“ဒုတိယဆုရ ရိုးရာ(ဂန္ထဝင်)ကဗျာ”
==================
ကဗျာအမည် - ရွာပြင်ထုတ်လည်း လှုပ်နှိုးမည်
ကဗျာဆရာ - ဒီဒီ (ရွှေခြံသား)
ရမှတ် - (၃၃)မှတ်
-----------------------------------------
“ရွာပြင်ထုတ်လည်း လှုပ်နှိုးမည်”
တို့ပြည်တို့တိုင်း
တို့သမိုင်း
မှိုင်းမှိုင်းမှုန်ရီ ညှိုခြေပြီ။
တို့ပြည်တို့နယ်
တို့ကာကွယ်
မကယ် “မ”တည် တိုးနေပြီ။
တို့ပြည်တို့မျိုး
တို့စည်းရိုး
ရိုက်ချိုးတပ်ချီ ကျိုးကျေပြီ။
တို့ပြည်တို့ရွာ
တို့မြန်မာ
ဝိုင်းညာပလီ ခိုးနေပြီ။
တို့ပြည်တို့သွေး
တို့ကလေး
ယဉ်ကျေးသွေဖီ ဆိုးပေပြီ။
တို့ပြည်တို့ချင်း
တို့သွေးရင်း
ရိုင်းပင်းမညီ မျိုးသေပြီ။
ခြေနေမရိုး၊ အမျိုးမျိုးလည်း၊
ဦးကျိုးမွကျေ၊ အရှုံးမြေကို၊
ပေးဝေခါသုံး၊ သူ့အပြုံးနှင့်၊
နှလုံးမေတ္တာ၊ စေတနာတို့၊
သဒ္ဓါဖွေးဖွေး၊ အသက်ပေးလျက်၊
သွေးစက်ချကာ၊ သာသနာသို့၊
ခန္ဓာအပ်နှင်း၊ အမှောင်ခွင်း၍၊
မကြွင်းလှူလိုက်ပြီ။
အခြေနေဆိုး၊ မယားခိုးနှင့်၊
မကိုးဘာသာ၊ တို့မြန်မာ၌၊
မိစ္ဆာတစ်သင်း၊ လူသိမ်ဖျင်းတို့၊
သိမ်းသွင်းမြေလူ၊ စီးပွားထူ၍၊
လုယူသားဖောက်၊ နိုင်ငံပျောက်အောင်၊
ခြိမ်းခြောက်တစ္ဆေ၊ ကျွန်သန္ဓေဟု၊
နေပမာလင်း၊ အမြင်ထင်းဖို့၊
အရှင်းပြလိုက်ပြီ။
အသရေပျိုး၊ တို့ကိုနှိုးလျက်၊
တိုးတိုးပဲ့ပြင်၊ သင်ဘုရင်ဟု၊
သခင်စိတ်မွေး၊ ထီးနန်းပေးသည့်၊
ရင်းသွေးမြန်မာ၊ ရှင်သန်လာအောင်၊
ပမာအထူး၊ ဥယျာဉ်မှူးသို့၊
စိတ်ကူးပုံဖော်၊ ရှေ့ရေးမျှော်၍၊
လူတော်ပုံသွင်း၊ ရှေ့ရှေ့မင်းသို့၊
သူထွင်းထုလိုက်ပြီ။
ဒီဒီ (ရွှေခြံသား)
No comments:
Post a Comment