ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၁၀)

ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၁၀)

 “တရားပွဲ မေတ္တာ”

(ဆရာတော်ဦးဝီရသူ၏ နှစ်သစ်ကူး အထူးလက်ဆောင်)

-------------------------------------------------

စာရေးသူသည် ဝါတွင်းကာလ စာဝါဖွင့်ချိန်များ၌ စာဝါအပျက်မခံပေ။ တရားပွဲများကိုလည်း မန္တလေးပတ်ဝန်းကျင် မြို့ရွာပွဲမ်ားဖြစ်မှသာ လက်ခံနိုင်ပါသည်။ ညတွင်းချင်းပြန်ရောက်မည့်ပွဲမျိုး မဟုတ်လျှင် အဖိတ်နေ့ညနှင့် ဥပုသ်နေ့ညတို့ကိုသာ ပေးလေ့ရှိပါသည်။ ပြည်နယ်ပွဲများဆိုလျှင် သီတင်းကျွတ်ကျောင်းပိတ်ချိန်နှင့် နွေကျောင်းပိတ်ချိန်များ၌သာ ကြွရောက်လေ့ရှိပါသည်။ စာရေးသူတို့မစိုးရိမ်တိုက်သစ်၌ တစ်နှစ်တာစာဝါများကို ကဆုန်လမှစတင်ပို့ချကြသဖြင့် ပြာသို တပို့တွဲရောက်ပြီဆိုလျှင် စာဝါပြီးပြတ်သည်က များပါသည်။ ထိုအခါမျိုး၌ ကရင် ကချင် ရခိုင် စသည့် ပြည်နယ်များသို့ ဓမ္မဒူတခရီးများ ကြွရောက်ရပါသည်။

ရပ်နီးဖြစ်စေ ရပ်ဝေးဖြစ်စေ တရားပွဲများသွားသည့်အခါ မေတ္တာပို့သလေ့ရှိပါသည်။ တရားပွဲကျင်းပရာ မြို့ရွာရှိ နတ်ဒေဝါများ၊ ဆရာတော်သံဃာတော်များ၊ တရားပွဲဦးဆောင်ပုဂ္ဂိုလ်အသင်းအဖွဲ့များ၊ တရားပွဲဝေယျာဝစ္စပြည်သူများ၊ တရားပွဲလာရောက်မည့် ပရိသတ်များကို ပထမဦးစွာ မေတ္တာပို့သပါသည်။ ဥပမာ- တရားပွဲကျင်းပရာ ရွှေဘိုမြို့နယ်၊ ညောင်ပင်သာရွာရှိ ဘုမ္မစိုး၊ ရုက္ခစိုး၊ အာကာသစိုး၊ သာသနာတော်စောင့်နတ်မင်းကြီးနှင့်တကွ နတ်ကောင်းနတ်မြတ်အပေါင်းတို့သည် ဘေးရန်ခပ်သိမ်း ကင်းငြိမ်းကြပါစေ၊ ဒေါသခပ်သိမ်း ကင်းငြိမ်းကြပါစေ၊ ဆင်းရဲခပ်သိမ်း ကင်းငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ…။

ညောင်ပင်သာရွာရှိ ဆရာတော်သံဃာတော်များနှင့် ရွာသူရွာသားအပေါင်း သူတောင်ကောင်းတို့သည် ဘေးရန်ခပ်သိမ်း ကင်းငြိမ်းကြပါစေ၊ ဒေါသခပ်သိမ်း ကင်းငြိမ်းကြပါစေ၊ ဆင်းရဲခပ်သိမ်း ကင်းငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ…။

တရားပွဲဦးဆောင်ကျင်းပသူအပေါင်း သူတောင်ကောင်းတို့သည် ဘေးရန်ခပ်သိမ်း ကင်းငြိမ်းကြပါစေ၊ ဒေါသခပ်သိမ်း ကင်းငြိမ်းကြပါစေ၊ ဆင်းရဲခပ်သိမ်း ကင်းငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ…။

တရားပွဲကြိုဆိုရေးပရိသတ်အပေါင်း သူတော်ကောင်းတို့သည် ဘေးရန်ခပ်သိမ်း ကင်းငြိမ်းကြပါစေ၊ ဒေါသခပ်သိမ်း ကင်းငြိမ်းကြပါစေ၊ ဆင်းရဲခပ်သိမ်း ကင်းငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ…။

