“အပြောင်းအလဲထက် ဗလောင်းဗလဲက များပါတယ်” (က)

“အပြောင်းအလဲထက်  ဗလောင်းဗလဲက များပါတယ်” (က)

(ဆရာတော်ဦးဝီရသူနှင့် အင်တာဗျူး၊ ပြည်ချစ်သားဂျာနယ် အတွဲ(၃)အမှတ်(၂၃) 26.7.2019)

ဆရာတော်ဦးဝီရသူထံတော်က အသံတွေကြားရဖို့အတွက် ပြည်ချစ်သားဝိုင်းတော်သားတစ်ဦးဖြစ်တဲ့ ကိုငြိမ်းချမ်းသာက ကြိုးစားဆက်သွယ်ပြီး အင်တာဗျူးတွေလုပ်ပေးခဲ့ပါတယ်။ ဒါပေမယ့် အခုတော့ ကိုငြိမ်းချမ်းသာက ဆရာတော်နဲ့ အဆက်အသွယ်မရတော့တဲ့အတွက် အခြားသော သတင်းရင်းမြစ်တွေဆီကနေ တစ်ဆင့်ပြီးတစ်ဆင့် ချိတ်ဆက်စုံစမ်း စုဆောင်းကာ ဆရာတော့်သတင်းသိရဖို့ ကြိုးစားခဲ့ပါတယ်။ ဒီလိုကြိုးစားပြီး ရရှိလာတဲ့အချက်တွေကို အခြေခံကာ ပြည်ချစ်သားတို့အတွက် ပြည်ချစ်သားဆရာတော်ရဲ့ အမြင်တွေကို အင်တာဗျူးပုံစံ တင်ပြပေးတာဖြစ်ကြောင်း အသိပေးဝန်ခံလိုပါတယ်။ ဒီတစ်ပတ်မှာတော့ ဆရာတော်ဦးဝီရသူရဲ့ လက်ရှိဖြစ်နေတဲ့ မဘသနဲ့ မဟနကိစ္စ၊ သီတဂူဆရာတော်ကြီးကို ဝေဖန်နေတဲ့ကိစ္စတွေအပေါ် သဘောထားအမြင်များကို တင်ပြထားပါတယ်။ မြန်မာ့နိုင်ငံရေးအပေါ် ဆရာတော်ဦးဝီရသူရဲ့ သုံးသပ်ဝေဖန်ချက်များနဲ့အတူ ဆရာတော်ရဲ့ ရှေ့ဆက်လုပ်ဆောင်မယ့် အစီအစဉ်များကိုလည်း ဖတ်ရှုလေ့လာနိုင်အောင် စုံးစမ်းရေးသားတင်ပြထားပါတယ်။

ငြိမ်း- တရားရုံးက တစ်လအတွင်း လာရောက်ဖြေရှင်းဖို့ အမိန့်ချမှတ်ထားတဲ့အပေါ်မှာ ဘာတွေဆက်လုပ်ဖို့ စိတ်ကူးထားပါသလဲဘုရား၊ နောက် မဟနဘက်က အရှင်ဘုရားကို ဆက်သွယ်လာတာရော ရှိပါသလားဘုရား။

မဟနဘက်ကတော့ ဆက်သွယ်လာတာမျိုး မရှိပါဘူး။ ဦးဇင်း မဟနအဖွဲ့ကို သီးသန့်စာတင်ဖို့ လုပ်သေးတယ်လေ။ ဒါပေမယ့် မတင်လိုက်ရဘူးပေါ့။  သူတို့ရဲ့ သာသနာရေး ၀က်ဘ်ဆိုက်ကထွက်တဲ့ ကြေညာချက်ကို ကြည့်ပြီးတော့ မပို့ဖြစ်တော့တာပါ။

ငြိမ်း- လက်ရှိဖြစ်နေတဲ့ မဘသနဲ့ မဟနကိစ္စပါဘုရား။ မဟနက မဘသကို သြ၀ါဒပေးမယ်ဆိုပြီး ရုတ်တရက်ကြီး ထပြီးစီစဉ်တာ ဘာကြောင့်များဖြစ်မယ်လို့ အရှင်ဘုရားအနေနဲ့ သုံးသပ်ပါသလဲဘုရား။

အဲဒါက မဘသ ဒုဥက္ကဋ္ဌ ဆရာတော်တစ်ပါးက ပြောတယ်ဆိုပြီးတော့ သတင်းဌာနတစ်ခုက ရေးထားတာရှိတယ်။ 

အဲဒါကတော့ ''ဟိုးအရင်တုန်းက မလုပ်ခဲ့တဲ့ဟာတွေ အခုလည်း မလုပ်လောက်ဘူးဆိုပြီး ထင်နေကြတယ်''တဲ့။ ''ရွေးကောက်ပွဲကလည်း နီးနေပြီ၊ နိုင်ငံရေးနဲ့လည်း ပတ်သက်နေတယ်၊ ဒီတစ်ခါတော့ မဖြစ်မနေ ကိုင်တွယ်မှာပါ''ဆိုပြီး ပါတယ်။

အဖြေက သူ့စကားထဲမှာ အပြည့်ပါသွားပါတယ်။ နိုင်ငံရေးနဲ့ ပတ်သက်နေတယ်လို့ သူတို့တစ်ထစ်ချ ယူဆထားတယ်၊ ရွေးကောက်ပွဲမတိုင်ခင် အပြတ်ဖြိုချင်တယ်။ ဒီအချက်ကြောင့် မဟနဆရာတော်တွေ အထူးအစည်းအဝေးလုပ်ရတယ်။ လုပ်ပြီးတော့ ဓမ္မစက်ကနေ အာဏာစက်ကို တန်းလွှဲလိုက်တယ်ဆိုတာ သိသာတာပေါ့ကွာ။

