“ဓမ္မစက်ကို မထေမဲ့မြင်ပြုတာဒီမိုကရေစီခေတ်ကျမှပဲ ကြုံဖူးတယ်” (ဂ)

“ဓမ္မစက်ကို မထေမဲ့မြင်ပြုတာဒီမိုကရေစီခေတ်ကျမှပဲ ကြုံဖူးတယ်” (ဂ)

(ဆရာတော်ဦးဝီရသူနှင့် အင်တာဗျူး၊ ပြည်ချစ်သားဂျာနယ်အတွဲ(၂)အမှတ်(၂၁)၊ 12.7.2019)

================================================== 

ငြိမ်း- ဥပဒေက တဖက်စောင်းနင်းဖြစ်နေတယ်လို့ ထင်သလား ဒါမှမဟုတ် မညီမျှဘူးလို့ ထင်လား။ ဒီအပေါ်မှာ ဘယ်လို ခံစားရပါသလဲ။

ဆရာတော်- ဥပဒေက မညီမျှဘူးလို့ ခံစားရတာကတော့ ဒီအစိုးရတက်ကတည်းကပဲလေ။ ဥပမာ ဆိုကြပါစို့၊ တရားပွဲပိတ်တာက အဆင့်ကျော်ပြီးတော့ ပိတ်သွားတာလေ။  ရွှေညဝါတို့ဆိုရင်  ဓမ္မစက်နဲ့ကိုင်တွယ်တာတောင်မှ စိတ်ရှည်လက်ရှည် အကြာကြီးခေါ်ပြီး ဆုံးမ၊ မရတဲ့အဆုံးမှ ပိတ်လိုက်တာလေ။ ဦးဇင်းကျတော့ ဘာမပြော ညာမပြောနဲ့ ကာယကံရှင်တောင်မသိဘူး ပိတ်ချလိုက်တာ။ ကျန်တာတွေလည်း အများကြီးပေါ့ကွာ၊ မန္တလေးသပိတ်စခန်းကိစ္စတို့၊  တခြားကိစ္စတွေလည်း ရှိပါသေးတယ်။

 အခုနောက်ဆုံး မိုက်ကယ်ကျော်မြင့်တို့ကိစ္စတို့၊ ဦးဇင်းနဲ့ပတ်သက်ပြီး ဆန္ဒထုတ်ဖော်ပွဲမှာ ဓာတ်ပုံရိုက်တဲ့ ကင်မရာဆရာနှစ်ယောက်ဖြစ်တဲ့ ကိုဝင်းမော်နဲ့ ဝီရတေဇောဆိုတဲ့ ဦးဇင်းတစ်ပါးကို ငြိမ်းစုစီနဲ့ တရားစွဲပြီး ဒဏ်ငွေတောင်မဟုတ်ဘူး၊ ထောင်ချဖို့လုပ်နေတဲ့ကိစ္စ... ဒါတွေ အကုန်လုံး ကြည့်မယ်ဆိုရင် စစ်တစ်ပိုင်းအရပ်သားတစ်ပိုင်း ဦးသိန်းစိန်အစိုးရကမှ တရားမျှတမှုကို လိုက်နာသေးတယ်၊ တရားဥပဒေ စိုးမိုးရေးလို့ ပြောသာသေးတယ်၊ တကယ်တရားဥပဒေစိုးမိုးရေး ကြွေးကြော်ခဲ့တဲ့၊ မျှတမယ်လို့ ယုံကြည်ရတဲ့ ဒီအစိုးရလက်ထက်ရောက်တဲ့အခါကျမှ ကပြောင်းကပြန်တွေ ဖြစ်ကုန်တော့တာပါပဲ။

ငြိမ်း- ဇူလိုင် ၅ ရက်ကပဲ အမျိုးသားရေးပုဂ္ဂိုလ်များ မတရားဖမ်းဆီးနေမှု ရပ်တန့်ဖို့၊ ဗုဒ္ဓဘာသာကို အထင်လွဲအောင် လုပ်နေတာတွေရပ်ဖို့၊ မဘသနဲ့မဟနနဲ့ ရန်တိုက်ပေးနေတာတွေ ရပ်ဖို့စတဲ့ကြွေးကြော်သံတွေနဲ့ ရန်ကုန်၊ ဘားအံ၊ မော်လမြိုင်၊ မိတ္ထီလာစတဲ့ မြို့တွေမှာ ဆန္ဒဖော်ထုတ်ကြတာ တွေ့ရပါတယ်ဘုရား။  အဲဒီ ဆန္ဒဖော်ထုတ်ပွဲတွေဟာ အရှင်ဘုရားနဲ့ ပတ်သက်မှု ရှိမလား၊ အဲဒီပွဲအတွက် တစ်စုံတစ်ရာ စီစဉ်ညွှန်ကြားတာတွေများ ရှိမလားဘုရား။

ဆရာတော်- ကိုယ်ကတော့ ဘာလုပ်ပါ၊ ညာလုပ်ပါလို့ မညွှန်ကြားဘူးလေ။ ကိုယ်က ကာယကံရှင်ဖြစ်နေတာကိုး။  ဘာလုပ်မယ် ညာလုပ်မယ်ဆိုရင်တော့ ဘာလုပ်သင့်တယ်၊ ညာလုပ်သင့်တယ်ဆိုတဲ့ အကြံဉာဏ်တော့ ပေးမှာပေါ့ကွာ။ အဲဒါတွေကတော့ ကိုယ်တစ်ပါးတည်း ခံစားနေရတာ မဟုတ်ဘူး။  အမျိုးသားရေးသမားတွေအားလုံး၊ ဘာသာ သာသနာ ချစ်မြတ်နိုးသူတွေအားလုံး၊ ခံစားနေရတာဆိုတော့ ရင်ဘတ်ချင်းတူတော့ ခံစားချက်တွေ တူသွားတာနေမှာပေါ့။

