"ပညာရေးကို အင်မတန်လိုလားတဲ့ ကျောင်းသားတွေကို ကျောင်းထုတ်လိုက်ခြင်းကြောင့် ဒီမိုကရေစီအစိုးရကြီး ဘာများ အကျိုးရှိသွားသလဲ (အပိုင်း-၂-နိဂုံး)"

"ပညာရေးကို အင်မတန်လိုလားတဲ့ ကျောင်းသားတွေကို ကျောင်းထုတ်လိုက်ခြင်းကြောင့် ဒီမိုကရေစီအစိုးရကြီး ဘာများ အကျိုးရှိသွားသလဲ (အပိုင်း-၂-နိဂုံး)"

========================================================

(ဆရာတော်ဦးဝီရသူနှင့် မေးသမျှ ဖြေသမျှ)

မေး- နောက်တစ်ခုကတော့ ပညာရေးအသုံးစရိတ်တိုးမြှင့်ဖို့ ဆန္ဒပြတောင်းဆိုတဲ့ကျောင်းသားတွေကို ကျောင်းထုတ်တဲ့ကိစ္စပေါ့ဘုရား။

ပါမောက္ခချုပ်ဦးမောင်မောင်နိုင်ကတော့ သင်တန်းကနေရပ်စဲတယ်လို့ သုံးပါတယ်ဘုရား။ ဒါပေမယ့် ဒါကိုပဲ တစ်ဖက်မှာတော့ ကျောင်းထုတ်တယ်လို့ပဲ ပြောကြတယ်ပေါ့ဘုရား။

အဲဒီအပေါ်မှာ ဘယ်လိုသုံးသပ်ချင်လဲ။

ဖြေ - တကယ်တမ်းကျတော့ ရည်ရွယ်ချက်ကောင်းတယ်လေ။ ဒါပေမယ့် ကျောင်းသားတွေက ကိုယ့်အလုပ်မဟုတ်ဘူး။ ကျောင်းသားဆိုတာ စာကြိုးစားဖို့ပဲလေ။ ဘတ်ဂျတ်တွေတိုးမြှင့်ပေးဖို့တို့၊ အသုံစရိတ်ကိစ္စတို့၊ ဒါတွေက မိဘပြည်သူတွေ လုပ်ရမယ့် အလုပ်တွေပါ။

မိဘသပြည်သူတွေ တောင်းဆိုပေးရမယ့်အရေးကို သူတို့တွေက တောင်းဆိုလိုက်တဲ့အတွက်ကြောင့် သူတို့တတွေ ပညာရေးထိခိုက်သွားတာပါ။

ကျောင်းသားတွေကို ပြောချင်တာက တိုင်းပြည်ကောင်းစားစေချင်ရင် စာကြိုးစားကြပါ။ ကိုလိုနီခေတ်တုန်းက ကျောင်းသားသပိတ်ဆိုတာ မှန်တယ်၊ မဖြစ်မနေလုပ်ကို လုပ်ရမှာ။ ဒီကနေ့ခေတ်က ကိုလိုနီခေတ်ကလို ကျွန်ပညာရေးမဟုတ်တော့ဘူး။ အဲတော့ မိမိလူကြီးဖြစ်လာတဲ့အခါကျမှ ဒီစနစ်တွေကို မိမိတို့ ကြိုက်သလိုပြုပြင်ပြောင်းလဲလို့လည်းရတယ်။ အဲဒီထိမစောင့်နိုင်ဘူးဆိုရင်လည်း မိဘပြည်သူတွေလုပ်လာအောင် ကိုယ်က စည်းရုံးတဲ့အဆင့်ပဲ လုပ်ရမယ်။

ပညာရေးကိုပဲ အဓိကထားပါ။ ပညာရေးစနစ်၊ ဘတ်ဂျတ်တွေ၊ အသုံးစရိတ်တွေ၊ ဒါတွေဟာကျောင်းသားတွေအတွက် အရေးကြီးလုပ်ငန်းမဟုတ်ဘူးလို့ ပြောရမှာပါ။

