ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၁၆)

ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၁၆)

“တစ်ကိုယ်ရေ သန့်ရှင်းမှု”

-------------------------------------------------

စာရေးသူသည် နိုင်ငံခြားသားများ၏ လူနေမှု အဆင့်အတန်းကို အထင်ကြီးပါသည်။ အထူးသဖြင့် အနောက်တိုင်းသားတို့၏ လူနေမှုအဆင့်အတန်းကို အထင်ကြီးခြင်း ဖြစ်၏။ သူတို့နှင့် ယှဉ်လိုက်လျှင် မိမိလူမျိုးများ လူနေမှုအဆင့်အတန်း နိမ့်ကျနေပေသည်။ စိတ်မကောင်းပါ။ သူများတွေက အိမ်သာကို အိမ်ဦးခန်းနှင့် ဧည့်ခန်းအလား သန့်ရှင်းသပ်ရပ်စွာ တစ်ခမ်းတစ်နား ပြင်ဆင်ထားကြချိန်မှာ စာရေးသူတို့ လူမျိုးကား တောထိုင်ဓလေ့ ကျင့်သုံးနေဆဲ ဖြစ်ပါသည်။ အိမ်တိုင်းမှာ ယင်လုံအိမ်သာ ထားရှိရေးနှင့် လူတိုင်းရေလောင်းအိမ်သာ သုံးစွဲတတ်ရေးအတွက် အမြဲတမ်း နည်းလမ်းရှာဖွေနေမိပေသည်။

တရားပွဲများမှာ ဟောတတ်သလို အခမ်းအနားများနှင့် စာဝါများ၌လည်း သြဝါဒပေးလေ့ရှိပါသည်။ စာသင်သားသံဃာများအား သြဝါဒပေးရာ၌ လူနေမှုအဆင့်အတန်း မြင့်မားရေးအတွက် ဘုရားက သေခိယသိက္ခာပုဒ်များ ပညတ်ထားခဲ့ပုံ၊ သေခိယနှင့်အညီ ဝတ်စား ဆင်ယင်နိုင်၊ ပြုမူပြောဆိုနိုင်၊ နေထိုင်ကျင့်သုံးနိုင်လျှင် လူနေမှု အဆင့်အတန်း မြင့်မားပြီ ဖြစ်ကြောင်း၊ လူအထင်သေး မခံရနိုင်တော့ကြောင်း၊ ကြည်ညိုဖွယ် ဆောင်နိုင်ပြီဖြစ်ကြောင်း သတိပေး ဆော်သြတတ်ပေသည်။

အကျိုးသက်ရောက်မှု များစွာရှိသော်လည်း ပြီးပြည့်စုံသည့် အဆင့်မဆိုထားဘိ အားရကျေနပ်သည့် အဆင့်ပင် မရောက်သေးပေ။ အကြောင်းမှာ စာရေးသူကို ဝန်းရံနေသည့် တပည့်အများအပြားသည် ဝတ်စားဆင်ယင်မှု အလွန်စုတ်ချာသောကြောင့် ဖြစ်၏။ အချို့ဆိုလျှင် အရူးဟု ထင်ရလောက်အောင်၊ ဖိုးတောဟု ထင်ရလောက်အောင် ဝတ်ပုံစားပုံ နေထိုင်ပုံများ ညစ်ပတ်လွန်းသည်ကို တွေ့ရပေသည်။ စာရေးသူ နေထိုင်ဝတ်ဆင်ပုံကိုလည်း အတုခိုးရကောင်းမှန်း မသိကြချေ။