ငြိမ်း- အမျိုးသားနိုင်ငံရေးလုပ်တဲ့အတွက် ပရိယတ္တိနဲ့ ပတ်သက်ပြီးတော့ သာသနာရေးအတွက် အလုပ်တွေမှာ ပျက်ကွက်ရတာတွေ ရှိတယ်။ ဥပမာ၊ စာချဖို့ ပျက်ကွယ်ရတယ်။ ဒါနဲ့ပတ်သက်ပြီးတော့ အမျိုးသားနိုင်ငံရေး လုပ်တဲ့အတွက် တစ်ဘက်မှာ ပျက်ကွက်ရတာတွေရှိတဲ့အတွက် နောင်တရတာတွေရှိလား။ ဒါနဲ့ပတ်သက်ပြီး ဘာများပြောချင် ပါသလဲဘုရား။

ဆရာတော်- စာချတာကတော့ ဝရမ်းတွေဘာတွေ ထုတ်ပြီးတဲ့အချိန်ပဲ ဦးဇင်းမှာပျက်ကွက်မှု ရှိတာပေါ့နော်။ အရင်တုန်းကတော့ စာချမပျက်၊ အလုပ်မပျက်ဘဲ အမျိုးသားရေးလုပ်နေတာပေါ့။  အခုချိန်၊ အခုကာလကတော့ အရေးကြီးတဲ့အချိန် ကာလဖြစ်နေတဲ့အတွက်ကြောင့် စာချတာဝန်တော့ လျော့သွားတာပေါ့လေ။

သို့သော်လည်းပဲ ဦးဇင်းတို့တိုက်က အမေရိကန် အစိုးရထက်ကို ဖွဲ့စည်းပုံက ခိုင်တာပေါ့။ ဦးဇင်းတင်မကဘူး၊ မဟာနာယကသုံးပါးရှိတယ်။ သုံးပါးစလုံး ကိုယ့်တာဝန်နဲ့ကိုယ် နိုင်ငံခြားခရီးထွက်နေတာတို့၊ ကမ္ဘာအေးရောက်နေတာတို့၊ ပြည်တွင်းမှာ တခြားသာသနာရေးကိစ္စ သွားနေတာတို့ ကြုံရင် မဟာနာယက သုံးပါးစလုံး တိုက်ထဲမရှိတာ တောင်မှ ပရိယတ္တိယန္တရားကြီးက ပုံမှန်လည်ပတ် နေတာပေါ့နော်။ အဲဒီအတွက် ဦးဇင်းက တိုက်တာအတွက် ကြောင့်ကြစရာမလိုလို့၊ တိုက်တာက ဦးဇင်းမရှိရင်လည်းပဲ အားနည်းတာတို့၊ ဟာသွားတာတို့၊ လစ်ဟင်းသွားတာတို့ မရှိဘူးပေါ့နော်။

ငြိမ်း- အရှင်ဘုရားကို ပုဒ်မ ၁၂၄ နဲ့ စွဲထားတဲ့အမှုကို ထွက်ပြီးရင်ဆိုင်မယ်ဆိုတော့ ဘယ်အချိန်မှာ ဘယ်လိုပုံစံနဲ့ ရင်ဆိုင်မလဲဆိုတာလဲ အားလုံးက စိတ်ဝင်စားကြပါတယ်ဘုရား။ အဲဒါကို ကြိုပြီးမိန့်လို့ရမလား၊  ဒါမှမဟုတ် စောင့်ကြည့်ရမလား၊ အဲဒါလေးလည်း မိန့်ကြားပေးစေချင်ပါတယ်ဘုရား။

ဆရာတော်- အဲဒါကတော့  သူတို့စစ်ဆေးရေးကာလကလည်း မပြီးသေးဘူးလေ။ အမှုအရလည်း အထဲမှာ ဘယ်လောက်နေရမယ်ဆိုတာက မသိရသေးဘူးလေ။  အဲဒီအတွက် ဦးဇင်းက ပြည်သူအားလုံးအတွက်၊ အမျိုးသားရေးအင်အားစုတွေ အားလုံးအတွက်ပေါ့၊ မှာစရာရှိတာတွေ မှာတယ်၊ စီစဉ်စရာရှိတာတွေ စီစဉ်ခဲ့တယ်။ အဲဒါတွေအတွက် ဦးဇင်းလည်း အလုပ်တွေလုပ်နေရတယ်။ ဦးဇင်း အားလုံးကို ပြည့်ပြည့်စုံစုံ မှာပြီးသွားပြီ၊ သူတို့ဘက် ကလည်း ဘယ်နေ့ဘယ်ရက်မှာ စီရင်ချက်ချတော့မယ်ဆိုတာကို သိရရင် မိုးပေါ်ကနေ ဘွားခနဲ ကိုယ်ထင်ပြတော့မှာပါဗျာ။

(ဆက်လက်ဖော်ပြပါမည်)