“ပညာရေးအကယ်ဒမီကျောင်း ပုံရိပ်အချို့”
=======================
စစ်ကိုင်းမြို့နယ်၊ မင်းကွန်းရွာ၊ ဓမ္မစေတီကျောင်းတိုက်၊ ပညာရေးအကယ်ဒမီကျောင်းဆရာတော်များ
ဆရာ ဆရာမများ ကျောင်းသူကျောင်းသားများရဲ့ ဆောင်ရွက်ချက် တစ်စိတ်တစ်ဒေသပါ။
မနက် ၅း၀၀ နာရီ ဘုရားဝတ်တက်ရပါတယ်။
ပြီးလျှင် အချိန်အနည်းငယ် တရားထိုင်ရပါတယ်။
မနက် ၈း၀၀ နာရီမှ ၁၁း၀၀ နာရီအထိ၊
နေ့ ၁း၀၀ နာရီမှ ၄း၀၀ နာရီအထိ ကျောင်းတက်ရပါတယ်။
ဆယ်တန်းတွေကတော့ မနက် ၆း၃၀ နာရီမှ ၇း၃၀ နာရီ၊ ညနေ ၄း၃၀ နာရီမှ ၅း၃၀
နာရီ အချိန်ပိုတက်ရပါတယ်။
အခြေခံမှစပြီး Gramma သင်ယူတာ အင်္ဂလိပ်စာကျက်ရတာတွေ ရှိပါတယ်။
ကျောင်းပိတ်ရက်များမှာတော့ ၅-၆-၇ တစ်သုတ်၊ ၈ တန်းတစ်သုတ်၊ ၉ တန်းတစ်သုတ်
စပိကင်လေ့ကျင့်ရပါတယ်။
ဆရာ ဆရာမတွေကိုလည်း စပိကင်အတွက် သီခြားအချိန်တစ်ခုထား လေ့ကျင့်ပေးနေပါတယ်။
ပုထိုးတော်ကြီးဘုရား၊ မြသိန်းတန်ဘုရားတို့မှာ အပတ်စဉ် ဗုဒ္ဓဝေယျာဝစ္စကုသိုလ်ယူကြပါတယ်။
မနက်စာစားပြီး တစ်ကြိမ်၊ ညနေကျောင်းဆင်းတစ်ကြိမ် ကျောင်းတိုက်ဝေယျာဝစ္စလုပ်ကြရပါတယ်။
ပညာရေးအကယ်ဒမီကျောင်းမှာ ၅ တန်းမှ ၁၀ တန်းအထိ ကျောင်းသားကျောင်းသူ ၁၃၇ ဦးရှိပြီး ဆရာ ဆရာမ ၂၃
ဦးရှိပါတယ်။
အုပ်ချုပ်ရေးဆရာတော် ၂ ပါးရှိပါတယ်။
မနက် နေ့ ည တစ်ရက်လျှင် သုံးနပ်ကျွေးမွေးထားပြီး ကျန်းမာရေးလည်း
စောင့်ရှောက်ထားပါတယ်။
ည ၇း၀၀ နာရီမှ ၁၁း၀၀ နာရီအထိ စာအံကျောင်းတက်ရပါတယ်။
ဆရာ ဆရာမများက အနီးကပ်ကြီးကြပ်သင်ကြားပေးနေပါတယ်။
ဓမ္မစေတီကျောင်းတိုက်ဆရာတော် အရှင်နာဂိန္ဒာလင်္ကာရက ဆန်၊ ငါးပိ၊ ငါးခြောက်၊
ကြက်သွန်နီ ရိက္ခာများ ထောက်ပံ့ပါတယ်။
ဟင်းသီးဟင်းရွက်များ၊ ဟင်းလျာများနှင့် ပညာရေးစရိတ်၊ ဝန်ထမ်းလစာ
အားလုံး စာရေးသူမှ ထောက်ပံ့နေပါတယ်။
ဇူလိုင်လကုန်အတွက် လစာပေးစရာ ပိုက်ဆံမရှိပေမယ့် မဟာချိုင်အမျိုးတွေလှူလိုက်တာ၊
အမေရိကန်လူမျိုး ထိုင်းဆရာတော်ကြီး လှူလိုက်တာတွေကြောင့် လခပေးနိုင်သွားပြီဖြစ်ပါကြောင်း…။
ဝီရသူ (မစိုးရိမ်)
29.8.2018
No comments:
Post a Comment