“ဦးသိန်းစိန် သမ္မတဆက်လုပ်မယ်ဆိုရင် လှိုက်လှိုက်လှဲလှဲကြိုဆိုတယ်”

ဦးဝီရသူနှင့်အင်တာဗျူး

The Irrawaddy

၂၀၁၅ ရွေးကောက်ပွဲနီးကပ်လာချိန်တွင် ဘာသာရေးကို နိုင်ငံရေးအရ အသုံးချ၍ မဲဆွယ်ခြင်း၊ အသုံးချခြင်းများ ရှိလာနေပြီး မြန်မာ့နိုင်ငံရေးတွင် ဘာသာရေးအကြောင်းပြုသည့် လူမျိုးရေး၊ ဘာသာရေးပဋိပက္ခများ နောက်ဆက်တွဲ ဖြစ်ပွားလာမည်ကို စိုးရိမ်သူများလည်းရှိနေသည်။

လက်ရှိအချိန်တွင် အမျိုး ဘာသာ သာသနာစောင့်ရှောက်ရေးအဖွဲ့(မ.ဘ.သ)ကလည်း ရွေးကောက်ပွဲတွင် မည်သည့်အမတ်လောင်းကို မဲမပေးသင့်သည်ဟု ပြောဆိုစည်းရုံးမှုများ ရှိနေသည်။ ထို့ကြောင့် မဘသ ဦးဆောင်ဆရာတော်တပါးဖြစ်သူ မန္တလေးမြို့ မစိုးရိမ်တိုက်သစ်မှ နာယကဆရာတော်ဦးဝီရသူကို ဧရာဝတီ ကော်ပီအယ်ဒီတာ ထက်နိုင်ဇော်က ဆက်သွယ်မေးမြန်းထားပါသည်။

ဦးသိန်းစိန် အစိုးရလက်ထက်မှာ အမျိုးစောင့်ဥပဒေ ၄ ခုကို ပြဋ္ဌာန်းနိုင်ခဲ့တာဆိုတော့ ဒီဥပဒေတွေ ပြဋ္ဌာန်းပေးခဲ့တဲ့ လွှတ်တော်နဲ့ သမ္မတကို ဘာများပြောချင်လဲ။ မျိုးစောင့်ဥပဒေတွေ ပြဋ္ဌာန်းနိုင်အောင် လုပ်ဆောင်ပေးခဲ့တဲ့ ဦးသိန်းစိန်ကို ဒုတိယသက်တမ်းမှာ သမ္မတအဖြစ် ဆက်မြင်ချင်သေးလား။

နံပါတ် ၁ ကတော့ လွှတ်တော်မှာ အတိုက်အခံတွေကြားထဲကနေ အကြိတ်အနယ် ဆွေးနွေးပေးတဲ့ အမတ်တွေကို ကျေးဇူးတင်ဖို့ကောင်းတာပေါ့။ နံပါတ် ၂ ကတော့ ဘယ်သူပဲဖြစ်ဖြစ် အစိုးရဆိုတာ နာမည်ကောင်းရချင်တာပဲ။ ကန့်ကွက်တာ ဆန့်ကျင်တာတွေ လက်မခံချင်ဘူးလေ။ ဒီကိစ္စမျိုးကို အစိုးရက လက်မခံဘူးဆိုရင် နိုင်ငံတကာရဲ့ ထောက်ခံမှုကို သေချာပေါက်ရမှာပဲ။ ဦးသိန်းစိန်ကို ပိုပြီးတော့ သဘောကျမှာပေါ့။ သို့သော်လည်းပဲ သူ့ကိုတော့ သဘောကျပေမယ့် တိုင်းပြည်လုံခြုံရေးအတွက် အန္တရာယ်ကြီး သွားနိုင်တယ်။ တိုင်းပြည်ကို မကာကွယ်နိုင်ဘူး ဖြစ်သွားမယ်။

အဲဒီလို နိုင်ငံတကာက ဖိအားပေးနေတဲ့ ကြားထဲကနေပြီးတော့ မျိုးစောင့်ဥပဒေတွကို ရအောင်အကောင် အထည်ဖော်ပေးနိုင်တဲ့ သမ္မတကြီးကိုတော့ အထူးကျေးဇူးအတင်ဆုံးပဲ။ ဒုတိယသက်တမ်းအနေနဲ့ ဦးသိန်းစိန် သမ္မတဆက်လုပ်မယ်ဆိုရင် လှိုက်လှိုက်လှဲလှဲ ကြိုဆိုတယ်။

မဘသက ဒေါ်အောင်ဆန်းစုကြည်ရဲ့ NLD ပါတီကို မဲမပေးဖို့ လိုက်ပြီးစည်းရုံးနေတယ်လို့ ကြားသိရတယ်။ အဲဒီလိုဖြစ်စဉ်မျိုးကို သိလား။ တကယ်ပဲ မဘသက အဲဒီလို လိုက်စည်းရုံးနေလား။

ဦးပဉ္စင်းတို့မှာတော့ အဲလိုမူဝါဒ မရှိပါဘူး။ ဘယ်ပါတီကို မဲပေးပါလို့လည်း မပြောကောင်းဘူး။ ဘယ်ပါတီကို မဲမပေးပါနဲ့လို့လည်း မပြောကောင်းဘူး။ ပါတီတခုခုကို ယိုင်တာမျိုးတော့ မရှိဘူး။ သို့သော်လည်းပဲ ပါတီတိုင်း ပါတီတိုင်းမှာရှိတဲ့ ပုဂ္ဂိုလ်တွေကိုတော့ စိစစ်ရမယ်။ ကောင်းတဲ့ပုဂ္ဂိုလ်တွေရှိသလို မကောင်းတဲ့ပုဂ္ဂိုလ်တွေလည်း ရှိတယ်။ ညံ့တဲ့ပုဂ္ဂိုလ်တွေရှိသလို တော်တဲ့ပုဂ္ဂိုလ်တွေလည်းရှိတယ်။ အကောင်းဆုံး အတော်ဆုံးပုဂ္ဂိုလ်တွေကို ရွေးပြီးတော့ တိုက်တွန်းတာလည်း ရှိတယ်။

