“မာလကာခြံ
နဂါးနီစုဘူးအသင်း ငွေပေးပွဲ”
=========================
အမျိုးသားရေးဝါဒီဆရာတော်
ဦးဝီရသူတည်ထောင်သော မန္တလေးမြို့၊ မဟာအောင်မြေမြို့နယ်၊ မာလကာခြံရပ်ကွက်မှာရှိတဲ့ နဂါးနီစုဘူး
အမှတ်(၂) စုဘူးငွေထုတ်ပေးပွဲဖြစ်ပါတယ်။
ဒီကနေ့ (၂၄.၂.၂ဝ၁၈)
မွန်းလွဲ(၂း၀၀)နာရီ မာလကာခြံရပ်ကွက် ပြည်လုံးအံ့ဓမ္မာရုံမှာ ကျင်းပတာပါ။
နဂါးနီစုဘူးအသင်း
နာယက အရှင်ဇဝန၊ ဥက္ကဋ္ဌ ဒေါ်ကြည်ကြည်မာ တို့ တက်ရောက်ကြပြီး နာယကဆရာတော် အရှင်ဇဝန က သြဝါဒချီးမြှင့်ပါတယ်။
နှစ်သိန်းတန်း
အသင်းဝင် (၇၀)ဦး တစ်ဦးလျှင် နှစ်သိန်းကျပ်စီနှင့် တစ်သိန်းတန်း(၂၀)ဦး တစ်ဦးလျှင်
တစ်သိန်းကျပ်စီ ထုတ်ပေးခဲ့ပါတယ်။
ဆရာတော်ဦးဝီရသူတည်ထောင်ခဲ့တဲ့
စုဘူးများအနက် မာလကာခြံရပ်ကွက်နဂါးနီစုဘူးအသင်းဟာ ဒုတိယမြောက် အမှတ်(၂)စုဘူးဖြစ်ပြီး
(၁၇.၁ဝ.၂ဝ၁၃)ရက်နေ့မှာ တည်ထောင်ပေးခဲ့ပါတယ်။
ယခုအခါ အသင်းဝင်(၉၀)ဦးရှိပြီး
နှစ်သိန်းတန်း(၇၀)ဦး၊ တစ်သိန်းတန်း(၂၀)ဦး ဖြစ်ပါတယ်။
ရည်ရွယ်ချက်
နဂါးနီစုဘူးအသင်းများကို
ဆင်းရဲသားပြည်သူများသက်သာချောင်ချိရေး၊ ကိုယ်ကျင့်တရားတိုးတက်မြင့်မားရေး၊ ကြီးပွားလိုစိတ်
အောင်မြင်လိုစိတ်များ ရှင်သန်လာစေရေးတို့အတွက် ရည်မှန်း၍ ဆရာတော်ဦးဝီရသူမှ တရားပွဲများမှရရှိခဲ့သော
ဓမ္မပူဇာများဖြင့် မ-တည်ကာ တည်ထောင်ထားခြင်းဖြစ်ပါတယ်။
ငွေချေးစနစ်
နဂါးနီစုဘူးအသင်း၏
ငွေချေးမှုစနစ်မှာ (၅)ကျပ်တိုးဖြစ်ပြီး (၅)သောင်းကျပ်အတွက် တစ်ရက်လျှင် တစ်ထောင်နှုန်းစုရပါတယ်။
အတိုး(၅)ကျပ်ထဲမှ (၂)ကျပ်ကို အသင်းဝင်များအတွက် ကျန်းမာရေးစောင့်ရှောက်မှုရန်ပုံငွေ၊
(၃)ကျပ်ကို အသင်းဝင်သစ်များတိုးချဲ့လက်ခံရန်နှင့် ချေးငွေများ တိုးမြင့်ချေးပေးနိုင်ရန်
ပြန်လည်သုံးစွဲပါတယ်။
ဆရာတော်ဦးဝီရသူတည်ထောင်ဖွင့်လှစ်ပေးတဲ့
နဂါးနီစုဘူးပေါင်း (၇)ခုရှိပြီး ဆင်းရဲသားပြည်သူများအတွက် အဆက်မပြတ် စနစ်တကျ လည်ပတ်အကျိုးပြုလျက်ရှိပါတယ်။
ဝီရခေမိန်
(နဂါးနီစုဘူးသတင်းထောက်)
“နဂါးနီစုဘူး
ဆောင်ပုဒ်”
အတိုးပေါ်
အတိုးဆင့်၊ အတိုးနင့်ဒုက္ခတွေ။
ဘဝတစ်ခုလုံး၊
လူညွန့်တုံး၊ လူဖြစ်ရှုံးမှုတွေ။
ပျောက်ပါစေ
ရည်စူးပြီး၊ စုဘူးကြီး တည်ထောင်ပေ။
သောက်စား
ပျော်ပါး လောင်းကစား အားလုံးရှောင်ကြဉ်လေ။
ရိုးရိုးသားသား၊
နိုးနိုးကြား၊ ကြိုးစားစုကြလေ။
အိုးမဲ့ အိမ်မဲ့၊
အခြေနေမဲ့၊ ကဲ့ရဲ့လွတ်ကြစေ။
ရခဲရကြ လူ့ဘဝ၊
အရတော်ကြစေ။
လူတစ်လုံး
သူတစ်လုံး၊ အပီပြင်ဆုံး၊ ရုပ်လုံးဖော်ကြစေ။
(ဝီရသူ-မစိုးရိမ်)
No comments:
Post a Comment