“ မွေးနေ့အထိမ်းအမှတ် ပဒေသာပင်စိုက်ထူ”
=======================
မန္တလေးမြို့၊ မဟာအောင်မြေမြို့နယ်၊ မစိုးရိမ်တိုက်သစ်၊ ဓမ္မသဟာယကျောင်းနာယက၊
ဝံသာနုဓမ္မကထိမ အမျိုးသားရေးဝါဒီဆရာတော် ဘဒ္ဒန္တဝိစိတ္တာဘိဝံသ-အရှင်ဝီရသူ(မစိုးရိမ်) မွေးနေ့အထိမ်းအမှတ်အဖြစ်
ငွေပဒေသာပင် လှူဒါန်းပွဲကို မန္တလေးမြို့၊ မစိုးရိမ်တိုက်သစ်၊ ဓမ္မသဟာယကျောင်းမှာ ကျင်းပခဲ့ကြောင်း
သိရသည်။
အဆိုပါလှူဒါန်းပွဲကို ဇွန်လ ၂၆ရက်နေ့၊ မွန်းလွဲ ၂း၀၀နာရီတွင် ကျင်းပခြင်းဖြစ်ကာ
မန်းမဟော်သဓာ ဗဟိုကော်မတီနာယကဆရာတော်ကြီး ဘဒ္ဒန္တကုသလ(ပါဠိပါရဂူ)နှင့် မစိုးရိမ်တိုက်သစ်၊
ဓမ္မဝိမုတ္တိရသကျောင်းနာယကဆရာတော် ဘဒ္ဒန္တသူရိယာဘိဝံသ အမှူးပြုသော သံဃာတော်များ၊ မန်းမဟော်သဓာဗဟိုကော်မတီဝင်များ၊
မျိုးချစ်ပြည်သူများ တက်ရောက်ကြကြောင်း သိရသည်။
စုပေါင်းလှူဒါန်းကြသော အလှူငွေစုစုပေါင်းမှာ ၁၂,၂၁၄,၀၀၀ (တစ်ရာ့
နှစ်ဆယ့် နှစ်သိန်း တစ်သောင်း လေးထောင်ကပ်)ဖြစ်ကာ မွေးနေ့ရှင်ဆရာတော်၏ ပရဟိတ၊ ပညာဒါနနှင့်
အမျိုးဘာသာ သာသနာရေးဆိုင်ရာ အကျိုးပြုလုပ်ငန်းများ စဉ်ဆက်မပြတ် ဆက်လက်လည်ပတ်စေနိုင်ရန်
ရည်ရွယ်၍ စုပေါင်းလှူဒါန်းကြခြင်းဖြစ်ကြောင်း၊ ၎င်းငွေများကို ဆရာတော်ဦးဝီရသူကိုယ်စား
ဘုရားကြီးတိုက် ဇေယျာရွှေမြေကျောင်းဆရာတော်ကြီး ဘဒ္ဒန္တကုသလ မဟာထေရ်ကြီးက လက်ခံထားခြင်းဖြစ်ကြောင်း
သိရသည်။
အဆိုပါအလှူငွေများကို ပြည်တွင်းပြည်ပမှ သံဃာတော်များနှင့် ပြည်သူများက
မွေးနေ့လက်ဆောင်အဖြစ် စုပေါင်းလှူဒါန်းကြခြင်းဖြစ်ကြောင်း၊ ဆရာတော်ဦးဝီရသူ၏ ဘဏ်စာအုပ်နှစ်အုပ်
၁၇၀သိန်းကျပ် အသိမ်းခံရသည့်သတင်းကိုအကြောင်းပြု၍ “တစ်သောင်းအားဖြင့် ကုစားမည်”ခေါင်းစဉ်ဖြင့်
အလှူခံခဲ့ခြင်းဖြစ်ကြောင်း၊ ငွေတစ်သောင်းကျပ်မှ ဆယ်သိန်းကျပ်အထိ အလှူရှင်အသီးသီးမှ
လှူဒါန်းခဲ့ကြကြောင်း သိရှိရသည်။
တစ်သောင်းအားဖြင့် ကုစားမည် အစီအစဉ်ဖြင့် ဦးဆောင်လှူဒါန်းကောက်ခံခဲ့ကြသည့်
ဌာနအသီးသီးမှ ရရှိငွေများမှာ
၁။ တစ်ခေတ်ဗန်မော်ဆရတော် အရှင်ပဏ္ဍိတ ၇,၈၂၅,၀၀၀
၂။ တောင်သာလေးဆရာတော် အရှင်အဂ္ဂဓဇ ၇၀၅,၀၀၀
၃။ အရှင်အရိယဝံသ(ပေါက်ကိုယ်တော်) ၇၅၅,၀၀၀
၎။ ဦးတိုးအောင် (မိုက်မယ်တိုးကြီး) ၃၂၀,၀၀၀
၅။ ဦးအောင်ကိုဝင်း(လူပျံကျော်) ၂,၆၀၉,၀၀၀
ဖြစ်ကြောင်း သတင်းရရှိသည်။
အလှူရှင်များအားလုံး ကျန်းမာအောင်မြင် ပျော်ရွှင်ချမ်းမြ ဘေးမခဘဲ
လိုရာဆန္ဒ ပြည့်ဝကြပါစေသော်…ဝ်။
(အလှူရှင်များ စာရင်းအသေးစိတ်ကို ထပ်မံကြေညာသွားပါမည်။)
သတင်းနှင့် ဓာတ်ပုံ - ၉၆၉
No comments:
Post a Comment