ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၈)

ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၈)

“မဟာသမယမေတ္တာ”

(ဆရာတော်ဦးဝီရသူ၏ နှစ်သစ်ကူး အထူးလက်ဆောင်)

-------------------------------------------------

ပဋ္ဌာန်းရွတ်ပြီး ကျောင်းပေါ်ပြန်တက်ကာ လုပ်လက်စအလုပ်များကို ဆက်လုပ်ခြင်း၊ အလုပ်သစ်များ ရှာဖွေလုပ်ဆောင်ခြင်းဖြင့် ညစဉ် ညဥ့်နက်သည်အထိ အလုပ်များတတ်ပါသည်။ ကျန်းမာရေးအရ ညဥ့် ၁၂း၀၀နာရီမှ ၀၂း၀၀နာရီကို မဖြစ်မနေ အိပ်စက်ရမည့်အချိန် သတ်မှတ်ထားသော်လည်း စာရေးသူကား ၀၂း၀၀နာရီကျော်မှ အိပ်ရာဝင်ဖြစ်သည်က များပါသည်။ တစ်ခါတရံ အလုပ်စောစောပြီးသဖြင့် စောစောအိပ်ရသည်လည်း ရှိပါသည်။ ညစောစောအိပ်ရလျှင် ၁၂း၀၀နာရီ၊  ၎င်းထက်စောလျှင် ၁၁း၃၀နာရီဖြစ်ပါသည်။ သို့သော် ထိုသို့သောရက်များကား အလွန်တရာရှားပါးလှပါသည်။ ထိုသို့ စောစောအိပ်ရသည့် ညမျိုးနှင့်ကြုံလျှင် အင်မတန်ချမ်းသာပါသည်။ “ငါ အင်မတန်ချမ်းသာတာပဲ”ဟု စိတ်ထဲမှာ ပြောနေတတ်သလို တပည့်များကိုလည်း ပြောပြတတ်ပါသည်။

ညဥ့် ၁၂း၀၀နာရီနှင့် ၀၂း၀၀နာရီအတွင်းမှာ မစိုးရိမ်တိုက်သစ် မိန်းလမ်းမကြီးပေါ် လမ်းလျှောက်လျက် မဟာသမယသုတ် ပရိတ်တော်များ ရွတ်ဖတ်ပူဇော်ပါသည်။ မိန်းလမ်းမကြီးအရှေ့ထိပ်မှ အနောက်ထိပ်ထိ လမ်းဆုံးသည့်တိုင် လျှောက်လှမ်းခြင်း မဟုတ်ပါ။ သဟာယကျောင်းရှေ့မှ စတင်ကာ ဂါရဝနှင့် ပါရဂူကြားထိ၊ သမိဒ္ဓိဆွမ်းစားကျောင်းနှင့် တိုင်းရင်းဆေးခန်းဆောင်အထိ အရှေ့အနောက် လမ်းလျှောက်၍ ရွတ်ဖတ်ခြင်း ဖြစ်ပါသည်။

ပဋ္ဌာန်းရွတ်စဉ်ကအတိုင်း ပထမဦးဆုံး နတ်ဒေဝါတွေကို ဖိတ်ခေါ်ပါသည်။ ပြီးမှ ပရိတ်ရွတ်ပါသည်။ ပြီးမှ အမျှဝေပါသည်။ ပြီးမှ မေတ္တာပို့ပါသည်။ ညဥ့်နက်မှ ရွတ်ဆိုရခြင်းသည် နတ်ဒေဝါများ နာယူခွင့်ရမည့် လူခြေတိတ်ချိန်ဖြစ်သောကြောင့်ပင်။ မဟာသမယပရိတ်တော် တစ်သုတ်တည်းမဟုတ်ပါ။ ခုနစ်သုတ်လုံး ရွတ်ဆိုခြင်း ဖြစ်ပါသည်။ မဟာသမယသုတ်၊ သမ္မာပရိဗ္ဗာဇနီယသုတ်၊ ပုရာဘေဒသုတ်၊ စူဠဗျူဟသုတ်၊ မဟာဗျူဟသုတ်၊ တုဝဋ္ဋကသုတ်တို့ ဖြစ်ပါသည်။