ကျောင်းထုတ်လိုက်တဲ့ကိစ္စအပေါ်မှာတော့ စိတ်မကောင်းပါဘူး။ ဘာကြောင့်လဲဆိုရင် ပညာရေးကို တကယ်လိုလားလို့သာ ဒီလိုသပိတ်မှောက်တဲ့အဆင့်ထိ သူတို့ စွန့်စားခဲ့ကြတာလေ။ အဲတော့ ပညာရေးကို အင်မတန်လိုလားတဲ့ ကျောင်းသားတွေကို ကျောင်းထုတ်လိုက်တာဟာ ဒီမိုကရေစီလားလို့ မေးချင်တယ်။

ပညာရေးကို အင်မတန်လိုလားတဲ့ကျောင်းသားတွေကို ကျောင်းထုတ်လိုက်ခြင်းကြောင့် ဒီမိုကရေစီအစိုးရကြီး ဘာများ အကျိုးရှိသွားသလဲ။

လူငယ်ဆိုတာတွေ၊ နိုင်ငံရေးဆိုတာတွေဟာ နိုင်ငံအာဏာနဲ့ မိမိရဲ့အတ္တကို မထိပါးတဲ့အချိန်မှာပဲ ပြောကောင်းတဲ့စကားတွေလားလို့ မေးချင်တာပေါ့နော်။

မေး- ကျောင်းသားတွေကျောင်းထုတ်တာဟာ အရင့်အရင် အာဏာရှင်တွေရဲ့ လုပ်နည်းလုပ်ဟန်ပဲလို့ ဝေဖန်ကြတာတွေလည်းရှိပါတယ်ဘုရား။

ဒေါက်တာအေးမောင်တို့ဖမ်းတဲ့ကိစ္စတွေမှာလည်း စိတ်ပျက်လက်ပျက်ဖြစ်ကြသူတွေ ရှိတယ်ပေါ့။ အာဏာရှင်နည်းနည်းများ ဆန်လာသလားဆိုတဲ့ မေးခွန်ကို လူတွေ၊ အထူးသဖြင့် နိုင်ငံရေးနဲ့နီးတဲ့သူတွေ၊ စိတ်ဝင်စားတဲ့သူတွေက စပြောလာပြီပေါ့ဘုရား။ အာဏာရှင်ဆန်လာတယ်လို့

လူပြောများလာတဲ့အပေါ်မှာ ဘာများသုံးသပ်ချင်ပါသလဲဘုရား။

ဖြေ- သူတို့ပြောတာ နောက်ကျတာပေါ့နော်။ ပါတီအတိုက်အခံကာလကတည်းကိုက NLD ပါတီမှာ၊ ပါတီတွင်း ဒီမိုကရေစီမရှိဘူးလို့ ဦးဇင်းက အရင်ဦးဆုံးထောက်ပြခဲ့တာလေ။ သူက တိုင်းပြည်ကို အုပ်ချုပ်နိုင်ပါ့မလားလို့ အရင်ဦးဆုံး မေးခွန်းထုတ်ခဲ့တာ ဦးဇင်းပဲလေ။

ဒေါ်အောင်ဆန်းစုကြည်ရဲ့ လက်ထက်မှာ မြန့်မာနိုင်ငံရေးအခင်းအကျင်းဟာ နေရာစုံက ထပွက်နေတာမျိုးတွေ ကြုံရနိုင်တယ်လို့ ဟောကိန်းထုတ်ခဲ့တာလည်း ဦးဇင်းပဲလေ။

အဲဒီတော့ နောက်ဆုံး ဦးဇင်းတို့ မဘသကို ဖြိုခွင်းဖို့ လုပ်လာတဲ့အချိန်မှာလည်း ဦးဇင်းတို့က ကြေညာချက်တွေထုတ်ပြီးတော့ အမျိုးသမီးအာဏာရှင်အစိုးရလို့တောင် ကင်ပွန်းတပ်ပေးခဲ့ပါသေးတယ်။ ဒါကြောင့် ပြည်သူတွေ ဒီအစိုးရကို အာဏာရှင်လို့မြင်တာ နောက်ကျပါတယ်လို့။

