“ပေးဆပ်ဖို့သက်သက်နဲ့ အမျိုးသားရေးလုပ်နေတဲ့ ရဟန်းတစ်ပါး (အပိုင်း-၁)”

“ပေးဆပ်ဖို့သက်သက်နဲ့ အမျိုးသားရေးလုပ်နေတဲ့ ရဟန်းတစ်ပါး (အပိုင်း-၁)”

===========================================

(ဆရာတော်ဦးဝီရသူနဲ့ မေးသမျှ ဖြေသမျှ)

မေး- နယူးယောက်တိုင်မ်းသတင်းစာရဲ့ ဘန်ကောက်အခြေစိုက် အရှေ့တောင်အာရှဗျူ ရိုအကြီးအကဲတစ်ဦးဖြစ်တဲ့ ဟန်နာဘိခ်ျက ဘင်္ဂါလီဒုက္ခသည်စခန်းက ဒုက္ခသည်ပြောသမျှ အဖြစ်အပျက်တွေအားလုံးဟာ အမှန်တွေမဟုတ်ဘူးဆိုပြီး ဖွင့်ချဖော်ထုတ်လိုက်တဲ့ ဆောင်းပါးတစ်ပုဒ်ကို အခု ရက်ပိုင်းမှာပဲ နယူးယောက်ခ်တိုင်းသတင်းစာမှာဖော်ပြခဲ့တာ တွေ့ရပါတယ်ဘုရား။ အနောက်ကမ္ဘာက တကယ့်ကိုအထိမခံဖြစ်ပြီး တအားကိုဝမ်းနည်းစရာကောင်းတဲ့ ဇာတ်လမ်းကြီးလို တင်ဆက်နေတဲ့ ဒီ ဘင်္ဂါလီဇာတ်လမ်းမှာ ဟန်နာဘိခ်ျက ဘာလို့များ ခုလို မုသားတွေ ရှိနေတယ်လို့ ရေးသားလိုက်တယ်လို့ ထင်ပါသလဲဘုရား။ အရှင်ဘုရားရဲ့ အမြင်ကို သိချင်ပါတယ်ဘုရား။

ဖြေ - အဓိကကတော့ အခုမှ သူအမှန်တရားကို စတင်တွေ့ရှိတာကြောင့်လို့ ပြောရမှာပေါ့။ တကယ်တမ်းကျတော့ သူတွေ့ရှိတဲ့ အမှန်တရားက အစလေးတစ်စလာက်ပဲ ရှိပါသေးတယ်။။ တကယ့် အမှန်တရား ထုကြီးကို သူ မဖော်ထုတ်နိုင်သေးဘူး။ တကယ့် အမှန်တရားထုကြီးကို ဖော်ထုတ်နိုင်ဖို့အတွက် အစလေးတစ်စတော့ သူဆွဲထုတ်နိုင်လိုက်တယ်လို့ ပြောရမှာပါ။

အမှန်တရားကို ရဲရဲဝံ့ဝံ့ဖော်ထုတ်ရဲတဲ့ သူ့သတ္တိကိုတော့ ဦးဇင်းတို့က လေးစားမိပါတယ်။ နောက်နောင်လည်း ထုထည်ကြီးမားတဲ့ အလိမ်အညာမုသားအထုပ်ကြီးကို ဖော်ထုတ်ပေးပါဦးလို့ တိုက်တွန်းပါတယ်။

မေး- ဟန်နာဘိခ်ျက အရှင်ဘုရားနဲ့လည်း ဆုံဖူးတယ်၊ ဆုံပြီးနောက် သူရေးတဲ့ဆောင်းပါးကလည်း တကယ့်ကို ပြောစရာဖြစ်ခဲ့တယ်၊ အငြင်းပွားစရာတွေရော၊ ကန့်ကွက်စရာတွေကော တပုံကြီးပေါ့ဘုရား။ အဲဒီဆောင်းပါးကြောင့်ပဲ မြန်မာပြည်ဝင်ခွင့်တောင် အပိတ်ခံခဲ့ရတာကိုး။ ခု ဟန်နာဘိခ်ျအကြောင်းကြုံလို့ ပြောရရင် The Face of Buddhist Terror ဆောင်းပါး အဆုံးသတ်မှာ မြန်မာလူမျိုးတွေအတွက် ကိုယ့်ကိုယ်ကိုယ် စတေးရမယ်၊ ဘုရားကတော့ ကြိုက်ချင်မှ ကြိုက်လိမ့်မယ်္ဒဆိုပြီး အရှင်ဘုရားရဲ့ ပြောစကားနဲ့ အဆုံးသတ်ထားတာပေါ့။ ဆိုတော့ အဲဒီစကားတွေ့ အရှင်ဘုရားပြောခဲ့သလား၊ နောက် အဲဒီဆောင်းပါးမှာ ပြောတာတွေနဲ့ ရေးတာတွေနဲ့ ဘယ်လိုကွာဟချက်တွေ ရှိနေလဲ။