တရားပွဲဝေယျာဝစ္စပုဂ္ဂိုလ်အပေါင်း သူတော်ကောင်းတို့သည် ဘေးရန်ခပ်သိမ်း ကင်းငြိမ်းကြပါစေ၊ ဒေါသခပ်သိမ်း ကင်းငြိမ်းကြပါစေ၊ ဆင်းရဲခပ်သိမ်း ကင်းငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ…။

တရားပွဲတည်ရှိရာ မြို့ရွာများပြီးလျှင် တရားပွဲသွားရာ လမ်းတစ်လျှောက်ရှိ နတ်လူသတ္တဝါများကို မေတ္တာပို့သပါသည်။ ရွှေဘိုမြို့နယ် ညောင်ပင်သာရွာ လမ်းတစ်လျှောက်ရှိ နတ်လူသတ္တဝါဟူသမျှတို့သည် ဘေးရန်ခပ်သိမ်း ကင်းငြိမ်းကြပါစေ၊ ဒေါသခပ်သိမ်း ကင်းငြိမ်းကြပါစေ၊ ဆင်းရဲခပ်သိမ်း ကင်းငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ…။

ပြီးလျှင် ကျန်ရစ်ခဲ့သည့် မန္တလေးမြို့ကြီး၊ မစိုးရိမ်တိုက်သစ်ကြီးနှင့် စပ်ဆက်သမျှကို ဆက်လက်ပို့သပါသည်။ မန္တလေးမြို့ရှိ ဘုမ္မစိုး၊ ရုက္ခစိုး၊ အာကာသစိုး၊ သာသနာတော်စောင့်နတ်မင်းကြီးနှင့်တကွ နတ်ကောင်းနတ်မြတ်အပေါင်းတို့သည် ဘေးရန်ခပ်သိမ်း ကင်းငြိမ်းကြပါစေ၊ ဒေါသခပ်သိမ်း ကင်းငြိမ်းကြပါစေ၊ ဆင်းရဲခပ်သိမ်း ကင်းငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ…။

မစိုးရိမ်တိုက်သစ်ရှိ ဆရာတော်သံဃာတော်များနှင့် နတ်လူသတ္တဝါဟူသမျှတို့သည် ဘေးရန်ခပ်သိမ်း ကင်းငြိမ်းကြပါစေ၊ ဒေါသခပ်သိမ်း ကင်းငြိမ်းကြပါစေ၊ ဆင်းရဲခပ်သိမ်း ကင်းငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ…။

အကြိုညမှာ အချိန်ရလျှင် အကြိုညကတည်းက ကြိုတင်ပို့သတတ်ပါသည်။ ကားပေါ်ရောက်သည့်အခါ၌လည်း ဖုန်းဆက်ညွှန်ကြားခြင်း၊ မစ္စကောလ်များ ပြန်ဆက်ခြင်း၊ ဖုန်းဖြင့် ဆွေးနွေးစရာများ ဆွေးနွေးခြင်းတို့ပြီးသည်နှင့် မေတ္တာအာရုံစယူတတ်ပါသည်။ ပင်ပန်းလွန်းလျှင်ဖြစ်စေ၊ နေ့ဘက် မအိပ်စက်လိုက်ရလျှင်ဖြစ်စေ မေတ္တာပို့ရင်း အိပ်ပျော်သွားလေ့ရှိပါသည်။

ထို့ကြောင့် တရားပွဲလက်ခံသည့်တပည့်များက ဝှိုက်ဘုတ်ပေါ်မှာ မြို့၊ ရွာ၊ တရားပွဲအမည်၊ ပင့်ဖိတ်သူ၊ ဖုန်းနံပါတ် စသည်တို့ကို ပြည့်စုံစွာ ရေးထားတတ်ကြသလို ရပ်ဝေးမှ တပည့်များကလည်း တရားပွဲကြော်ငြာ လက်ကမ်းစာစောင်များ ဗီနိုင်းပိုစတာများ ကြိုတင်ပို့ထားပေးတတ်ကြပါသည်။ မပို့လျှင်လည်း စာရေးသူက လှမ်းမေးတတ်ပါသည်။ အချို့တပည့်များက ‘ လှိုင်သာယာတရားပွဲသွားရမည် ’ ဤမျှသာ သိထားကြပါသည်။ ချိန်းဆိုသည့်နေရာသာ မှတ်သားထားပြီး တရားပွဲနှင့် စပ်ဆက်သည့် အချက်အလက်များကိုမူ လုံးဝ မသိရှိကြပါ။ ထိုအခါ စာရေးသူက စုံစမ်းခိုင်းရပါသည်။ ရန်ကုန်ဆိုလျှင် ရပ်ကွက်အမည်၊ လမ်းအမည်၊ ရပ်ကွက်အမှတ်၊ လမ်းအမှတ်၊ တရားပွဲအမည် စသည်တို့ကို သိထားဖို့ လိုပါသည်။ ဥပမာ- လှိုင်သာယာ၊ ၁၉ရပ်ကွက်၊ ငုဝါလမ်း၊ ထေရဝါဒအထူးတရားပွဲ စသည် သိရလျှင် မေတ္တာပို့သည့်အခါ လွယ်ကူစွာ အာရုံယူနိုင်ပါသည်။ လမ်းအမှတ် ရပ်ကွက်အမှတ် တရားပွဲနေရာတို့ကို မှန်းဆ၍ မေတ္တာပို့သနိုင်ပါသည်။