“နတ်ကောင်းနတ်မြတ်အပေါင်းတို့ - ငါသည် မဟာသမယသုတ် တရားတော်များဖြင့် မြတ်စွာဘုရားအား ပူဇော်မည်ဖြစ်ပါ၍ ပရိတ်တရားနာယူရန် ကြွရောက်ကြပါကုန်လော့”ဟု နှစ်ကြိမ် ဖိတ်ကြားပါသည်။

“မန္တလေးမြို့ကို စောင့်ရှောက်လျက် နေကြပေကုန်သော ဘုမ္မစိုး၊ ရုက္ခစိုး၊ အာကာသစိုး၊ သာသနာတော်စောင့်နတ်မင်းကြီးနှင့်တကွ နတ်ကောင်းနတ်မြတ်အပေါင်းတို့ ငါသည် မဟာသမယသုတ် တရားတော်များဖြင့် မြတ်စွာဘုရားအား ပူဇော်မည်ဖြစ်ပါ၍ ပရိတ်တရားနာယူရန် ကြွရောက်ကြပါကုန်လော့”ဟု နောက်ဆုံးအကြိမ်၌ အထူးဖိတ်ကြားလေ့ရှိပါသည်။

နတ်ချစ်ဆေးဖြစ်၍ ပရိတ်ရွတ်သည့်အခါ နတ်ဒေဝါများ နာယူလိမ့်မည်ဟု ယုံကြည်ထားသဖြင့် အလေးအနက်ထား ရွတ်ပွားပါသည်။ ခုနစ်သုတ်လုံး ဖြည်းဖြည်းမှန်မှန် ရွတ်ဆိုလျှင် ၄၅မိနစ်ခန့် ကြာမြင့်တတ်ပါသည်။

အမျှဝေသည့်အခါ “မဟာသမယပရိတ်တော်များ ရွတ်ဖတ်ပူဇော်ရသော ကုသိုလ်ကောင်းမှုကို မဟာသမယပရိတ်တော် နာယူကြကုန်သော နတ်လူသတ္တဝါတို့အား အမျှပေးဝေပါကုန်၏။ အမျှ အမျှ အမျှ ယူတော်မူကြပါကုန်လော့……”ဟု နှစ်ကြိမ် အမျှပေးဝေပါသည်။ နောက်ဆုံးအကြိမ်၌ကား “မဟာသမယပရိတ်တော်များ ရွတ်ဖတ်ပူဇော်ရသော ကုသိုလ်ကောင်းမှုကို မန္တလေးမြို့ရှိ ဘုမ္မစိုး၊ ရုက္ခစိုး၊ အာကာသစိုး၊ သာသနာတော်စောင့်နတ်မင်းကြီးနှင့်တကွ နတ်ကောင်းနတ်မြတ်အပေါင်းတို့အား အမျှပေးဝေပါကုန်၏။ အမျှ အမျှ အမျှ ယူတော်မူကြပါကုန်လော့……”ဟု အထူးဖိတ်ကြားထားအပ်သည့် နတ်ဒေဝါများကို ရည်စူး၍ အမျှပေးဝေလေ့ရှိပါသည်။

ကုသိုလ်ဝေမျှပြီးသွားသည့်အခါ မေတ္တာပို့ပါသည်။ ပထမ အသံထွက်၍ အကျဉ်းပို့သပါသည်။ နတ်ကောင်းနတ်မြတ်အပေါင်းတို့ သင်တို့သည် ကျနုပ်ပို့သသော မေတ္တာနှင့် ကုသိုလ်ဝေစုကို အမျှရကြသည်ဖြစ်၍ ဘေးဘယာတွေ ဝေးကွာကြပါစေ၊ ကိုယ်စိတ်နှစ်ဖြာ ချမ်းသာကြပါစေ၊ ကောင်းကျိုးလိုရာဆန္ဒမှန်သမျှ ပြည့်ဝကြပါစေ…။

