“အနိုင်ကျင့်တဲ့အကွက်တွေ ကုန်သွားပြီဆိုရင် ဦးဇင်းထွက်လာမှာပါ” (က)

“အနိုင်ကျင့်တဲ့အကွက်တွေ ကုန်သွားပြီဆိုရင် ဦးဇင်းထွက်လာမှာပါ” (က)

(ဆရာတော်ဦးဝီရသူနှင့် အင်တာဗျူး၊ ပြည်ချစ်သားဂျာနယ် အတွဲ(၂)အမှတ်(၂၂) 26.7.2019)

======================================

ဆရာတော်ဦးဝီရသူ တိမ်းရှောင်နေရချိန်များမှာ ဆရာတော်ပြောချင်တာတွေနဲ့ ဆရာတော် ဘာဆက်လုပ်မယ်ဆိုတဲ့ အစီအစဉ်များအတွက် အင်တာဗျူးများကို ကြိုးစားပြီး စီစဉ်တင်ဆက်ပေးနေပါတယ်။ အင်တာဗျူးတွေဟာ အချိန်ရရင်ရသလို ပြုလုပ်ထားတဲ့ အင်တာဗျူးတွေဖြစ်တဲ့အတွက် အဆက်အစပ်မရှိ ဖြစ်နေတာမျိုးတွေလည်း ဖြစ်နေနိုင်ပါတယ်။ ဒါပေမယ့် ဆရာတော်ရဲ့အသံနဲ့ အမျိုးသားရေးအလံကို ဆက်လက်လွှင့်တင်နိုင်ဖို့အတွက် ပြည်ချစ်သားဂျာနယ်ပရိသတ်များအတွက် အင်တာဗျူးများကို တင်ဆက်ပေးလိုက်ပါတယ်။

ငြိမ်း- ပထမဆုံး မေးခွန်းအနေနဲ့ အစိုးရက ပုဒ်မ ၁၂၄(က)နဲ့ စွဲဆိုထားတဲ့အမှုကို တရားရုံးက တစ်လအတွင်း ဖြေရှင်းဖို့ အမိန့်ချထားတယ်ဆိုတော့ ဒါနဲ့ပတ်သက်ပြီး ဘာဆက်လုပ်မလဲဘုရား။

ဆရာတော်- သူတို့က ဘယ်ခေတ် ဘယ်အခါမှာမှ မလုပ်ဖူးတဲ့ စော်ကားမှုမျိုးကို ကျူးလွန်လိုက်တာပဲလေ။  ဘုန်းကြီးတစ်ပါးကို မျက်ကွယ်မှာစစ်တယ်။ ကျောင်းတိုက်ထိလာပြီးတော့ ဝရမ်းကပ်တယ်။  ဒါ...စစ်အာဏာရှင် လက်ထက်မှာတောင် ဒီလိုအငြိုးတကြီးနဲ့ အနိုင်မကျင့်ဖူးဘူးပေါ့။  သူတို့ ဘယ်လောက်အထိ အနိုင်ကျင့်နိုင်မလဲဆိုတာကိုတော့ ဦးဇင်းစောင့်ကြည့်မှာပေါ့။

ဟိုအရင်တုန်းကတော့ ရှင်းတယ်လေ၊ ဦးဇင်းက ဓမ္မစက်အမိန့်ကိုနာခံပြီးရင် အာဏာစက်အမိန့်ကို ရင်ဆိုင်မယ်လို့ တရားဝင်ကြေညာပြီးသားပဲ။ ဒါပေမယ့် ဓမ္မစက်က ရက်ရွှေ့လိုက်လို့ ဦးဇင်းစောင့်နေတယ်လေ။ အဲဒီအချိန်မှာပဲ  သူတို့ကမျက်ကွယ်စစ်ဆေးမှုနဲ့စပြီး အနိုင်ကျင့်လိုက်တာပဲ။ အဲဒါကြောင့်မို့ ဘယ်လောက်ထိ အနိုင်ကျင့်နိုင်မလဲဆိုတာကို ဦးဇင်းစောင့်ကြည့်နေပါတယ်။ သူတို့အနိုင်ကျင့်တဲ့အကွက်တွေ ကုန်သွားပြီဆိုရင် ဦးဇင်းထွက်လာမှာပါ။

ငြိမ်း- လက်ရှိအချိန်မှာကျတော့ ဝါကလည်းဝင်သွားပြီဆိုတော့၊ အမှုကိုရင်ဆိုင်ဖို့ဆိုရင် ဝါကလည်း ခုတစ်နေရာရာမှာ ဆိုပြီးသွားပြီဆိုတော့ ဝိနည်းစည်းကမ်းတွေကလည်းရှိနေတော့ အဆင်ပြေပါ့မလားဘုရား။