စာရေးသူသည် တစ်ကိုယ်ရေ သန့်ရှင်းရေးကို အထူးအလေးထားပါသည်။ သင်္ကန်းလဲသည့်အခါတိုင်း ကိုယ်ပတ်သင်္ကန်းကို အောက်ခံအဖြစ် အလျင်ဝတ်ပါသည်။ ပြီးမှ ကိုယ်ရုံ(ဧကသီ) ဝတ်ဆင်ပါသည်။ ချွေးထွက်များလျှင် ဧကသီထိ ချွေးမရောက်စေလိုသောကြောင့် ဖြစ်ပါသည်။ ထို့ကြောင့် ကိုယ်ပတ်သင်္ကန်းလေးကို ချွေးခံသင်္ကန်းဟု ခေါ်ဆိုနိုင်ပါသည်။ အအေးပတ်လောက်အောင် ချွေးစိုနေပြီဆိုလျှင် ကိုယ်ပတ်သင်္ကန်းအသစ် တစ်ထည်လဲပါသည်။ ချွေးစိုနေသည့် ကိုယ်ပတ်သင်္ကန်းဖြင့် တစ်ကိုယ်လုံးရှိချွေးများကို သုတ်သင်ပစ်ပါသည်။ ချွေးစိုသက်သာသဖြင့် ဧကသီကို ခဏခဏ လျှော်ဖွပ်စရာလည်း မလိုတော့ပါ။ အနံ့အသက်လည်း မဆိုးဝါးတော့ပါ။ သင်းပိုင်ကိုလည်း လဲလှယ်ဝတ်ပါသည်။ ချွေးစိုသည့်သင်းပိုင်ကို အခြောက်လှန်းလိုက် ဝတ်ထားသည့်သင်းပိုင် ချွေးရွှဲနေလျှင် အခြောက်လှမ်းထားသည့်သင်ပိုင်ကို ပြန်ဝတ်လိုက်နှင့် မကြာခဏ လဲပေးခြင်းဖြင့် တစ်ကိုယ်ရေသန့်ရှင်းမှု လုပ်ပြီးသားဖြစ်သလို အရေပြားကျန်းမာရေးနှင့် ပတ်ဝန်းကျင် ချွေးနံ့ကင်းရေးတို့အတွက်လည်း လုပ်ဆောင်ပြီးသား ဖြစ်သွားပါသည်။ ကျောင်းမှာနေလျှင် အကြမ်းသင်္ကန်းများသာဝတ်ဆင်ပြီး အခမ်းအနားရှိမှ သင်္ကန်းသစ်များ ဝတ်ဆင်ပါသည်။ သင်္ကန်းများကို လျှော်ဖွပ်၊ မီးကြွေတိုက်ပြီးမှ ဝတ်ပါသည်။ တပည့်များက မီးကြွေတိုက်ပေးကြပါသည်။

ကိုယ်ပတ်သင်္ကန်းကို အတွင်းခံဝတ်သဖြင့် ဧကသီ (ကိုယ်ရုံ)သင်္ကန်း ချွေးပေသက်သာပေသည်။ ဆားပေါက်ခြင်းမျိုး လုံးဝ မဖြစ်တော့ပါ။ ကိုယ်ပတ်သင်္ကန်းကို တစ်နေ့သုံးကြိမ် လဲလှယ်ဝတ်ပြီးလျှင် ချွေးအပေဆုံး သင်္ကန်းကို ရေချိုးသည့်အခါဝတ်၍ ချိုးပါသည်။ မိမိအနံ့ သူတစ်ပါး မထိခိုက်တော့ပါ။ မန္တလေးပြန်လျှင် အကြမ်းဝတ်သင်္ကန်းများ ထားခဲ့ရသဖြင့် ဝေယျာဝစ္စ ဒကာများက လျှော်ဖွပ်ထားပေးရပါသည်။ ထိုဒကာများလည်း အလုပ်မအားလျှင် ၎င်းတို့၏ အိမ်ရှင်မများကို လျှော်ဖွပ်ခိုင်းကြပါသည်။ ချွေးနံ့လည်းမရ၊ ကြေးညှော်လည်း မပေသည်ကို တွေ့ရှိရသဖြင့် မဝတ်ရသေးသည့် သင်္ကန်းနှင့် မှား၍ လျှော်ခိုင်းသည်ဟု ထင်နေကြပါသည်။ သူတို့ လျှော်ဖွပ်ရသည့် အဝတ်အစားများနှင့် တစ်ခြားစီ ဖြစ်နေသောကြောင့်တည်း။