ဒေါ်အောင်ဆန်းစုကြည်က လူနည်းစု အခွင့်အရေးကို လေးစားပါလို့ပြောတယ်။ အဲဒီစကားကို လူတွေက မွတ်စလင်တွေကိုပဲ ရည်ညွှန်းတယ်လို့ထင်ကြတယ်။ လူနည်းစုဆိုရင် တိုင်းရင်းသားတွေလည်းလူနည်းစုပဲ။ ရခိုင်က ဘူးသီးတောင် မောင်တောမှာ ရခိုင်က လူနည်းစုလေ။ ဆိုတော့ ဦးပဉ္စင်းတို့က ဒေါ်အောင်ဆန်းစုကြည် အခုလိုပြောတာကို မွတ်စလင်တွေကို ကာကွယ်ပေးနေတာလို့ ထင်တာလား။

ဦးပဉ္စင်း NLD ပါတီကို သံသယကြီးကြီးနဲ့စောင့်ကြည့်လာခဲ့တာ ၂၀၁၂ ရခိုင်အရေးအခင်းပြီးကတည်းကပဲ။ ဦးပဉ္စင်း နိုင်ငံသားဆိုရင် တရုတ်ဖြစ်စေ၊ မွတ်စလင်ဖြစ်စေ ပါတီထဲမှာရှိနေတာကို မကန့်ကွက်ပါဘူး။ သို့သော်လည်းပဲ ရပ်တည်ချက် လိုအပ်တာပေါ့ဗျာ။ အရေးရယ် အကြောင်းရယ်ဆိုရင်လည်း ကိုယ့်လူမျိုး ကိုယ့်ဘာသာဘက်မှာ ရပ်တည်တဲ့လူကိုပဲ လိုလားတယ်။ ကိုယ့်နိုင်ငံဘက်မှာ ရပ်တည်တဲ့သူကိုပဲ လိုလားတယ်။ ကိုယ့်ဘာသာ ကိုယ့်သာသနာဘက်မှာ ရပ်တည်တဲ့သူကိုပဲ လိုလားတယ်။ ဒါပေမယ့် အခုချိန်ထိ ရပ်တည်မှု မတွေ့ရသေးတဲ့အတွက် ဆက်လက်ပြီး စောင့်ကြည့်နေတယ်။

မဘသအဖွဲ့ ပေါ်ပေါက်လာတဲ့အတွက် တိုင်းပြည်မှာ ဘယ်လိုကိစ္စမျိုးတွေမှာ အပြောင်းအလဲ ဖြစ်ခဲ့လဲ။ မဘသက ဘာတွေလုပ်ခဲ့တာရှိလဲ။

မျိုးစောင့်ဥပဒေတွ ပေါ်ပေါက်လာတယ်။ ရခိုင်ကနေ ဒီဘက်ကို ကူးစက်လာတဲ့ အဓိကရုဏ်းတွေ ချုပ်ငြိမ်းသွား အောင် လုပ်ပေးနိုင်ခဲ့တယ်။ တနိုင်ငံလုံးက သံဃာတွေကို စုစည်းနိုင်ခဲ့တယ်။ ယဉ်ကျေးမှု သင်တန်းတွေ ထွန်းကားအောင် လုပ်နိုင်ခဲ့တယ်။ ပရဟိတဆိုရင် ရေဘေးနဲ့ ပတ်သက်တာတွေလုပ်တယ်။ ပြန်လည်ထူထောင် ရေးအတွက်လည်း အခုလုပ်ပေးနေတယ်။ လောက်ကိုင်ဘက်က စစ်ရှောင်ဒုက္ခသည်တွေကို ကူညီပေးခဲ့တာ တွေရှိတယ်။ ပရဟိတဘက်ကိုလည်း တော်တော်လေးအထောက်အကူပြုလာနိုင်တယ်။ အဲဒါတွေကတော့ လက်တွေ့ခံစားရတဲ့ အကျိုးကျေးဇူးတွေပဲ။

မဘသအဖွဲ့ကို ဘယ်လိုရည်ရွယ်ချက်တွေနဲ့ တည်ထောင်ခဲ့တာလဲ။ အခုလက်ရှိ အင်အားဘယ်လောက်ရှိလဲ။

မဘသထောင်တဲ့ ရည်ရွယ်ချက်က အမျိုး ဘာသာ သာသနာ လုံခြုံရေးပါပဲ။ အင်အားက ပြောဖို့ခက်တယ်။ နှစ်ပတ်လည် ညီလာခံလုပ်တော့လည်း မြို့နယ်ပေါင်း ၁၇၀ လောက်က လာတယ်။ အခုတော့ မြို့နယ်ပေါင်း ၂၀၀ ကျော်သွားပြီလို့ ကြားတယ်။ အရေအတွက်နဲ့ကတော့ မန္တလေး မဘသကိုတောင် အတိအကျ မပြောနိုင်ဘူး။ မျိုးစောင့်ဥပဒေတွေ ပြဋ္ဌာန်းနိုင်ဖို့ လက်မှတ်ထိုးတောင်းဆိုတဲ့သူတောင် ၅ သန်းကျော်ပါတယ်။ ပြောမယ်ဆိုရင် ဒါက မဘသ ဖွဲ့စည်းကာစတုန်းက အင်အားလို့ ပြောလို့ရတယ်။