ငြိမ်း- ဒီကိစ္စမှာ မဟနဆရာတော်ကြီးတွေရဲ့ ဆုံးဖြတ်ချက်ဟာ ဖိအားတစ်စုံတစ်ရာရှိနေတယ် လို့ သုံးသပ်ပါသလားဘုရား၊ နောက်ဓမ္မစက်နဲ့ အရေးယူဖို့ မရှိတော့ဘူးဆိုတဲ့ ဆုံးဖြတ်ချက်ဟာ ဘာကြောင့် ဖြစ်လာတယ်လို့ ယူဆပါသလဲဘုရား။

ဒါကတော့ လုပ်ထုံးလုပ်နည်းမှန်ပါတယ်။ မဘသတုန်းကလည်း ဒီလိုပဲ၊ ဗုဒ္ဓဓမ္မ ပရဟိတ ဖောင်ဒေးရှင်းတုန်းကလည်း ဒီလိုပဲ။ နောက်ဆုံး အကြိမ်အဖြစ် သူခေါ်တယ်၊ မလာဘူး၊ မလာတဲ့ အတွက်ကြောင့် မျက်နှာလွှဲလိုက်တယ်ဆိုတဲ့ သဘောပေါ့။ လုပ်ထုံးလုပ်နည်း အရကတော့ အမှားအယွင်း မရှိပါဘူး။

တစ်ခုပြောစရာရှိတာက သံဃာက သံဃာ့ဘက်က မရပ်တည်ဘဲ မျက်နှာလွှဲလိုက်တဲ့ အပေါ်မှာတော့ ပြောစရာဖြစ်သွားတာပေါ့။ ဒါပေမယ့် မဟနဆိုတာ အစိုးရရဲ့ မူဝါဒကို ဘယ်တုန်းအခါကမှ မကျော်လွှားနိုင်ခဲ့ဘူး။

အဲဒီတော့ ဦးဇင်းပြောချင်တာက ခြင်္သေ့လိုကျင့်မလား၊ ခွေးလိုကျင့်မလားဆိုတဲ့ကိစ္စပါ။ ခြင်္သေ့ကတော့ ကိုယ့်ဆီရောက်လာတဲ့ မြားကို မကြည့်ဘူး၊ မြားလာရာအရပ်ကိုကြည့်တယ်၊ ရန်သူအစစ်ကိုရှာတယ်။ ပြီးတော့ ရန်သူကို ချေမှုန်းတယ်။ ခွေးကတော့ ကိုယ့်အပေါ်ကျလာတဲ့ခဲကိုပဲ မြင်တယ်။ ခဲကိုပဲ လိုက်ကိုက်တယ်၊ လိုက်ဟပ်တယ်၊ လိုက်ဟောင်တယ်။ ရန်သူရှိရာအရပ်ကို ကြည့်ရကောင်းမှန်းကိုမသိဘူး။

အခုလည်း အဲဒီအတိုင်းပဲ အွန်လိုင်းပေါ်မှာရော၊ ရပ်ထဲရွာထဲမှာရော မဟနဆရာတော်တွေကိုပဲ အပြစ်မြင်နေကြတာပေါ့။ မဟန ဆရာတော်တွေက လုပ်ချင်လို့ လုပ်ရတာမဟုတ်ပါဘူး။ အကြောင်းနှစ်ချက်ကြောင့်ပါ။ ရွေးကောက်ပွဲ နီးလာလို့၊ နိုင်ငံရေးနဲ့ ဆက်စပ်နေတယ်လို့ ယူဆလို့ လုပ်ရတာပါ။ လုပ်တဲ့သူတွေရဲ့ နောက်ကွယ်မှာ  လက်အနီကြီးရှိတယ်။ လက်အနီကြီးကို မြင်အောင်ကြည့်ကြပါလို့ ပြောချင်ပါတယ်။

ငြိမ်း- လက်ရှိ ပြသနာတွေဖြစ်နေချိန်မှာ အရှင်ဘုရားကလည်းပဲ အဝေးရောက်နေတယ်ပေါ့ဘုရား။ တကယ်လို့များ မဘသမှာ ရှိနေမယ်ဆိုရင် ဘာလုပ်မလဲဘုရား။  နောက်ပြီးတော့ မဘသမှာ ကျန်ခဲ့သူတွေကိုကော လက်ရှိဖြစ် နေတဲ့ အခက်အခဲတွေနဲ့ ပတ်သက်ပြီး ဘာတွေလုပ်စေချင်လဲဘုရား။ ဘာတွေအကြံပေးချင်လဲဘုရား။

ဆရာတော်ကြီးတွေရဲ့ ဆုံးဖြတ်ချက်နဲ့ ရပ်တည်ချက်က မှန်ကန်တာ တွေ့ရတယ်။ ဒီ ရပ်တည်ချက်ကို  တစ်နိုင်ငံလုံးအတိုင်းအတာနဲ့ ၀ိုင်းဝန်းပြီး ၀န်းရံဖို့ လိုတာပေါ့။ ဒီရပ်တည်ချက်က လုံးဝ သွေဖည်မသွားအောင် ၀ိုင်းဝန်းစောင့်ရှောက်ကြဖို့ လိုတယ်။

(ဆက်လက်ဖော်ပြပါမည်)