“မင်းကွန်း
တိ/နိ ညီတော်များနှင့်အတူ”
======================
20.2.2018
မွန်းလွဲပိုင်းမှာ မန္တလေး ပုသိမ်ကြီးမြို့နယ် ရွှေစာရံအုပ်စု ကျောက်ချောကျေးရွာရှိ မန်း
မဟော်မြေကွက်သို့ ရောက်ရှိပါတယ်။
မင်းကွန်း
တိ/နိ ဆရာတော်လေးများ အလှူငွေ လာရောက်လှူဒါန်းကြလို့ပါပဲ။
စာရေးသူတို့မရောက်ခင်
မြေကွက်နှစ်ခုလုံး လိုက်လံကြည့်ရှုကြတယ်လို့ သိရပါတယ်။
ပြင်ဦးလွင်တောင်ခြေရှိ
မဟော်သဓာမြေကွက်ထဲက သရက်ပင်ကြီးအောက်မှာ လေညှင်းလေးခံပြီး အေးအေးဆေးဆေး ရှိလှတာကို
သဘောကျနေကြပါတယ်။
ကွပ်ပျစ်ကလေးလုပ်ထားတော့
နားနားနေနေ အပန်းဖြေလို့ရတာပေါ့။
ရှင်းလင်းဆောင်လေးမှာ
အလှူငွေ ပေးအပ်ကြပါတယ်။
အလှူငွေပေးအပြီးမှာ
ညီတော်မောင်များနှင့် ကြုံတုံးကြုံခိုက် သာသနာရေးများ ဆွေးနွေးကြပါတယ်။
လာရောက်လှူဒါန်းကြတဲ့
ဆရာတော်လေးတွေထဲမှာ နှစ်ပုံအောင်ပြီး အဘိဓမ္မာရှေ့ပိုင်း အာဂုံအောင်ထားသူတွေ နှစ်ပုံပြီးသူတွေ
တစ်ပုံပြီးသူတွေ တစ်ပုံအာဂုံဆောင်သူတွေလည်း ပါပါတယ်။
နာမည်ကြီး
အရှင်ခေမိန္ဒ မင်းကွန်း တိ/နိ၊ အရှင်ပညိန္ဒ မင်းကွန်း ဖေ့ဘုတ်အကောင့်ပိုင်ရှင် ဆရာတော်လေးတွေလည်း
ပါပါတယ်။
အဲဒီအထဲမှာ
နှစ်ပုံအောင်ပြီးသူ အရှင်နရိန္ဒကတော့ စာရေးသူရဲ့ ဓမ္မသဟာယကျောင်းမှာ ဓမ္မာစရိယအောင်သွားသူ
ကိုရင်ဘဝကတည်းက စာရေးသူကျောင်းမှာ ပညာသင်ယူသွားသူ တပည့်လေး ဖြစ်ပါတယ်။
အနာဂတ် အမျိုးဘာသာ
သာသနာအတွက်တော့ အားတက်စရာတွေပါပဲ။
မင်းကွန်း
တိ/နိ ညီတော်မောင်လေးများ ကျေးဇူးပါ။
အောင်ပွဲအလီလီ
ဆွတ်ခူးနိုင်ကြပါစေ။
မင်းကွန်းဆရာတော်ကြီးလို
သာသနာအကျိုး သယ်ပိုးနိုင်ကြပါစေ။
No comments:
Post a Comment