“ကျောက်ချောရွာ ကျူရှင်ကျောင်း မိဘဆရာများအသင်း ဖွဲ့စည်း”
=================================
ဝါခေါင်လဆန်း ၈ ရက် (19.8.2018) ရက်နေ့၊ မန္တလေးမြို့၊ ပုသိမ်ကြီးမြို့နယ်၊
ရွှေစာရံအုပ်စု၊ ကျောက်ချောကျေးရွာ ပညာဒါနကျူရှင်ကျောင်းစောင့်ရှောက်ရေးအဖွဲ့အဖြစ် မိဘဆရာများအသင်း
ဖွဲ့စည်းပါတယ်။
မန်း မဟော်သဓာ အမျိုးသားရေးကိုယ်ပိုင်အထက်တန်းကျောင်းတော်ကြီး အကျောင်းဝင်းအတွင်းရှိ
ရှင်းလင်းဆောင်မှာ ကျင်းပပါတယ်။
အုပ်ချုပ်ရေးအဖွဲ့အစည်းများ ကျောင်းသားမိဘများ ရပ်မိရပ်ဖများ မန်း
မဟော်သဓာ ပညာရေးကော်မတီဝင်များ တက်ရောက်ကြပါတယ်။
အုပ်ချုပ်ရေးအဖွဲ့အစည်းများမှ ဆယ်အိမ်ခေါင်းများ၊ ရာအိမ်မှူးများ၊
အုပ်ချုပ်ရေးမှူးများကိုလည်းကောင်း၊
ကျောင်းသားမိဘများကိုလည်းကောင်း၊ ရပ်မိရပ်ဖများကိုလည်းကောင်း ရွေးချယ်ဖွဲ့စည်းနိုင်ခဲ့ပါတယ်။
မိဘဆရာများကို ဥက္ကဋ္ဌအဖြစ် ကျူရှင်ကျောင်းအုပ်ဆရာမကြီး ဒေါ်ဌေးဌေးမြင့်
(လက်ထောက်ပညာရေးမှူး-ငြိမ်း) အတွင်းရေးမှူးအဖြစ် ဘောဂဗေဒပြ ဆရာဦးအေးမြင့်နိုင်တို့ကို
ရွေးချယ်တင်မြှောက်ကာ နာယကအဖြစ် ပညာရေးကော်မတီဥက္ကဋ္ဌ ဆရာကြီးဦးမျိုးချစ်၊ ဗိုလ်မှူး
သူရရွှေလှ၊ ဆရာဦးဖြူဝင်းတို့ကို ရွေးချယ်ကာ သြဝါဒါစရိယအဖြစ် စာရေးသူနှင့် ဦးဣန္ဒက
(M.A)တို့ကို ရွေးချယ်တင်မြှောက်ပါတယ်။
ကျန်အုပ်ချုပ်ရေးမှူးများ၊ ကျောင်းသားမိဘများ၊ ရပ်မိရပ်ဖများကို
အဖွဲ့ဝင်အဖြစ် အတည်ပြုနိုင်ခဲ့ကြပါတယ်။
မိဘဆရာများအသင်းမှ မိဘများ ရပ်မိရပ်ဖများက ကျောင်းသူကျောင်းသားတွေနှင့်ပတ်သက်ပြီး
တိုးတက်ရာတိုးတက်ကြောင်း အကြံပြုကြပါတယ်။
ဆရာကြီးဦးမျိုးချစ်၊ ဆရာမကြီးဒေါ်ဌေးဌေးမြင့်၊ ဆရာတော်ဦးဣန္ဒကတို့က
ပြန်လည်ဆွေးနွေးခဲ့ကြပါတယ်။
No comments:
Post a Comment