ဖြေ - တော်တော်များများကတော့ ဆန့်ကျင်ဘက်ကြီးပါ။ အဲဒီလိုဖြစ်ရခြင်းကလည်း အကြောင်းတစ်ခုရှိပါတယ်။ သူနဲ့လိုက်လာတဲ့ ဘာသာပြန်က ပန်းသေးမွတ်ဆလင်ဖြစ်နေတယ်။ သူက တမင်တကာ ပြန်လိုက်တာလား။ သို့မဟုတ် စကားလုံး ရှာမရလို့  အဲဒီလိုပြန်လိုက်တာလားတော့ မသိရဘူးပေါ့။ စကားလုံး ရှာမရလို့ ပြန်တယ်ဆိုရင်တောင်မှ ဆန့်ကျင်ဘက်ကြီးတော့ မဖြစ်နိုင်ဘူးလေ။ ဒီ ဘာသာပြန်သမားက ဒီကို ချောက်ချ ချင်တာနဲ့ပဲ သူ့ကိုတလွဲဘာသာပြန်ပေးလိုက်လို့လည်း ဖြစ်နိုင်တာပေါ့။

ဘယ်လိုဆန့်ကျင်ဘက်ကြီးလဲဆိုရင် ဦးဇင်းက - ၉၆၉ ဟာ ငြိမ်းချမ်းရေးအတွက်ထမ်းရွက်ထိုက်တဲ့ ဂုဏ်တော်တွေ၊ အမျိုး ဘာသာ သာသနာအတွက်ကို အကြမ်းမဖက်ဖို့ ပုံဖော်နေ။ ရတနာသုံးပါး ဦးထိပ်ထားလို့ ရိုးသား နိုးကြား ကြိုးစားစေ။ အမျိုးသားရေး သွေးမအေးနဲ့ အမြဲတစေ နွေးပါစေ။အဲဒီလို ဦးဇင်းက ပရိတ်သတ်ကိုတိုင်ပေးတာ၊ ပရိသတ်ကလည်း လိုက်ဆိုတယ်။ အဲဒါကို မ-ကလေးကို ဖြုတ်ပြီးတော့  အကြမ်းဖက်ဖို့ တိုက်တွန်းတယ်ဆိုပြီးတော့ ရေးသွားတာပါ။

မေး- နယူးယောက်ခ်တိုင်မ်းက အမေရိကန်ရဲ့ သြဇာကြီးမဂ္ဂဇင်းတစ်စောင်ပေါ့လေ။ အဲဒီမှာ မြန်မာပြည်က ဘင်္ဂါလီအကြောင်းကို အစဉ်တစ်စိုက်ရေးနေတဲ့ ဟန်နာဘိခ်ျက ဒုက္ခသည်စခန်းမှာ မုသားတွေရှိတယ်လို့ ဖွင့်ချတဲ့အချိန်မှာပဲ အင်အားကြီးမီဒီယာတစ်ခုဖြစ်တဲ့ ရိုက်တာသတင်းဌာနက -အင်းဒင်ကိစ္စအစီအရင်ခံစာ အပြည့်အစုံဆိုပြီး ထုတ်ပြန်တာတွေ့ရပြန်ပါတယ်။ အဲဒီမှာတော့ အင်းဒင်ရွာက ဘင်္ဂါလီတွေကို ဗုဒ္ဓဘာသာ ရခိုင်တိုင်းရင်းသားတွေနဲ့ လုံခြုံရေးသမားတွေက သတ်တယ် ဘာညာ ရေးတာတွေ့ရတယ်။ ဆိုတော့ ရခိုင်အရေးနဲ့ပတ်သက်တဲ့ သတင်းတွေက ဆန့်ကျင်ဘက်တွေဖြစ်နေတာ ဘာကြောင့်လို့ ထင်ပါသလဲဘုရား။