ကိုယ်ပတ်သင်္ကန်းများ မလျှော်မိလျှင်မူ အရေပြားများက အချက်ပြပါသည်။ ဝမ်းဗိုက်အရေပြားများ ယားယံလာခြင်း ဖြစ်၏။ ထို့ကြောင့် ကိုယ်ပတ်တစ်ထည်လျှင် သုံးကြိမ်ထက်ပို၍ မဝတ်တော့ပါ။ နှစ်ကြိမ် သုံးကြိမ် ဝတ်ပြီးလျှင် လျှော်ဖွပ် မီးပူတိုက်ရပါတော့၏။သုံးရက်ဆက်တိုက် ရေချိုးချိန်မရသည့် နေ့များလည်း မကြာခဏ ကြုံရတတ်ပါသည်။ ထိုအခါ အရေပြားများ ယားယံလာတတ်ပါသည်။ ထို့ကြောင့် ရေချိုးခြင်းကို တစ်ကိုယ်ရေသန့်ရှင်းမှုအဖြစ်သာ လုပ်ဆောင်ခြင်း မဟုတ်ဘဲ ကျန်းမားရေးအရပါ လုပ်ဆောင်နေရပါသည်။

ရေချိုးခန်းဝင်တိုင်း လက်ဆေးပါသည်။ ရေသောက်များသဖြင့် ဆီးမကြာခဏသွားတတ်ရာ ဆီးသွားပြီးတိုင်း လက်ဆေးတတ်ပါသည်။ အစာစားပြီးသည့်အခါဖြစ်စေ၊ အအေးသောက်ပြီးသည့်အခါဖြစ်စေ လက်ဆေး ပါးစပ်ဆေး အမြဲလုပ်ပါသည်။ ခံတွင်းထဲမှာ ပုံမှန်မဟုတ်ဘဲ တစ်ခုခုထူးခြားနေသည်ဟု ခံစားမိလျှင် သို့မဟုတ် စိတ်ကျေနပ်မှု မရှိလျှင်လည်း ပါးစပ်ဆေးတတ်ပါသည်။

ရေနွေးကြမ်းပန်ကန်ထဲ ဟင်းဖြစ်စေ နွားနို့ဖြစ်စေ တစ်ခုခုထည့်မိလျှင် မည်မျှပင် ပြောင်စင်အောင် ဆေးကြောထားစေကာမူ အနံ့အသက်မပျောက်ပါ။ ဟင်းနံ့ နို့နံ့များ စွဲထင်ကျန်ရစ်သည်သာ ဖြစ်ပါသည်။ ဤသည်မှာ လ္ဘက်ခြောက်အာနိသင်ပင် ဖြစ်ပါသည်။ လ္ဘက်ခြောက်က အသန့်အရှင်း အလွန်ကြိုက်ပါသည်။ စာရေးသူသည် ရေနွေးကြမ်းသာ အသောက်များသဖြင့် စာရေးသူ၏လည်ချောင်းက အမြဲသန့်ရှင်းနေပေသည်။ ဖျော်ရည်သောက်ပြီး ရေသောက်ရုံ ပါးစပ်ဆေးရုံ သွားတိုက်ရုံဖြင့် လည်ချောင်းမပြောင်စင်ပါ။ လည်ချောင်းထဲ၌ တစ်ခုခု ညစ်ထေးပေရေနေသလို ခံစားရပါသည်။ ယားသကဲ့သို့လည်းကောင်း၊ လေးလံထူပိန်းနေသကဲ့သို့ လည်းကောင်း အမူအရာထူးခြားမှုတစ်ခု အမြဲဖြစ်ပေါ်တတ်ပါသည်။ ထိုအခါ ရေနွေးကြမ်းဖြင့် ပါးလုပ်ကျင်းပေးရပါသည်။ ရေနွေးကြမ်း သောက်ပေးရပါသည်။ ထိုအခါမှ လည်ချောင်းသန့်ရှင်းသွားပါတော့သည်။ နေထိုင်ကောင်းသွားပါတော့သည်။ စာရှုသူတို့လည်း လည်ချောင်းသန့်ရှင်းရေးအတွက် အစာစားပြီးတိုင်း ရေနွေးကြမ်းဖြင့် ပါးလုပ်ကျင်းပေးကြစေလိုပါသည်။ ရေနွေးကြမ်း သောက်ပေးကြစေလိုပါသည်။ သွားတိုက်ရုံ ပါးစပ်ဆေးရုံဖြင့် လည်ချောင်းမသန့်ရှင်းသောကြောင့် ဖြစ်ပါသည်။