ပြီးတော့ ပြည်သူတွေ ဒီလောက်လေးမြင်တာ အားမရသေးပါဘူး။ ဒီထက်ပိုပြီးမြင်အောင် သေချာကြည့်ကြပါလို့လည်း တိုက်တွန်းချင်ပါတယ်။ နောက်ပြီးတော့ ဒေါ်အောင်ဆန်းစုကြည်ရဲ့စကားနဲ့ပြောရရင် ပြည်သူတွေကိုပဲ အားကိုးရမှာပါလို့။

မေး- ဆရာတော်ဦးပါမောက္ခက ထောင်ထဲမှာ သင်္ကန်းဝတ်ခွင့်ရဖို့ တောင်းဆိုနေတာတွေ တွေ့ရပါတယ်။ အဲဒါနဲ့ပတ်သက်လို့ရော ဘာများပြောစရာရှိမလဲဘုရား။

ဖြေ- အင်္ဂလိပ်ခေတ်မှာလည်း သံဃာတွေ ထောင်ထဲမှာ သင်္ကန်းဝတ်ခွင့်ရခဲ့တယ်၊ ဖဆပလခေတ်မှာလည်း သံဃာတွေ ထောင်ထဲမှာ သင်္ကန်းဝတ်ခွင့်ရခဲ့တယ်။ မဆလခေတ်မှာလည်း သံဃာတွေ ထောင်ထဲမှာ သင်္ကန်းဝတ်ခွင့်ရခဲ့တယ်။ ဗိုလ်ချုပ်အောင်ဆန်းသမီး ဒေါ်အောင်ဆန်းစုကြည်ဦးဆောင်တဲ့ အရပ်သားဒီမိုကရေစီ ပြည်သူ့အစိုးရလက်ထက်မှာ သင်္ကန်းဝတ်ခွင့် မရတာ ရင်နာစရာကောင်းတယ်ဗျာ။

နောင်တော်ကြီးဦးပါမောက္ခရဲ့ ရှေ့နေဦးအောင်သူရိန်ထွန်း ထောက်ပြတဲ့အချက်တွေကတော့ ၂၀၁၃ ခုနှစ် နိုင်ငံတော်သံဃမဟာနာယကအဖွဲ့ ၄၇ပါးစုံညီ ဒုတိယအစည်းအဝေးဆုံးဖြတ်ချက် ပုဒ်မ ၁၁(ဃ)အရ အမှုရင်ဆိုင်စဉ်မှာ သင်္ကန်းဝတ်ခွင့်ရှိခြင်း၊ ၁၈၉၄ ခုနှစ် အခြေခံအက်ဥပဒေနှင့် အကျဉ်းထောင်လက်စွဲ ဥပဒေ ၁၀၄၆ တို့အရ သင်္ကန်းဝတ်ခွင့် ပြုထားခြင်းတို့ကြောင့် တရားသူကြီးထံ သင်္ကန်းဝတ်ခွင့် လျှောက်ထားတာကို တရားသူကြီးက ပယ်ချလိုက်တာဟာ Rule Of Law - ဥပဒေအခွင့်အရေး ဘယ်မှာလဲ ဆိုတာပါပဲ။

နောက်ပြီးတော့ပုဒ်မ ၅၀၅(ခ)ဟာ ရဲအရေးမပိုင်လို့ တရားရုံးဦးတိုက်လျှောက်ထားရတဲ့ပုဒ်မဖြစ်သလို ဦးပါမောက္ခကို ဦးတိုက်လျှောက်ထားသူကိုယ်တိုင်က သူ့လက်မှတ်မဟုတ်ပါဘူးလို့ ထွက်ဆိုထားပါလျက် အာမခံမပေးဘဲ ချုပ်နှောင်ထားတာတွေဟာလည်း စမက ပုဒ်မတွေပါပဲ။

