“ဝိတ်တန်းမတူရင် အောက်လမ်းမသုံးပါနဲ့”

“ဝိတ်တန်းမတူရင် အောက်လမ်းမသုံးပါနဲ့”

======================

7.7.2018 ရက်နေ့၊ မနက် ၉း၃၀ နာရီ၊ အဋ္ဌသာလိနီစာဝါ ပို့ချနေပုံတွေကို Vice Japan သတင်းဌာနက လာရောက်မှတ်တမ်းတင်ပါတယ်။

စာရေးသူအကြောင်း၊ မန်း မဘသအကြောင်း၊ မဘသ(ဗဟို)အကြောင်း Documentary (မှတ်တမ်းတင်ရုပ်သံ)အတွက် လာရောက်ရိုက်ကူးတာပါ။

မြဝတီမင်းကြီးဆရာတော် အရှင်အရိယဝံသထံလည်း သွားရောက်မေးလျှောက်သေးတယ်လို့ သိရပါတယ်။

၎င်းဆရာတော်က သူ့ထုံစံအတိုင်း ကင်မရာရှေ့ရောက်ရင် သတင်းသမား နိုင်ငံရေးသမားတွေနဲ့တွေ့ရင် သမားဂုဏ်ပြတော့တာပါပဲ။

သူ့ကိုယ်သူ ဟီးရိုးကြီးပေါ့ဗျာ။ သူဟီးရိုးလုပ်တာက အရေးမကြီးဘူး အရေးကြီးတာက မဘသမကောင်းကြောင်း၊ ဝီရသူမကောင်းကြောင်း ပယ်ပယ်နယ်နယ် ပစ်ပစ်ခါခါ ပက်ပက်စက်စက် ပိုးစိုးပက်စက် နင့်နင့်သီးသီး အဖောင်းထုတော့တာပါပဲ။

ဒီသတင်းကို စာရေးသူပြန်ကြားတော့ ၎င်းသတင်းဌာကို ပြောလိုက်ပါတယ်။ ၎င်းဆရာတော်နှင့် စာရေးသူ ဒီဘိတ်လုပ်မယ် ၎င်းသတင်းဌာနမှ ထုတ်လွှင့်မယ် စာရေးသူက အဆင်သင့်ပဲ၊ ဆရာတော့်သဘောက ဘယ်လိုရှိလဲလို့ မေးခိုင်းလိုက်ပါတယ်။

၎င်းဆရာတော်က ဝိတ်တန်းမတူလို့ မလုပ်ရဲပါဘူးဗျာလို့ ပြန်ပြောကြောင်း ဂျပန်သတင်းဌာနက ပြန်လျှောက်လာပါတယ်။

မြဝတီမင်းကြီးဆရာတော်ပြောတာက ၎င်းကို ဥရောပတို့ အမေရိကတို့က ပင့်ကြဖိတ်ကြတယ်၊ ဝီရသူကို ပင့်မယ့်ဖိတ်မယ့်သူမရှိဘူး၊ ဒါကြောင့် ၎င်းက ဝိတ်တန်းမြင့်တယ်၊ ဝီရသူက ဝိတ်တန်းနိမ့်တယ်၊ ဝိတ်တန်းနိမ့်သူစိန်ခေါ်တာမို့ လက်မခံနိုင်ဘူးလို့ ဆိုလိုပြီး သူကရဇာတ်တော်လာ ခြင်္သေ့မင်းက ၎င်းကိုစိန်ခေါ်သူ မစင်လူးဝက်ကို အရှုံးပေးသလို ၎င်းကလည်း ဝီရသူကို မယှဉ်လိုဘူးလို့ ဆိုလိုတာပါ။

မြဝတီမင်းကြီးဆရာတော်ကိုပြောလိုတာက ကိုယ့်ထက် ဝိတ်တန်းနိမ့်တဲ့သူမို့ မယှဉ်ဘူးဆိုရင် သတင်းသမားတွေနဲ့တွေ့တဲ့အခါ နိုင်ငံရေးသမားတွေရှေ့ရောက်တဲ့အခါ စင်မြင့်ပေါ်မှာမိုက်ကိုင်ရတဲ့အခါ ဝီရသူအကြောင်းကို နည်းနည်းလေးမှ ထည့်မပြောမိဖို့ သတိပေးချင်တာပါ။ ဝီရသူကလည်း ကိုယ့်ထက် ဝိတ်တန်းနိမ့်တယ်လို့ ယူဆထားတဲ့သူတွေဆိုရင် နည်းနည်းလေးမှ အရေးမစိုက်ပါဘူး။ စကားအဖြစ်ကို မပြောတာ စ်ိတ်ကူးထဲတောင် မထည့်တာပါ။

