ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၆)

ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၆)

“ညနေစာဝါနှင့် အာဖရိကငါးခူစာအုပ်”

(ဆရာတော်ဦးဝီရသူ၏ နှစ်သစ်ကူး အထူးလက်ဆောင်)

-------------------------------------------------

နေ့လည် အိပ်ရာထပြီးသည့်အခါ ညနေစာဝါရှိလျှင် စာဝါချဖို့ စာကြည့်ပါသည်။ ညနေစာဝါမရှိဘဲ ညမှ စာဝါချရမည်ဆိုလျှင် အမျိုးသားရေးလုပ်ငန်းများ လုပ်ဆောင်ပါသည်။ ညနေစာဝါသည် စာသင်တန်းစာဝါဖြစ်ပြီး ညစာဝါသည် အကြီးတန်းစာဝါဖြစ်ပါသည်။ စာသင်တန်းသံဃာများအား ဋီကာကျော်စာဝါ ပို့ချရပြီး အကြီးတန်းသံဃာများအား ပဋ္ဌာန်းစာဝါ ပို့ချရပါသည်။ ဋီကာကျော်စာဝါပို့ချရာ၌ ကျမ်းရင်းဖြစ်သော

သဂြုင်္ိဟ်သရုပ်ခွဲနှင့် အဓိပ္ပါယ်ကို အခြေခံကျစွာ ရှင်းပြပြီးမှ ဋီကာကျော် မဏိမဉ္ဇူ စသော အဖွင့်ကျမ်းများကို ဖတ်ပြ ရှင်းပြကာ စာလုပ်နည်းများလည်း စပ်မိလျှင် စပ်မိသလို ပြောပြတတ်ပါသည်။

စာသင်တန်းစာဝါပို့ချစဉ် စာမေးလိုက်တိုင်းမရသည့်အခါမျိုး၌ စာလိုက်သံဃာများအား သကျသီဟအဓိပ္ပါယ်နှင့် စာသင်တန်းဖွင့်ဆိုချက်များကို ပျော်စေပျက်စေ ပြောပြတတ်ပါသည်။ “သကျသီဟဆိုမှတော့ သတ်တယ် ကျတယ်ပေါ့ကွာ။ သတ်တာတောင် မကျဘူးဆိုရင်တော့ သီဟပေါ့”ဟုလည်းကောင်း၊ “စာသင်တန်းမဟုတ်ပါဘူးကွာ၊ ချာသင်တန်းကြီးပါ”ဟူ၍လည်းကောင်း၊ “မဟာသကျသီဟ ချာသင်တန်းကြီးတွေ”ဟူ၍လည်းကောင်း ရယ်ရယ်မောမော အရွှန်းဖောက်တတ်ပါသည်။

စာရေးသူ စာသင်တန်းအောင်သည့်နည်းမှာ အာဂုံရခြင်း၊ အနက်အဓိပ္ပါယ် အမြဲကြည့်ခြင်း၊ ညစဉ် စာပြန်ခြင်း၊ အပတ်စဉ် ဥပုသ်နေ့တိုင်း မေးခွန်းဟောင်းများ ဖြေကြည့်ခြင်း ဖြစ်ပါသည်။ စာတစ်ပုဒ်နားလည်ပြီဆိုလျှင် မိမိကိုယ်မိမိ ပုစ္ဆကနေရာယူလျက် ပုစ္ဆာထုတ်ကြည့်ဖို့ အမြဲတိုက်တွန်းပါသည်။ စာမေးပွဲ၌ အချို့သောမေးခွန်းများမှာ မိမိမေးခွန်းများဖြစ်နေသဖြင့် ကိုယ့်မေးခွန်းကိုယ်ဖြေ ကိုယ်တိုင်မေးခွန်းထုတ် ကိုယ်တိုင်ဖြေဆို လုပ်ရသည်မျိုးဖြစ်ကာ အလွယ်တကူ အောင်နိုင်ကြောင်း ပြောပြလေ့ရှိပါသည်။ “အာဂုံရမှ အာဂလူ အာဂုံမရက ဖွတ်ကျားလူ” ဟုလည်း စနောက်တတ်ပါသည်။