မေတ္တာပို့ပြီးသည့်အခါ ခဏနားပါသည်။ ကားပေါ်ပါ တပည့်များ ဒါယကာများနှင့် စပ်မိစပ်ရာ ပြောကြားခြင်း၊ တရားတော်များ ဖတ်မှတ်ခြင်း၊ တရားကဗျာများ ရှာဖွေခြင်း၊ ဂါထါပါဠိများ အလွတ်ကျက်ခြင်း စသည်တို့ကို စိတ်အေးအေးထား လုပ်ဆောင်ပါသည်။

တရားပွဲမရောက်ခင် ပဋ္ဌာန်းရွတ်ဖတ်ပူဇော်၍ အမျှပေးဝေခြင်း၊ မေတ္တာပို့သခြင်းဟူသည့် နေ့စဉ်ပုံမှန်လုပ်ငန်းများကို ကားပေါ်မှာပင် ဝတ်မပျက်အောင် လုပ်ဆောင်ပါသည်။

တရားပွဲပြီး၍ ပြန်ကြွလာသည့်အခါ၌လည်း မဟာသမယပရိတ်တော် ခုနစ်သုတ် ရွတ်ဖတ်ပူဇော် အမျှဝေ မေတ္တာပို့ရပါသည်။ ပင်းပန်းလွန်းသည့်အခါ အိပ်ရေးမဝသည့်အခါမျိုးကြုံရလျှင် ပြီးဆုံးသည်မထင်ပါ။ အိပ်ပျော်သွားလိုက် ပြန်ရွတ်လိုက်နှင့် အစမှ ပြန်ကျော့နေရသဖြင့် အပြီးမသတ်နိုင် ဖြစ်ခဲ့သည်က များတတ်သလို အိပ်ပျော်နေစဉ် ရောင်ယမ်းရွတ်ဆိုနေသည်များလည်း ရှိတတ်ပါသည်။

တရားပွဲသို့ ညနေကတည်းက ရောက်နေလျှင် လမ်းလျှောက် ပဋ္ဌာန်းရွတ် အမျှဝေ မေတ္တာပို့ပါသည်။ အိပ်ရေးလည်းဝမည်၊ တရားပွဲလည်း စောစောပြီးမည်ဆိုလျှင် မဟာသမယပရိတ်တော်များ ဖြောင့်ဖြူးစွာ ရွတ်ဆိုပူဇော်နိုင်ပါသည်။ ထိုအခါ တာဝန်တစ်ရပ်ကျေသွားသလို မိမိကိုယ်မိမိ အားရကျေနပ်နေမိပါတော့၏။

တရားပွဲကျင်းပရာ မြို့ရွာများမှာ အိပ်ရသည့်အခါ လူခြေတိတ်ချိန်စောင့်၍ မဟာသမယပရိတ်တော်များ ရွတ်ဖတ်ပူဖော်ပါသည်။ နတ်ဒေဝါများ နာယူခွင့်ရအောင် သစ်ပင်ကြီးများအောက်မှာ စင်္ကြံလျှောက်လျက် ရွတ်ဖတ်ပူဇော်ကာ နတ်ဒေဝါများကို ဖိတ်ကြားခြင်း၊ အမျှအတန်းပေးဝေခြင်း၊ မေတ္တာပို့သခြင်းများကို အားပါးတရ ပြုလုပ်တတ်ပါသည်။ နတ်ဒေဝါများ နာယူသည် မနာယူသည် မသိမမြင်ရသော်လည်း မိမိစိတ်ထဲ၌ ကြည်နူးမှုပေါင်းများစွာ ခံစားရသည်ကား အရသာတစ်မျိုးပင် ဖြစ်လေသတည်း။

(တရားပွဲမေတ္တာ ပြီးပါပြီ။)

ဝီရသူ(မစိုးရိမ်)

1.5.2020