စာရေးသူ ရေချိုးသည့်အခါ အကြမ်းခဲနှင့် အချောခဲ ဆပ်ပြာနှစ်မျိုးလုံး သုံးပါသည်။ အကြမ်းခဲအဖြစ် ရွှေဝါ (သို့မဟုတ်) ကာဘောလစ်ကို သုံးပါသည်။ အမွှေးခဲနှင့် ဆပ်ပြာဆီကား ကြုံသလို ရသလို သုံးပါသည်။ တစ်မျိုးတည်း စွဲမြဲစွာ သုံးလေ့မရှိပါ။ အကြမ်းအလျင်တိုက်ပြီးမှ အချောတိုက်ပါသည်။ အရေပြားဆိုင်ရာ ပိုးမွှားလေးများ ကင်းစင်စေလိုသောကြောင့် ဖြစ်၏။ အချောကိုမူ အနံ့အသက် ကောင်းစေလို၍ သုံးခြင်း ဖြစ်ပါသည်။ ယခုအခါ ဆပ်ပြာမွှေးများ လုံးဝ မသုံးစွဲတော့ပါ။ အယုံအကြည် မရှိသောကြောင့် ဖြစ်၏။ ကြေးညှော်များ ကင်းစင်သွားသော်လည်း ၎င်းတို့၌ပါဝင်သော ဓာတုဆေးရည်များက မွှေးညှင်းပေါက်များထဲ ဝင်ရောက်ကိန်းအောင်းနေသည်ကို တွေ့ရှိခဲ့ရပါသည်။ ကြာလျှင် အရေပြား ထိခိုက်နိုင်ပါသည်။ မိတ်ကပ်လိမ်းသူများလို အရေပြား မွဲခြင်း ခြောက်ကပ်ခြင်းများ ဖြစ်လာသည်ကို တွေ့ရှိရပါသည်။ ချွေးထွက်နည်းသူများ ပို၍ထိခိုက်နိုင်ပါသည်။ ထို့ကြောင့် မွှေးဆပ်ပြာများ လုံးဝ မသုံးစွဲတော့ခြင်း ဖြစ်ပါသည်။ အကြမ်းခဲသာ သုံးစွဲပါတော့၏။

သန့်စင်ခန်းဝင်သည့်အခါ ဘိုထိုင်ပေါ်မှာ ထိုင်စရာ ကရွတ်ခွေအဝိုင်းကွင်းလေးပေါ် ရေတွေတင်နေလျှင် တစ်ရှူးဖြင့် သုတ်ချပြီးမှ ထိုင်ပါသည်။ ဆီးဝမ်းသွားပြီးသည့်အခါ၌လည်း ၎င်းအဝိုင်းကွင်းလေးကို ပြန်ထောင်ထားခဲ့ပါသည်။ အခြားသူများ သွားလိုလျှင် ရေသုတ်စရာ မလိုဘဲ အဆင်သင့်အသုံးပြုနိုင်စေရန် ရည်ရွယ်ပါသည်။ ခရီးသွားသည့်အခါ ထိုနှုတ်ခမ်းလေးပေါ် ရေတင်နေသည်ကို တွေ့လျှင် တစ်ရှူးဖြင့် သုတ်ပစ်တတ်ပါသည်။ တစ်ရှူးမရှိလျှင် လက်ဖြင့်သုတ်ပြီးမှ ရေဆေးပါသည်။ ကျောင်းမှာ ထိုသို့တွေ့လျှင် အစပိုင်း၌ တစ်ပါးတည်း ကြိတ်မှိတ်သုတ်နေတတ်သော်လည်း နောက်ပိုင်းတွင်မူ တပည့်များကိုခေါ်ပြကာ ရေတင်အောင် မသုံးဖို့နှင့် သုံးပြီးက ပြန်ထောင်ခဲ့ဖို့ သင်ပြပေးရပါတော့သည်။ အချို့မှာ သဘောပေါက်သွားသော်လည်း အချို့ကမူ နားလည်မှုလွဲကာ မသုံးစေချင်ဘူးထင်၍ အများသုံး ကုဋီများသို့သာ သွားကြပါတော့သည်။ ရွံတတ်၍လည်း မဟုတ်ပါ။ မတက်စေချင်၍လည်း မဟုတ်ပါ။ ဖင်ထိုင်ရမည့်နေရာ ရေတင်နေလျှင် လုံးဝ မထိုင်တတ်သောကြောင့် ဖြစ်ပါသည်။