စာသင်တန်းဋီကာကျော်စာဝါကို ညနေ ၄း၀၀နာရီမှ ၅း၀၀နာရီထိ ပို့ချရသဖြင့် ညနေ ၅း၀၀နာရီနောက်ပိုင်းဆိုလျှင် စာရေးသူ၏ ကိုယ်ပိုင်အချိန်ဖြစ်သွားပါသည်။ ထိုအခါမှစ၍ ညဥ့်နက်သည်အထိ အမျိုးသားရေးလုပ်ငန်းများ စောက်ချလုပ်ကိုင်ပါသည်။

တရားရုံးအမှုအခင်းများ နည်းလမ်းရှာရခြင်း၊ နစ်နာသူများကို အကူအညီပေးရခြင်း၊ အခြားအကြံဉာဏ်လာတောင်းသူများကို လက်ခံစကားပြောရခြင်း၊ ဖေ့စ်ဘုတ်သတင်းတင်ရခြင်း၊ ဆောင်းပါးများ ရေးသားရခြင်း၊ သတင်းဌာနများမှ အမျိုးသားရေးသတင်းများကို ကော်ပီကူးတင်ခြင်း၊ ရှယ်ခြင်း၊ ခေါင်းစဉ်တပ်၍ ပြန်တင်ခြင်း၊ မှတ်ချက်ရေး၍ပြန်တင်ခြင်း၊ ချေပချက်များ ဖြေရှင်းချက်များ ရေးသား၍ တုန့်ပြန်ခြင်းမျိုး ပြုလုပ်ရသလို အရေးကြီးသတင်းများ အစအနကြားရလျှင် ဖုန်းဖြင့်သတင်းလိုက်၍ အပြည့်အစုံ အတိအကျ ရေးသားတင်ရခြင်း၊ နစ်နာသူများကို အကူအညီပေးဖို့ ညွှန်ကြားရခြင်း စသည်စသည် စုံနေအောင် လုပ်ဆောင်ရပါသည်။

တရားပွဲရှိလျှင် သတင်းရေးသားကာ အချက်အလက် အထောက်အထား ဓာတ်ပုံ၊ လင့်(Link)၊ အသံဖိုင်၊ စာရွက်စာတမ်း စသည်များကို အပြည့်အစုံ ညွှန်ကြားခဲ့ပြီးမှ တရားပွဲသို့ သွားပါသည်။ တရားပွဲမရှိလျှင် အနီးကပ်ညွှန်ကြားကာ သတင်းတက်သွားသည်အထိ စောင့်ကြည့်ပါသည်။

အရေးကြီးလျှင် ကြီးသလို အရေးပေါ်လျှင် ပေါ်သလို အလုပ်များလေ့ရှိကာ တစ်ထိုင်တည်းမှာ အလုပ်လေးငါးခု တစ်ပြိုင်နက် လုပ်ရခြင်းမျိုးလည်း မကြာခဏကြုံရပါသည်။ ဥပမာ- အမှုအခင်းများကိုင်တွယ်သူက စာရေးသူထံ တင်ပြနေချိန်မှာ ဖုန်းဝင်လာလျှင် ဖုန်းဖြင့်အကြံဉာဏ်ပေးရပါသည်။ ထိုအချိန်မှာ အိုင်တီဆရာက ဘယ်ပုံနှင့်တင်ရမည် ဘယ်သူ့ဖုန်းနံပါတ်ထည့်ရမည် စသည်လှမ်းမေးလျှင်လည်း ကြားဖြတ်ဖြေပေးရပါသည်။ ထိုအချိန်မှာပင် ပရဟိတ၊ ပညာရေး၊ ဘကကျောင်း၊ နဂါးနီစုဘူးနှင့်ပတ်သက်၍ လာလျှောက်လျှင်လည်း ဖြေရှင်းပေးရတတ်ပါသည်။ ထိုအချိန်မှာပင် အကူအညီတောင်းသူများ ရောက်လာလျှင်လည်း မိတ်ဆက်စကားပြောကြားပြီး ခဏစောင့်ခိုင်းထားပါသည်။ လုပ်လက်စ အလုပ်အားလုံးပြီးမှ အကူအညီတောင်းသူနှင့် စကားပြောရပါသည်။ ပထမဦးဆုံး ဖြစ်ကြောင်းကုန်စင် တင်ပြသည်ကို နားထောင်ပေးရပြီး ၎င်းနောက်မှ စာရေးသူသိလိုရာကို မေးမြန်းရပါသည်။