အနန္တစကြာဝဠာ၌ ရှိကြပေကုန်သော နတ်လူသတ္တဝါအပေါင်းတို့ သင်တို့သည် ကျနုပ်ပို့သသော မေတ္တာနှင့် ကုသိုလ်ဝေစုကို အမျှရကြသည်ဖြစ်၍ ဘေးဘယာတွေ ဝေးကွာကြပါစေ၊ ကိုယ်စိတ်နှစ်ဖြာ ချမ်းသာကြပါစေ၊ ကောင်းကျိုးလိုရာဆန္ဒမှန်သမျှ ပြည့်ဝကြပါစေ…။

ဆွမ်း သင်္ကန်း ကျောင်း ဆေး ပစ္စည်းလေးပါး ဒကာ ဒကာမအပေါင်းတို့ သင်တို့သည် ကျုနုပ်ပို့သသော မေတ္တာနှင့် ကုသိုလ်ဝေစုကို အမျှရကြသည်ဖြစ်၍ ဘေးဘယာတွေ ဝေးကွာကြပါစေ၊ ကိုယ်စိတ်နှစ်ဖြာ ချမ်းသာကြပါစေ၊ ကောင်းကျိုးလိုရာဆန္ဒမှန်သမျှ ပြည့်ဝကြပါစေ…။

ဤကျောင်းတိုက်အတွင်းရှိ ဆရာတော် သံဃာတော်များနှင့် နတ်လူသတ္တဝါအပေါင်းတသည် ကျနုပ်ပို့သသော မေတ္တာနှင့် ကုသိုလ်ဝေစုကို အမျှရကြသည်ဖြစ်၍ ဘေးဘယာတွေ ဝေးကွာကြပါစေ၊ ကိုယ်စိတ်နှစ်ဖြာ ချမ်းသာကြပါစေ၊ ကောင်းကျိုးလိုရာဆန္ဒမှန်သမျှ ပြည့်ဝကြပါစေ…။

ခပ်သိမ်းသော သတ္တဝါအပေါင်းတို့သည် ကျုနုပ်ပို့သသော မေတ္တာနှင့် ကုသိုလ်ဝေစုကို အမျှရကြသည်ဖြစ်၍ ဘေးဘယာတွေ ဝေးကွာကြပါစေ၊ ကိုယ်စိတ်နှစ်ဖြာ ချမ်းသာကြပါစေ၊ ကောင်းကျိုးလိုရာဆန္ဒမှန်သမျှ ပြည့်ဝကြပါစေ…။

အနုလုံ ပဋိလုံ (ဖင်တစ်ပြန် ခေါင်းတစ်ပြန်) ခေါက်တုံ့ခေါက်ပြန် အနည်းဆုံးသုံးကြိမ်မှ အများဆုံး ငါးကြိမ်အထိ အသံထွက်ရွတ်ဆို၍ မေတ္တာပို့သပါသည်။

မေတ္တာပို့သပြီးသွားသည့်အခါ မေတ္တာကမ္မဋ္ဌာန်း စီးဖြန်းပါသည်။ ကုသိုလ်ဖြစ် မေတ္တာပွားခြင်းနှင့် ကမ္မဋ္ဌာန်းအဆင့် မေတ္တာပွားများခြင်းတို့ မတူညီကြပါ။ အသံထွက်၍ မေတ္တာပို့သခြင်း (ဝစီကံမေတ္တာ)သည် ကုသိုလ်ဖြစ် မေတ္တာပို့သသည့်အဆင့်မျှသာ ရှိပါသည်။ မေတ္တာကမ္မဋ္ဌာန်းအဆင့်သို့ မရောက်သေးပါ။ ကမ္မဋ္ဌာန်းအဆင့်သို့ ရောက်စေလိုလျှင် အသံမထွက် နှုတ်းခမ်းမလှုပ် အကူကိရိယာမပါဘဲ စိတ်ထဲမှာသာ ပွားများရပါသည်။ အလေးအနက်ထား၍ အာရုံယူပွားများရပါသည်။ မနောကံမေတ္တာလို စိတ်ထဲမှာ ကုသိုလ်စိတ်ဖြစ်ရုံမျှ တွေးတောကြံစည်ခြင်းမျိုး သူတစ်ပါးကောင်းကျိုးလိုလားသည့်စိတ်ကလေး ပေါ်ပေါက်ရုံမျိုးလည်း မဟုတ်ပါ။ မေတ္တာခံယူမည့် ပုဂ္ဂိုလ်သတ္တဝါများကို အာရုံယူ၍ စိတ်ထဲမှာပင် မေတ္တာစေတနာများ တိုးပွားလာအောင် စိတ်ဖြင့်သာလျှင် ပွားများခြင်း ဖြစ်ပါသည်။ လျောင်း ထိုင် ရပ် သွား ဣရိယာပုထ်(ကိုယ်အမူအရာ)လေးမျိုးလုံးမှာ မေတ္တာကမ္မဋ္ဌာန်း စီးဖြန်းနိုင်ပါသည်။