မေး- တစ်ဆက်တည်းမေးစရာရှိတာက ကိုကျော်မျိုးရွှေရဲ့ အမှုသွား အမှုလာ အခြေအနေ ဘယ်လိုရှိပါသလဲဘုရား။ ကျန်းမာရေးမကောင်းပေမယ့် အာမခံမရဘူးလို့ပဲ တပည့်တော်တို့က သိထားတာဆိုတော့။ အဲဒါလေးလည်း ပြောပေးပါဦးဘုရား။

ဖြေ- ကိုကျော်မျိုးရွှေဟာ သပိတ်စခန်းနဲ့ လုံးဝမပတ်သက်ပါဘူး။ ဦးဆောင်သူလည်းမဟုတ်၊ သတင်းပြန်ကြားသူ လည်းမဟုတ်၊ ထိုင်သပိတ်လည်းမလုပ်၊ ကြေညာချက်လည်းမထုတ်၊ ကြွေးကြော်သံလည်းမတိုင်၊ ဗီနိုင်းလည်းမကိုင်၊ လက်ကမ်းစာစောင်လည်းမဖြန့်၊ ဘယ်ဆို ဘယ်နေရာမှာမှ မပါခဲ့တဲ့သူပါ။

ဦးဇင်းတွေကို ပုဂ္ဂိုလ်ရေးအရ ခင်မင်ရင်းနှီးလို့ သွားရောက် အားပေးခဲ့တာလေးပဲ ရှိပါတယ်။ ဒါပေမဲ့ ကိုကျော်မျိုးရွှေတရားလိုလုပ်တိုင်ကြားထားတဲ့ ဆက်သွယ်ရေးဥပဒေပုဒ်မ အရေးရှိတာကြောင့် စမကနဲ့ပဲ ဖမ်းချုပ်လိုက်ကြတာပါ။

ဖမ်းချုပ်ပြီးတဲ့နောက်ပိုင်းမှာလည်း ဆရာဝန်၊ တရားသူကြီး၊ အာဏာပိုင်၊ အာဏာရပါတီတို့ ပေါင်းပြီး အာမခံမပေးဘဲ မသေမချင်း ညှဉ်းဆဲနေကြတဲ့သဘောပါ။

မေး- အရှင်ဘုရား ဖြည့်စွက်ပြောချင်တာရှိရင် ပြောပေးပါဦးဘုရား။

ဖြေ- အားနက်ဟဲမင်းဝေးရဲ့ ကဗျာတစ်ပုဒ်ကို အိုးဝေညိုမြ ဘာသာပြန်ထားတဲ့ ကဗျာလေးထဲက စာသားလေးကို သတိရမိတယ်။

ငါ၏ဦးခေါင်းသည် သွေးချင်းချင်းနီပါစေ ငါကား ဦးမညွတ်တဲ့။

တရားပွဲအပိတ်ခံရတာတွေ ဖေးဘုတ်အပိတ်ခံရတာတွေ နေရာတကာမှာ လိုက်လံနှောက်ယှက်ခံရတာတွေ ကြောင့် စိတ်ပျက် အားငယ် လက်လျှော့ သွားလိမ့်မယ်လို့တော့ မထင်ပါနဲ့။

နောင်တစ်ချိန်မှာ တစ်နိုင်ငံလုံးအတိုင်းအတာနဲ့ ဦးဝီရသူကို ဝန်ချတောင်းပန်ပွဲကြီး ပြုလုပ်လာကြမှာကိုပဲ ကြိုမြင်နေမိတယ်။

ဘာကြောင့်လဲဆိုရင် အစိုးရအသုံးမကျလေ ပြည်သူတွေက ဝီရသူကို သတိရလေ ပုံစံမျိုး ဖြစ်လာတော့မှာ မို့လို့ပါပဲ။

ငြိမ်းချမ်းသာ-ဆက်သွယ်မေးမြန်းသည်။