တစ်ချို့က သံဃာတွေကို ထိုင်ဆဲနေလို့ ဘုန်းကံကြီးနေကြတာ၊ ထေရ်ကြီးဝါကြီး ဆရာတော်ကြီးတွေကို ထိုင်ပြစ်မှားနေလို့ လာဘ်ရွှင်နေကြတာ၊ မဘသကိုစော်ကားနေလို့ နိုင်ငံတကာအပင့်ဖိတ်ခံနေရတာ၊ မဘသနှင့် ဆန့်ကျင်ဘက်လုပ်နေလို့ ဆုတံဆိပ်တွေ ဆုငွေတွေ ရရှိနေကြတာ။ တကယ်တန်းကျတော့ ပရိယတ္တိဘက်မှာလည်း သဒ္ဒါသဂြိုဟ်တောင် ဘယ်ဆီနေမှန်းမသိတဲ့သူ၊ မေတ္တာသုတ်အဖွင့်တောင် လူပုဂ္ဂိုလ်အချို့လောက် မဖွင့်ဆိုတတ်တဲ့သူ၊ အသက်အရွယ်ကြည့်ပြန်တော့လည်း ကလေးသာသာ၊ ဆောင်ရွက်ချက်ကြည့်တော့လည်း ဘာတစ်ခုမှမရှိ၊ ဘာမှမတတ်လို့ ဝေဖန်လေကန် နိုင်ငံရေးလုပ်နေတဲ့ အမေခေါ်တတ်တာကလွဲလို့ သံဃာတွေကို ဆဲတတ်တာကလွဲလို့ နိုင်ငံရေးမှာ နကန်းလိုဖြစ်နေတဲ့ အချို့သောအရိုင်းအစိုင်း အကြမ်းပတမ်းလေးတွေကို တွေ့ရပါတယ်။

စာရေးသူက သူတို့တွေအပေါ် နည်းနည်းလေးမှ ဂရုမစိုက်ဘူးဗျ။ အဲဒီလိုပဲ မြဝတီမင်းကြီးက စာရေးသူအပေါ် သူ့လောက် ဝိတ်တန်းမမြင့်ဘူးထင်ရင် စာရေးသူနှင့်ပတ်သက်ပြီး တစ်ခွန်းတစ်ပါဒလေးတောင် မဟမိပါစေနဲ့လို့ သတိပေးချင်တာပါ။

မြဝတီမင်းကြီးနှင့် စာရေးသူ ဒီဘိတ်လုပ်ဖြစ်တဲ့အခါ မြဝတီမင်းကြီးက ပုဂ္ဂိုလ်ရေးရာအားနည်းချက်တွေ ဖွင့်ချလိမ့်မယ်လို့ တစ်ဖက်သတ်တွက်ချက်ပြီး ဒီဘိတ်မလုပ်ရဲတာလည်း ဖြစ်နိုင်ပါတယ်။

စာရေးသူက မြဝတီမင်းကြီးနှင့် ဒီဘ်ိတ်လုပ်တဲ့အခါ ပုဂ္ဂိုလ်ရေးတွေ ထည့်ဆွေးနွေးနေမှာမဟုတ်ပါဘူး။ မူဝါဒချင်းသာ ရင်ဆိုင်ယှဉ်ပြိုင်မှာဖြစ်ပါတယ်။ သူ့ကိုယ်သူ အိုးမလုံအုံပွင့်ပြီး မယှဉ်ပြိုင်ရဲတာတော့ မတတ်နိုင်ဘူးပေါ့ဗျာ။

နိုင်ငံရေးဘုန်းကြီးတွေက သမဂ္ဂစိတ်မရှိကြပေမယ့် စာရေးသူကတော့ သမဂ္ဂစ်ိတ်အပြည့်အဝရှိတယ်ဗျ။

ဒါကြောင့် နိုင်ငံရေးဘုန်းကြီးတစ်ပါး ပထမမှုနှင့်ဖြစ်စေ အခြားဒုစရိုက်အမှုတစ်ခုခုနှင့်ဖြစ်စေ ငြိစွန်းလို့ အတိုင်အတန်းခံရရင်တောင်မှ တတ်နိုင်သလောက် အကြံဉာဏ်ပေးတာတွေ၊ ကူညီစောင့်ရှောက်တာတွေ လုပ်ပါတယ်ဗျာ။

အခုတလော လိုင်းပေါ်မှာ မာတုဂါမကိစ္စနဲ့ နာမည်ကြီးနေတဲ့ Ph.D ဆရာတော်လေးတစ်ပါးဆိုရင် စာရေးသူကိုလည်း စော်ကား၊ သီတဂူဆရာတော်ကြီးကိုလည်း ပြစ်မှား၊ မဘသတို့ အမျိုးသားရေးသမားတို့ဆိုရင် ရစရာမရှိအောင် ပယ်ပယ်နယ်နယ် ရေးသားခဲ့တဲ့သူပါ။ သူအခက်အခဲတွေ့လာတော့ စာရေးသူထံ အကြံဉာဏ်တောင်းပါတယ်။ စာရေးသူလည်း သမဂ္ဂစိတ်အပြည့်နဲ့ အကူအညီ အကြံဉာဏ် အပြည့်အဝပေးပါတယ်။

မြဝတီဘုန်းကြီးအပါအဝင် နိုင်ငံရေးဘုန်းကြီးအားလုံး သိစေဖို့ပါ။

မြဝတီဘုန်းကြီးက ဒီဘိတ်မလုပ်လို့ ငါတို့နဲ့လုပ်မယ်ဆိုရင်လည်း ဝီရသူက အချိန်မရွေး နေရာမရွေးပါပဲ။

ကြိုက်တဲ့ကွင်းကို ချိန်းလိုက်ပါ။

ဝိတ်တန်းတော့ တူပါစေ။

သူငယ်နပ်စားလေးတွေဆိုရင်တော့ တာ့တာပဲ။

ဝီရသူ (မစိုးရိမ်)

14.7.2018