“ပြိုင်ပွဲဝင်ကဗျာများ (၉)”
==============
“သခင်သိစေချင်”
တန်ခိုးကြွယ် မြန်မာတိုင်းမှာတော့
အငြိုးတွယ် ကညာခိုင်းလေသမျှ
အကျိုးဖယ် အညာလှိုင်းတွေကြောင့်
အမျိုးငယ် ကြမ္မာရိုင်းရချည့်
ဆရာမှိုင်းရှိရင် ငိုလိမ့်မယ်…။
ရှေးအတီ တွေးရည်ထောက်ပြန်တော့
မနှေးချီ ဆေးမီသလောက်ကိုလ
သွေးနီတောက်ပါလို့  ရဲကြတယ်…။
ဟိုယခင် သဘောက်ကျွန်ရှားပေမယ့်
အပိုထွင် အနောက်မွှန်စကားတွေကြောင့်
လောက်အလွန်များပါတဲ့ ဒီအခါ
ပြည်မြန်မာရယ်တဲ့ ဖြစ်ပုံဆန်း…။
မိုက်လမ်း တယူသန်နှင့်
မူမမှန် အာဏာမက်တွေကြောင့်
ဘူတဂါမ် ဘာသာပျက်ရချည့်
ရတတ်ကြွ ကျောမွဲတွေအဖြစ်ကိုလေ
သခင်တို့ ရေ…ထကြည်ကြစမ်း…။
နန်းနတ်နေနွယ်နိုင်
No comments:
Post a Comment