စာရေးသူ အပျင်းဆုံးအလုပ်ကို ပြပါဆိုလျှင် လက်သည်း ခြေသည်း ညှပ်ခြင်းပင်။ မှန်ပါသည်။ လက်သည်း ခြေသည်း ညှပ်ရမှာ အလွန်ပျင်းပါသည်။ အခမ်းအနားရှိမှ တရားပွဲရှိမှ ပရိသတ်နှင့် ထိတွေ့စရာရှိမှ ညှပ်ဖြစ်ပါသည်။ ခေါင်းရိတ်ခြင်း၊ နှုတ်ခမ်းမွှေး မုဆိတ်မွှေးရိတ်ခြင်းများကို မပျင်းသော်လည်း လက်သည်း ခြေသည်း ညှပ်ခြင်းကား အလွန်တရာ ပျင်းရိဖွယ် အလုပ်တစ်ခု ဖြစ်နေပေတော့၏။ တစ်ခါသော် စစ်ကိုင်းတိုင်း ကလေးမြို့ အခမ်းအနားတွင် ဆရာတော်တစ်ပါးက စာရေးသူလက်ကို ကိုက်မြှောက်ကာ လက်သည်းရှည်နေကြောင်း ပြသသည်နှင့် ကြုံရပေသည်။ “သီးသန့်အချိန် မပေးနိုင်လို့ပါဘုရား”ဟု လျှောက်လိုက်ရလေ၏။ အလုပ်ကိုသာ စိတ်ဝင်စားနေသဖြင့် လက်သည်းညှပ်ချိန် မပေးနိုင်သည်လည်း အကြောင်းတစ်ရပ်ပင်။ ရန်ကုန်ရောက်လျှင် တည်းခိုသည့်အိမ်၌ ဧည့်သည်တစ်ဦးက စာရေးသူကို နှုတ်ဆက်ကာ ခြေမကို လက်ညှိူးထိုး၍ ပြလေသည်။ “ဆရာတော့် ခြေသည်းတွေတောင် ပဲ့နေပါရောလား”ဟု လျှောက်ထားသည်နှင့် ကြုံခဲ့ရလေသည်။ လက်သည်းခြေသည်းများ ညှပ်၍ ပြီးစီးသွားလျှင်လည်း ဧရာမလုပ်ငန်းကြီးတစ်ခု ပြီးစီးသွားသလို စိတ်ပေါ့ပါး သွားခဲ့ရပေသည်။ “အောင်ပြီ အောင်ပြီ”ဟု မကြာခဏ ကြွေးကြော်ဖူးလေ၏။ အောင်နိုင်ခဲသောအရာကို အောင်နိုင်ခဲ့ခြင်း ဖြစ်သည်ဟု ခံစားမိရပါလေတော့၏။

သွားတိုက်သည့်အခါ သွားဖုံးကြွက်သားများကို အမြဲတမ်း လက်ဖြင့် ဖိပေး ပွတ်ပေးတတ်ပါသည်။ သွားဖုံးအတွင်း အရိအရွှဲများ ကိန်းအောင်းနိုင်သောကြောင့် ဖြစ်၏။ သတိရလျှင်ရသလို အတွင်းအပြင် သွားဖုံးများကို လက်ညှိုးနှင့်လက်မဖိ၍ မကြာခဏ ဖြစ်ညှစ်ပေးပါသည်။ သွားတိုက်ရုံဖြင့် သွားဖုံးကြွက်သားများ သန့်ရှင်းရေးကိစ္စ မပြီးစီးနိုင်သောကြောင့် ဖြစ်၏။ အားလုံးပြီးလျှင်ကား ကွမ်းရွက်ငုံထားလေ့ရှိပါသည်။ ခံတွင်း သန့်ရှင်းစေလိုသောကြောင့် ဖြစ်၏။ သွားဖုံးမှ အပူများ အာခေါင်နှင့် ပါးစောင်မှ အပူများ လျှာနှင့် အာစောက်မှ အပူများကို ကွမ်းရွက်က စုပ်ယူပေးသဖြင့် ခံတွင်းနံ့လည်း မနံတော့ပါ။ကျန်းမာရေးလည်း အထောက်အကူ ပြုပေသည်။