ပရိတ်ရွတ် အမျှဝေ မေတ္တာပို့ပြီးသည့်အခါ စင်္ကြံကမ္မဋ္ဌာန်းအဖြစ် မေတ္တာကမ္မဋ္ဌာန်း စီးဖြန်းပါသည်။ အရုဏ်ဆွမ်းဝိုင်းကို အာရုံယူ၍ တစ်ကြိမ်၊ နေ့ဆွမ်းဝိုင်းကို အာရုံယူ၍ တစ်ကြိမ်၊ အခြားလှူဖွယ်များကို အာရုံယူ၍ တစ်ကြိမ် မေတ္တာပို့သပါသည်။ ဆွမ်းပစ္စည်းနှင့် စပ်ဆက်သမျှ ကုသိုလ်ရှင် ခုနစ်ရက်သားသမီးအပေါင်းတို့သည် ဘေးရန်ခပ်သိမ်း ကင်းငြိမ်းကြပါစေ၊ဆင်းရဲခပ်သိမ်း ကင်းငြိမ်းကြပါစေ၊ ကြောင့်ကြခပ်သိမ်း ကင်းငြိမ်းကြပါစေ၊ ဒေါသခပ်သိမ်း ကင်းငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ။

ဤကျောင်းတိုက်နှင့် စပ်ဆက်သမျှ ကုသိုလ်ရှင် ခုနစ်ရက်သားသမီးအပေါင်းတို့သည် ဘေးရန်ခပ်သိမ်း ကင်းငြိမ်းကြပါစေ၊ ဆင်းရဲခပ်သိမ်း ကင်းငြိမ်းကြပါစေ၊ ကြောင့်ကြခပ်သိမ်း ကင်းငြိမ်းကြပါစေ၊ ဒေါသခပ်သိမ်း ကင်းငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ။

ပစ္စည်းလေးပါးနှင့် စပ်ဆက်သမျှ ကုသိုလ်ရှင် ခုနစ်ရက်သားသမီးအပေါင်းတို့သည် ဘေးရန်ခပ်သိမ်း ကင်းငြိမ်းကြပါစေ၊ဆင်းရဲခပ်သိမ်း ကင်းငြိမ်းကြပါစေ၊ ကြောင့်ကြခပ်သိမ်း ကင်းငြိမ်းကြပါစေ၊ ဒေါသခပ်သိမ်း ကင်းငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ။

ခပ်သိမ်းသောသတ္တဝါများ၊ နတ်ဒေဝါများ စသည် စုံလင်အောင် မေတ္တာပို့ပါသည်။ လမ်းလျှောက်မေတ္တာပို့ချိန် (မေတ္တာကမ္မဋ္ဌာန်းစီးဖြန်းချိန်) နာရီဝက်ခန့် ကြာပါသည်။

အလွန်တရာ စိတ်ငြိမ်းချမ်းပါသည်။ ထို့ကြောင့် စာရေးသူသည် လူပင်ပန်းသော်လည်း စိတ်မပူလောင်ပါ။ အလုပ်များသဖြင့် ခေါင်းမီးတောက်မတတ် ပူလောင်သော်လည်း နှလုံးစိတ်ဝမ်းကား အေးချမ်းလျက် ရှိပါသည်။ အာရုံထွေပြားသဖြင့် ခေါင်းနောက်တတ်သော်လည်း မေတ္တာသမာဓိကြောင့် စိတ်တည်ငြိမ် ကြည်လင်လျက် ရှိပါသည်။

မဟာသမယမေတ္တာ ပြီးပါပြီ။

ဝီရသူ(မစိုးရိမ်)

29.4.2020