===============================
ဝါခေါင်လဆုတ် ၈ ရက် (3.9.2018)ရက်နေ့၊ မွန်းလွဲ ၂း၀၀ နာရီ၊ အမှတ်(၄)
နဂါးနီစုဘူးအသင်းတည်ရှိရာ မန္တလေးမြို့၊ ချမ်းမြသာစည်မြို့နယ်၊ ကံသာယာ ဇဇ(၃-၄)ရပ်ကွက်၊
ဦးရဲမောင်(နဂါးနီစုဘူးအသင်း-E.C)အိမ်မှာ ကျင်းပပါတယ်။
နဂါးနီစုဘူးအသင်း နာယကဆရာတော် ဦးဇဝန၊ သတင်းထောက် ဦးခေမိန္ဒ(ဝီရခေမိန်)၊
စာရင်းစစ် ဒေါ်တင်တင်စန်းတို့ တက်ရောက်ကြပါတယ်။
ဇဇ ရပ်ကွက် နဂါးနီစုဘူးအသင်းဝင်များရဲ့ သား/သမီး ကျောင်းသား/သူ
(၃၅)ဦးတို့အား တစ်ဦးလျှင် ဗလာစာအုပ် (၁)ဒါဇင်နှင့် ဘောလ်ပင် (၅)ချောင်းစီ ထောက်ပံ့လှူဒါန်းတာပါ။
ဗလာစာအုပ်နှင့် ဘောလ်ပင်များကို အမျိုးသားရေးဝါဒီဆရာတော် ဦးဝီရသူ(မစိုးရိမ်)မှ
လှူဒါန်းခြင်းဖြစ်ပြီး နဂါးနီစုဘူးစတင်တည်ထောင်သည်မှစ၍ နှစ်စဉ်လှူဒါန်းနေကျဖြစ်ပါတယ်။
အခြားစုဘူးတွေကိုလည်း ဆက်လက်လှူဒါန်းသွားမှာဖြစ်ပါတယ်။
နဂါးနီစုဘူးအသင်း ရည်ရွယ်ချက်
နဂါးနီစုဘူးအသင်းများကို ဆင်းရဲသားပြည်သူများသက်သာချောင်ချိရေး၊
ကိုယ်ကျင့်တရားတိုးတက်မြင့်မားရေး၊ ကြီးပွားလိုစိတ် အောင်မြင်လိုစိတ်များ ရှင်သန်လာစေရေးတို့အတွက်
ရည်မှန်း၍ ဆရာတော်ဦးဝီရသူမှ တရားပွဲများမှရရှိခဲ့သော ဓမ္မပူဇာများဖြင့် မ-တည်ကာ တည်ထောင်ထားခြင်းဖြစ်ပါတယ်။
နဂါးနီစုဘူးအသင်း ငွေချေးစနစ်
နဂါးနီစုဘူးအသင်း၏ ငွေချေးမှုစနစ်မှာ (၅)ကျပ်တိုးဖြစ်ပြီး (၅)သောင်းကျပ်အတွက်
တစ်ရက်လျှင် တစ်ထောင်နှုန်းစုရပါတယ်။ အတိုး(၅)ကျပ်ထဲမှ (၂)ကျပ်ကို အသင်းဝင်များအတွက်
ကျန်းမာရေးစောင့်ရှောက်မှုရန်ပုံငွေ၊ (၃)ကျပ်ကို အသင်းဝင်သစ်များတိုးချဲ့လက်ခံရန်နှင့်
ချေးငွေများ တိုးမြင့်ချေးပေးနိုင်ရန် ပြန်လည်သုံးစွဲပါတယ်။
ဆရာတော်ဦးဝီရသူ တည်ထောင်ဖွင့်လှစ်ပေးတဲ့ နဂါးနီစုဘူးပေါင်း (၇)ခုရှိပါတယ်။
၂၀၁၃ ခုနှစ်က စတင်တည်ထောင်ပြီး ယနေ့ထိ ဆင်းရဲသားပြည်သူများအတွက်
အဆက်မပြတ် စနစ်တကျ လည်ပတ်အကျိုးပြုလျက်ရှိပါတယ်။
ဝီရခေမိန် (နဂါးနီစုဘူးသတင်းထောက်)
“နဂါးနီစုဘူး ဆောင်ပုဒ်”
အတိုးပေါ် အတိုးဆင့်၊ အတိုးနင့်ဒုက္ခတွေ။
ဘဝတစ်ခုလုံး၊ လူညွန့်တုံး၊ လူဖြစ်ရှုံးမှုတွေ။
ပျောက်ပါစေ ရည်စူးပြီး၊ စုဘူးကြီး တည်ထောင်ပေ။
သောက်စား ပျော်ပါး လောင်းကစား အားလုံးရှောင်ကြဉ်လေ။
ရိုးရိုးသားသား၊ နိုးနိုးကြား၊ ကြိုးစားစုကြလေ။
အိုးမဲ့ အိမ်မဲ့၊ အခြေနေမဲ့၊ ကဲ့ရဲ့လွတ်ကြစေ။
ရခဲရကြ လူ့ဘဝ၊ အရတော်ကြစေ။
လူတစ်လုံး သူတစ်လုံး၊ အပီပြင်ဆုံး၊ ရုပ်လုံးဖော်ကြစေ။
ဝီရသူ-(မစိုးရိမ်)
No comments:
Post a Comment