လက်သုတ်ပုဝါအဖြစ် တစ်ရှူးကိုသာ သုံးပါသည် စာအုပ်ကိုင်ပြီးလျှင် ဖြစ်စေ၊ စားစရာ တစ်ခုခု ကိုင်ပြီးလျှင်ဖြစ်စေ တစ်ရှူးဖြင့် လက်သုတ်ပါသည်။ နား၊ နှာခေါင်းနှင့် နှုတ်ခမ်းများကိုလည်း တစ်ရှူးဖြင့်သာ သုတ်ပါသည်။ ထို့ကြောင့် ကွန်ပျူတာခန်း၊ အိပ်ခန်း၊ ဧည့်ခံရာနေရာတွေမှာ တစ်ရှူးအဆင်သင့် ထားရှိပါသည်။ ကားပေါ်မှာလည်း အမြဲထားသလို တည်းခိုရာအိပ်ခန်း ကုတင်ဘေးမှာလည်း အမြဲထားပါသည်။ တစ်ကိုယ်ရေ သန့်ရှင်းမှုအတွက် အရေးပါလှသည့် အရာဝတ္ထု ဖြစ်လေ၏။ တရားဟောလျှင်လည်း ပလ္လင်ပေါ်မှာ တစ်ရှူးအမြဲ ထားပါသည်။ နှာခေါင်းနှင့် နှုတ်ခမ်းအဆီများ ဖယ်ရှားဖို့ ဖြစ်၏။ တစ်ရှူးဖြင့် နှာခေါင်းကို မကြာခဏ သုတ်သည်ကို ကြည့်၍ မူးယဇ်ဆေး သုံးနေသည်ဟု ဝေဖန်သူများလည်း ရှိပါသည်။ ၎င်းအပြင် တစ်ရှူးမှာ မူးယဇ်ဆေး ထုံထားသည် ဆို၏။ ဟာသတစ်ခုပင်။

နေ့ဆွမ်းစားပြီး သွားတိုက် ဆေးကြောပြီးသည့်အချိန် မှစ၍ ခြေထောက်ရေအထိ မခံတော့ပါ။ ခြေထောက်ရေထိလျှင် အပူကန်တတ်သောကြောင့် ဖြစ်၏။ ထို့ကြောင့် ရေချိုးခန်းထဲမှာ ဖိနပ်တစ်ရံ ထားရပါသည်။ တရားဟောကြွသည့်အခါ၌ကား အလွယ်တကူ ဖိနပ်ရှာရလျှင် ဖိနပ်ထားပေးဖို့ ပြောရပြီး မလွယ်ကူလျှင် မိမိစီးနေကျ ဖိနပ်ကို ရေချိုးခန်းထဲ ထားလိုက်ပါသည်။ အများသုံးရေချိုးခန်း ဖြစ်နေလျှင် ကိစ္စပြီးသည့်အခါ ဖိနပ်ကိုထောင်ပြီး ရေစစ်ထားခဲ့ဖို့ အမြဲမှာရပါသည်။ ခြေဖဝါး ရေထိမခံသော ရောဂါတည်း။ ခြေထောက်သာ ရေအထိမခံနိုင်ခြင်း မဟုတ်ပါ။ မွန်းလွဲပိုင်းတွင် ရေလည်းချိုးလေ့ မရှိပါ။ တစ်နှစ်မှာ တစ်ခါပင် မချိုးဖူးပါ။ ကျန်းမာရေးကြောင့် ဖြစ်ပါသည်။ မွန်းလွဲပိုင်း ရေချိုးမိလျှင် ခန္ဓာကိုယ် ယန္တရားကြီးက ပြောင်းပြန်လည်ပတ်သွားသောကြောင့်ဖြစ်၏။ ဥပမာ-မနက်အိပ်ရာထ ဝမ်းသွားရမည့်အစား ညနေမှ ဝမ်းသွားခြင်းမျိုး၊ သွေးလေမညီညွတ်တော့သဖြင့် လေးလံထိုင်းမှိုင်း ကိုက်ခဲနေခြင်းမျိုး ဖြစ်ပါသည်။ ညနေပိုင်း ရေမချိုးသည့် အလေ့မှာ ကိုရင်ဘဝကတည်းက ဖြစ်ပါသည်။ အပူချိန် မည်မျှကြီးမားစေကာမူ ချွေးခဏခဏ သုတ်ပစ်လေ့သာရှိပြီး လုံးဝ ရေမချိုးပါ။ “ဆရာတော် နေနိုင်သားပဲနော်”ဟု လျှောက်ထားခံရမှုများ မကြာခဏ ကြားရတတ်ပါသည်။ သူတို့က စာရေးသူကို အံ့သြကြသလို စာရေးသူကလည်း သူတို့ကို အံ့သြနေမိပေသည်။ “လူတွေ ဘာကြောင့်များ ညနေဘက်မှာ ရေချိုးကြပါလိမ့်”ဟု အမြဲ တွေးနေတတ်သလို ကာမဂုဏ်အတွက် ဖြစ်လိမ့်မည်ဟုလည်း စိတ်ထဲမှာ အဖြေပေးနေတတ်ပါသည်။

