“ကျောက်ချောရွာကျူရှင်ကျောင်းအတွက် ကြိုတင်ပြင်ဆင်နေပုံ”
============================
နယုန်လပြည့်ကျော် (၆)ရက်၊ 4.6.2018 ညနေ ၄း၃၀ နာရီ၊ မန္တလေးမြို့၊
ပုသိမ်ကြီးမြို့နယ်၊ ကျောက်ချောကျေးရွာသို့ ရောက်ရှိခဲ့ပါတယ်။
ကျူရှင်ကျောင်းအတွက် စာသင်ခုံများပြုလုပ်ပြီးပါပြီ။ ဆက်လက်ဆေးသုတ်နေကြပါတယ်။
မန်းမဟော်သဓာ အခမဲ့အမျိုးသားရေးကိုယ်ပိုင်အထက်တန်းကျောင်းတော်ကြီးဝင်းအတွင်းမှာ
မြေညှိနေပါပြီ။ သရက်၊ ပိန်းန္နဲ၊ သံပုရာ၊ ငှက်ပျော စတဲ့သီပင်းစားပင်များလည်း စိုက်ပျိုးပြီးပါပြီ။
နယုန်လပြည့်နေ့တုန်းက မျိုးချစ်သမဂ္ဂ(မန္တလေး)နှင့် ကျောက်ဆည် မဘသ
အဖွဲ့ သစ်ပင်စိုက်ပျိုးရေးအဖွဲ့တို့ ဦးစီးစိုက်ပျိုးကြတာပါ။ မကြာခင် ၂၀၁၈-၂၀၁၉ ပညာသင်နှစ်အတွက်
၉ တန်း ၁၀ တန်း ကျူရှင်ကျောင်းများ စတင်ဖွင့်လှစ်ပါတော့မယ်။
၁၀ တန်း Rpeater တန်းများ လာရောက်စာရင်းပေးသွင်းနေကြပါပြီ။ ဆရာ
ဆရာမများလည်း ပြည့်စုံနေပါပြီ။ ကျူရှင်ကျောင်းဆောင်လည်း ပြီးစီးပါတော့မယ်။
မဟော်သဓာအတွက် စာသင်ကျောင်းဆောင် လေးထပ်ဆောင်ကြီးလည်း မကြာမီ စတင်ဆောက်လုပ်ပါတော့မယ်။
ဝန်ကြီးချုပ်အမိန့် ကျသည်ဖြစ်စေ မကျသည်ဖြစ်စေ အဆောက်အဦးဆောက်လုပ်ခွင့်ရှိသော မြေအမျိုးအစားဖြစ်သောကြောင့်လည်းကောင်း၊
သပိတ်စခန်း သူပုန်စခန်းမဟုတ်ဘဲ တိုင်းပြည်အနာဂတ် မျိုးဆက်လေးများရဲ့
မီခိုအားထားရာ ပညာသင်ကျောင်းကြီးဆောက်လုပ်မှာဖြစ်သောကြောင့်လည်းကောင်း၊
ဒုစရိုက်လုပ်ငန်းမဟုတ်ဘဲ ပညာပါရမီကုသိုလ်လုပ်ငန်းဖြစ်သောကြောင့်လည်းကောင်း၊
ထောက်ခံစာအဆင့်ဆင့် ရရှိထားပြီးဖြစ်သောကြောင့်လည်းကောင်း၊ ဝန်ကြီးချုပ်ထံလည်း
နှစ်ကာလ ကြာမြင့်စွာ အကြိမ်ကြိမ်တင်ပြထားပြီးဖြစ်သောကြောင့်လည်းကောင်း မန်း မဟော်သဓာကျောင်းတော်ကြီးကို
လာမည့်ဘေး ပြေးတွေ့ကာ စတင်ဆောက်လုပ်တော့မည်ဖြစ်ကြောင်း သတင်းကောင်းပါးအပ်ပါတယ်။
No comments:
Post a Comment