုရားဖူးပြီး ဘုရားဝင်းထဲမှာပဲ ငှက်လွှတ်ကြပါတယ်။ အတောင်ညောင်းနေလို့ မပျံနိုင်တဲ့ ငှက်ကလေးတွေကို အတောင်ပံလေးတွေကို ဖွဖွလေး နှိပ်ပေးပြီး ရေခွံ့တိုက်ပြီးမှ လွှတ်ရပါတယ်။

ဂျိုးသိန်းကြီးတစ်ကောင် ရှစ်ထောင်ကျပ်နှင့်ဝယ်ပြီး လွှတ်တာ ကျန်းမာသန်စွမ်းပါလျက် မပျံသန်းနိုင်ပါဘူး။ စိတ်ပိုင်းဆိုင်ရာ ထိခိုက်သွားပုံရပါတယ်။ ကျောင်းယူလာပြီး လွတ်လွတ်လပ်လပ်ထားပါတယ်။ အစာကျွေးလည်း မရ၊ ရေတိုက်လည်း မရ လူတွေကို စိတ်နာနေပုံရပါတယ်။

နေ့ဆွမ်းစားပြီး တရေးတမောအိပ်ကာ ဂျိုးသိန်းလေးကို တင်ခေါ်ခဲ့ပြီး ရမည်းသင်းသို့ ခရီးဆက်ပါတယ်။ ရိုးမပေါ်ရောက်တဲ့အခါ ဂျိုးသိန်းလေးကို ကောင်းကင်ပေါ်ပစ်တင်လိုက်ပါတယ်။ နီးစပ်ရာသစ်ပင်ပေါ်မှာပဲ နားနေပါတယ်။ အဝေးကို မပျံသန်းနိုင်ပါဘူး။ သစ်ပင်ခွကြားထဲမှာပဲ ရပ်နေပြီး လူတွေကို ကြောင်ကြောင်ကြီး ကြည့်နေပါတယ်။

ဂျိုးသိန်းလေးကို နှုတ်ဆက်ပြီး ခရီးဆက်ခဲ့ပါတယ်။

ပျံသန်းတဲ့ ငှက်ကို သူတို့မို့ ဖမ်းချင်တာ...

ရွှေလှောင်အိမ်မှာ ပျော်လို့မရပါ...

ချစ်တဲ့ကောင်းကင်ရဲ့ လွတ်လပ်မှုကိုရှာ...

ကိုထီးစာသားလေးတွေကိုတော့ သတိရမိသားရယ်ပါ။

ငှက်ဝယ်တာ ငွေတစ်သိန်းနီးပါး ကုန်ကျပါတယ်။ ကုသိုလ်တွေကတော့ တစ်သိန်းထက်မက အများကြီးရပါတယ်။ လွတ်လပ်ရေးကုသိုလ်တွေပါ။

ငှက်ကလေးများ

လွတ်လပ်စွာ ပျံသန်းနိုင်ပါစေ

ဘေးကင်းစွာ ရှင်သန်နိုင်ပါစေ.....။

ဝီရသူ (မစိုးရိမ်)

6.12.2015

PM-6:39