“တစ်နေ့တစ်ကြိမ်သာ ရေချိုးပါ”

“ညနေဘက်မှာ ရေချိုးတာ ကျန်းမာရေးနှင့် မညီညွတ်ပါ။”

ဤကား စာရေးသူ၏ ကိုယ်ပိုင်ဆောင်ပုဒ်ဖြစ်ပါသည်။

ညအိပ်ရာဝင်ခါနီးတွင် လက်ဆေးပါးစပ်ဆေး ထပ်မံလုပ်ပါသည်။ ထို့ကြောင့် မနက်အိပ်ရာထသည့်အခါ သွားတိုက်စရာ မလိုတော့ပါ။ ညနေပိုင်းတွင် အအေးနှင့် ပျားသံပုရာရည်သာ မှီဝဲသဖြင့် ညအိပ်ရာဝင်သည့်အခါမှာလည်း သွားတိုက်စရာ မလိုပါ။ မနက်အိပ်ရာထလည်း သွားတိုက်စရာ မလိုပါ။ သွားတိုက်ဆေး သွားတိုက်တံဖြင့် တိုက်စရာမလိုခြင်းကို ဆိုလိုပါသည်။ ဆား သို့မဟုတ် ဆေးမှုန့်ဖြင့်ကား တိုက်တတ်ပါသည်။  မနက်စာ စားပြီးလျှင်ကား သွားတိုက်ပါသည်။ နေ့ဆွမ်းစားပြီးလျှင်လည်း သွားတိုက်တတ်ပါသည်။ မနက်စာတွင် ဆန်ပြုတ်နှင့် အခွံမာသီးမျှသာ ဘုဉ်းပေးခဲ့ပါက သွားမတိုက်ဖြစ်ပါ။ ဆီနှင့် အညှီများ ပါဝင်မှသာ သွားတိုက်ခြင်း ဖြစ်ပါသည်။

တစ်နေ့သုံးကြိမ် ရွတ်ဖတ်ပူဇော်သည့်အခါ၌လည်း ပါးစပ်ဆေးပြီးမှ ရွတ်ဖတ်ပူဇော်ပါသည်။ ခံတွင်းနံ့ သန့်ရှင်းအောင် အလျင်လုပ်ပြီးမှ ပရိတ်ပဋ္ဌာန်းများ ရွတ်ဖတ်ပူဇော်တတ်ပါသည်။ ညအိပ်ရာဝင်သည့်အခါ ကွမ်းရွက်ငုံ၍ အိပ်တတ်ခြင်း၊ အာခေါင်ခြောက်လျှင် ကွမ်းရွက်ငုံထားခြင်း သတိရသည့်အခါတိုင်း ကွမ်းရွက်ငုံလေ့ရှိခြင်းတို့ကြောင့် ခံတွင်းသန့်ရှင်းသည်ဟု ယုံကြည်နေမိပါသည်။

(တစ်ကိုယ်ရည် သန့်ရှင်းမှု ပြီးပါပြီ။)

ဝီရသူ(မစိုးရိမ်)

19.5.2020