ဆရာတော်- ဝါမကျိုးမပေါက်အောင် စောင့်ရှောက်တာကတော့ ကထိန်ခံထိုက်တဲ့ ဉတ်မကြီးသင်္ကန်းကို ခံထိုက်တဲ့သံဃာနဲ့ပဲ ဆိုင်တာပေါ့။ သူကတော့ ဝါလုံးဝမကျိုးမပေါက်ရဘူး။ ကျန်တဲ့သံဃာတွေကတော့ ဝါကျိုးပေါက်လို့ရှိရင် ပါဠိပုတိဥပုသ် ပြုလိုက်ရုံနဲ့ အာပတ်ပြေသွားတာပေါ့လေ။ ဒါကြောင့် အဲဒီကိစ္စက ပြဿနာကြီးကြီးမားမားတော့ မဟုတ်ပါဘူး။

ငြိမ်း- စောစောက အရှင်ဘုရားပြောသွားတဲ့အထဲမှာလည်း ပါပါတယ်။ သူတို့က အနိုင်ကျင့်တာတွေ များများလာတယ်ပေါ့၊ အဲဒီလို လုပ်နေတာတွေကို အကြောင်းပြုပြီးတော့ အရှင်ဘုရားကို ကြည်ညိုကြသူတွေက ဆန္ဒတွေပြကြ၊ ဆုတွေတောင်းကြတာမျိုးတွေ လုပ်ကြမယ်။ အဲဒါတွေကတစ်ဆင့်ပြီး တစ်ဆင့် ကြီးထွားလာပြီးတော့ ဘယ်လိုအကျိုးဆက်မျိုးတွေ ဖြစ်လာနိုင်တယ်လို့ ကြိုတင်ပြီးသုံးသပ်တာမျိုးတွေရော ရှိလားဘုရား။

ဆရာတော်- ဒါကတော့ အစိုးရအပေါ် မူတည်တာပေါ့။ ဟိုအရင်တုန်းက ကျောင်းသားဖုန်းမော်ဆိုတာ ဒီလိုပဲ မထင်မရှား ဘဝကနေပြီးတော့ကျောင်းသား ခေါင်းဆောင်အဆင့်ထိ၊ သမိုင်းမှာ အထင်ကရ ပုဂ္ဂိုလ်အဆင့်အထိ  ဖြစ်လာတာပေါ့။

ရွှေဝါရောင် အရေးအခင်းဆိုရင်လည်း ပခုက္ကူ မြို့က သံဃာတော်တစ်ပါး အနှိပ်စက်ခံရတဲ့ကိစ္စကနေစပြီးတော့ ပေါ်ပေါက်လာတာ။

အဲဒီတော့ သမိုင်းကျေပါတယ်ဆိုတဲ့သူတွေ၊ တော်လှန်ရေးသမားဘဝကနေ တက်လာပါတယ်ဆိုတဲ့သူတွေ ဒါကို ဆင်ခြင်ကြည့်ရမှာပဲလေ။ အာဏာနဲ့နေရာကို လဲချင်သပါ့ဆိုရင်တော့ ထပ်ပြီးအနိုင်ကျင့်ပေါ့ကွာ။

ငြိမ်း- အရင်စစ်အစိုးရလက်ထက် အရှင်ဘုရား ထောင်ကျခဲ့တုံးက လူထုခေါင်းဆောင်ဆိုသူကို ရည်စူးပြီး ကဗျာရှည်တွေ၊ စာတွေရေးခဲ့ဖူးတယ်လို့ သိရပါတယ်ဘုရား။ သူမဟာ ခုချိန်မှာနိုင်ငံရေးသမားအဖြစ် ပြောင်းလဲသွားခဲ့ပြီလို့ ပြောရင် ရနိုင်မယ် ထင်ပါတယ်ဘုရား။ အဲဒါနဲ့ပတ်သက်ပြီးတော့ရော ဘယ်လိုများ ခံစားရပါသလဲဘုရား။

ဆရာတော်- ဒါကတော့ တောင်ပို့ကြီးကို  ဘုရားမှတ်လို့ကိုးကွယ်မိတဲ့သူရဲ့ အမှားတစ်ခုပဲလေ။  ကိုယ့်လို မမှားအောင်လို့ ပြောပေမယ့် ဘုရား၊ ဘုရားလို့ပဲ တ,နေတဲ့အခါကျတော့ ကိုယ်ပဲ အမုန်းခံရတာပေါ့။ ဖွတ်ကလည်း အကြိမ်ကြိမ်ထွက်ပြနေတယ်။ ဒါကိုလည်း လူတွေက ဘုရားဆိုပြီး အစွဲကြီးစွဲ ကိုးကွယ်နေကြတယ်ဆိုတော့ အမှားထောက်ပြတဲ့သူရဲ့ အမှားမဟုတ်တော့ဘဲ အမှားကြီးကို စွဲလမ်းနေတဲ့လူတွေရဲ့အမှားပဲ ရှိတော့တာပေါ့။

(ဆက်လက်ဖော်ပြပါမည်)