စာရေးသူထံ အကူအညီတောင်းသူများ နေ့စဉ်ရောက်လာတတ်ကြပါသည်။ သံဃာများလည်း ပါသည်။ အရပ်သားများလည်း ပါသည်။ အစိုးရနှင့် ဖြစ်သည့်အမှု၊ စစ်တပ်နှင့်ဖြစ်သည့်အမှု၊ ပါတီနှင့်ဖြစ်သည့်အမှု၊ ကုလားနှင့်ဖြစ်သည့်အမှု၊ တရုတ်နှင့်ဖြစ်သည့်အမှု၊ မဟနနှင့်ဖြစ်သည့်အမှု စသည်ဖြင့် စုံလင်လှပါသည်။ အချို့မှာ ထေရ်ကြီးဝါကြီး ဆရာတော်ကြီးများကိုယ်တိုင်ကြွကာ အကူအညီတောင်းကြသည့်ဖြစ်ရပ်မျိုးများ ဖြစ်နေတတ်ပါသည်။ တရိုတသေနားထောင်၊ တလေးတစားပြန်လျှောက်၊ လိုလိုလားလားအကြံဉာဏ်ပေးသဖြင့် အောင်မြင်သွားကြသည်က များပါသည်။

စာရေးသူသည် လူမျိုးတူချင်း ဘာသာတူချင်း ဖြစ်ပွားကြသည့် ပြဿနာမျိုးဆိုလျှင် ဝေးဝေးမှရှောင်ပါသည်။ လူမှုရေးမှာ ပါဝင်ပတ်သက်မှုဖြင့် မဟနအဖွဲ့နှင့် ထိပ်တိုက်တွေ့နိုင်သောကြောင့် ဖြစ်ပါသည်။ အထူးသဖြင့် ရဟန်းသံဃာအချင်းချင်း ဖြစ်ပွားသည့်အမှုဆိုလျှင် အနည်းငယ်မျှပင် မပတ်သက်လိုပါ။ သို့စေကာမူ စာရေးသူထံ အကူအညီလာတောင်းသူများက ရပ်ဝေးမှတကူးတကလာသူဖြစ်နေခြင်း၊ ထေရ်ကြီးဝါကြီးဖြစ်နေခြင်း၊ အပြည့်အဝမှန်ကန်သူဖြစ်နေခြင်း၊ အထောက်အထားခိုင်လုံနေခြင်း၊ အမှန်တကယ်နစ်နာနေခြင်း၊ ကူညီလိုက်လျှင် သာသနာအတွက် အကျိုးများနိုင်ခြင်း စသည့်အချက်များကို ရှေးရှုကာ နည်းလမ်းရှာဖွေပေးလေ့ရှိပါသည်။ ထိုသို့ အောင်မြင်သွားသူများအနက် အချို့မှာ စာသင်တိုက်ကြီးများပင် ဖြစ်နေတတ်ပါသည်။စာသင်တိုက် ပျက်တော့မည့်အခြေအနေ စာသင်တိုက်ပိတ်ပြီး ထွက်ပေးရတော့မည့် အခြေအနေမျိုးမှ ပြန်လည်အောင်နိုင်ခြင်း ဖြစ်ပါသည်။ကုသိုလ်မည်မျှရမည် အကျိုးမည်မျှရှိလိမ့်မည်ဆိုသည်ကို စဉ်းစားကြည့်နိုင်ပါသည်။

အကူအညီလာတောင်းသည့် လူပုဂ္ဂိုလ်များကလည်း မနည်းပါးလှပါ။ ရံဖန်ရံခါ တန်းစီစောင့်နေကြသည်ကိုပင် တွေ့ရှိရပါသည်။ သဟာယကျောင်းရှေ့မှာ ဆိုင်ကယ်များ များပြားစွာရပ်ထားခြင်း၊ လူအများအပြားတွေ့ရှိရခြင်းကြောင့် စာရေးသူကို ဘုန်းတန်ခိုးကြီးသူဟု ထင်မှတ်နိုင်ပါသည်။ အချို့လည်း ထိုသို့ထင်မှတ်ကြရာမှ အံ့သြသွားကြသည်ကိုလည်း တွေ့ရပါသည်။ များနှာများ ညှိုးငယ်နေခြင်း၊ လှူဖွယ်တန်းဖွယ်များ မပါခြင်းကြောင့် လာရောက်ဖူးမြော် လှူဒါန်းသူများ မဟုတ်မှန်း သိရှိသွားကြသောကြောင့်သာ အမြင်များပြောင်းလဲသွားခြင်း အံ့သြမိကြခြင်း ဖြစ်ပါမည်။ မှန်ပါသည်။ စာရေးသူထံ လှူမည့်သူများ မလာသလောက်ပင် ဖြစ်ပါသည်။ အကူအညီတောင်းမည့် အပူသည်များသာ လာကြခြင်းဖြစ်ပါသည်။ စာရေးသူထံ နဝကမ္မလာလှူဒါန်းမှုများကို သတင်းအဖြစ် အမြဲတင်ပါသည်။ ငွေအများအပြား လှူသူကား အလွန်တရာ ရှားပါးလှပါသည်။ တစ်နှစ်လုံးနေမှ ဆယ်သိန်းကျပ်လှူဒါန်း တစ်ဦးသာတွေ့ရသည့်နှစ်ကား ဘုန်းတန်ခိုးထွားသည့်နှစ်ဟု ဆိုရပါမည်။ ပညာရေး၊ ပရဟိတ စသည့် ပြည်သူ့အကျိုးပြုလုပ်ငန်းများအတွက် လှူလျှင်လည်း တစ်သိန်းကျပ်လှူသူက အရေအတွက်များပြားပါသည်။ ထိုထက်ပို၍ လှူနိုင်သူကား ရှားပါးလှပါသည်။ နဝကမ္မလှူဒါန်းသူကား မရှိသလောက်ပင်ဖြစ်ပါသည်။

စာရေးသူထံ လှူသူမလာ ယူသူသာလာသည်ဟု စာရေးသူကိုယ်တိုင် မကြာခဏပြောပြတတ်ပါသည်။ ယူသူဆိုသည်မှာ စာရေးသူက ရိက္ခာထောက်ပံ့ပေးအပ်ရသည့် အမှုသည်များကို ဆိုလိုပါသည်။ ဥပမာ- သက်ငယ်မုဒိမ်းမှုတစ်ခုဖြစ်၍ သေချာစွာလေ့လာလိုက်လျှင် နစ်နာသူက ဆင်းရဲနွမ်းပါးသူဖြစ်နေတတ်ပါသည်။ အိမ်ငှားနေရသဖြင့် အိမ်ရှင်က အဓမ္မကျင့်ခွင့်ရရှိခဲ့ခြင်း ဖြစ်ပါသည်။ ထိုအမှုမျိုးဖြစ်ပေါ်ပြီဆိုလျှင် တရားရုံးစရိတ်၊ ရှေ့နေစရိတ်အပြင် အိမ်ငှားပေးခြင်း၊ ဆန်နှင့်ငွေကြေး ထောက်ပံ့ပေးခြင်းများပင် ပြုလုပ်ခဲ့ရပါသည်။ အမှုများကား အတော်စုံလင်ပါသည်။ ကုလား၊ တရုတ်နှင့် ဖြစ်ပွားသည့်အမှုများအနက် ကုလားနှင့်ဖြစ်ပွားသည့် အမှုက အဆပေါင်းများစွာ ပိုလွန်နေပါသည်။

၂၀၁၂ ခုနှစ်မှစတင်၍ ကူညီဖြေရှင်းခဲ့သော်လည်း ၂၀၁၄ ခုနှစ်မှစ၍သာ မှတ်တမ်းတင်နိုင်ခဲ့ပါသည်။ ၎င်းမှတ်တမ်းများမှ အမျိုးအစားတစ်ခုစီကို စုပေါင်းကာ ဆယ်ခုလျှင် စာအုပ်တစ်အုပ်နှုန်းဖြင့် စာအုပ်အသေးတစ်အုပ် နှစ်စဉ်ထုတ်ဝေခဲ့သည်မှာ အမှတ်(၃)အထိ ပြီးသွားခဲ့ပေပြီ။ အမှတ်(၄)ထုတ်ဖို့ စီစဉ်ထားသော်လည်း စာဖတ်သည့်ခေတ်မဟုတ်သဖြင့် စာအုပ်မထုတ်ဖြစ်ခဲ့ပေ။

ညနေစာဝါနှင့် အာဖရိကငါးခူ ပြီးပါပြီ။  ။

ဝီရသူ(မစိုးရိမ်)

24.4.2020