ဖြေ - အဓိကကတော့ တို့နိုင်ငံလေးက ငယ်တယ်။ ပထ၀ီနိုင်ငံရေးအရ ကြားညှပ်နေတယ်။ အင်အားကြီးနိုင်ငံနှစ်ခု ပါဝါအားပြိုင်ပွဲမှာ နယ်ရုပ်လေးတစ်ရုပ်ဖြစ်သွားတယ်။ နယ်ရုပ်လေးဖြစ်သွားတဲ့ အကြောင်းကတော့ ရခိုင်အရေးပေါ့။ ရခိုင်အရေးကိုအကြေင်းပြုပြီးတော့ အစိုးရကို ထိုးနှက်ချင်တာရယ်၊ အထိုးနှက်မခံရအောင် ကူညှကာကွယ်ပေးတာရယ် အဲဒီအင်အားနှစ်ခု အားပြိုင်တာကနေ စတာပေါ့။ တကယ်တမ်းပြောရရင် သတင်းမှန်ခြင်း၊ သတင်းမှားခြင်းနှစ်ခုက မြန်မာပြည်ကို အကျပ်အတည်း တွေ့စေတာပေါ့။ သတင်းမှားနေတာကြီးကို သတင်းမှားမှန်းသိနေပါရက်နဲ့ တစ်ကမ္ဘာလုံးကို ၀ါဒဖြန့်တဲ့အနေနဲ့ သူတို့တတွေက မြန်မာပြည်ကို အထင်အမြင်လွဲအောင် လုပ်ခဲ့တယ်။ သတင်းမှန်တာကို မှန်မှန်းသိရက်နဲ့ သူတို့တတွေက လစ်လျူရှုခဲ့တယ်။ အဲဒီလိုကြောင့် သတင်းတွေဟာ ဖြစ်ချင်သလိုဖြစ်ပြီး ဆန့်ကျင်ဘက်သဘောဆောင်တာတွေ ဖြစ်နေရတာပါ။

မေး -  နိုင်ငံတကာ သတင်းမီဒီယာတွေက ရိုဟင်ဂျာရှိတယ်၊ လူမျိုးတုန်းသတ်ဖြတ်မှုရှိတယ်၊ စသည်ဖြင့် အဲဒါမျိုးတွေ အမျိုးမျိုးပြောနေတဲ့အချိန်မှာပဲ ဖေဖော်ဝါရီလ ၅ ရက်နေ့က လွှတ်တော်က ရိုဟင်ဂျာမရှိတဲ့ အကြောင်းပြောတယ်၊ နောက်သာသနာရေးဝန်ကြီး ဦးအောင်ကိုကလည်း ဖေဖော်ဝါရီ ၈ ရက်မှာ ထပ်ပြောတယ် ပေါ့ဘုရား။ ဦးသိန်းစိန်လက်ထက်နဲ့ ယှဉ်ကြည့်ရင် အရင်အစိုးရလက်ထက်မှာတော့ သမ္မတရော၊ လွှတ်တော် ရော၊ တပ်မတော်ရောက ပြောသွားတယ်။ အခုအစိုးရလက်ထက်မှာရော စောင့်ကြည့်အတဲ့အခါမှာ ဘယ်လိုအနေအထားတွေ တွေ့ရပါသလဲဘုရား။ လွှတ်တော်က ရိုဟင်ဂျာမရှိဘူးလို့ ပြောလာပြီ၊ ကာကွယ်ရေးဦးစီးချုပ်ကလည်း အမြဲလိုပြောနေတယ်။ အစိုးရပိုင်းက ဘာလို့များ ခုချိန်ထိ ငြိမ်နေသေးလဲ၊ ရိုဟင်ဂျာမရှိဘူးလို့ ဘာကြောင့်မပြောသေးတာလဲ။ ဘယ်လိုသုံးသပ်ပါသလဲဘုရား။

ဖြေ - လွှတ်တော်က ပြောပြီဆိုတာကြီးကိုက အပြည့်အ၀ အာမခံချက်ရှိတဲ့ ပြောဆိုပုံကြီးမဟုတ်သေးပါဘူး။ ဥပမာဆိုရင် လွှတ်တေ်ာတစ်ရပ်လုံးကနေပြီးတော့ အတည်ပြုဆုံးဖြတ်လိုက်ပါတယ်ဆိုရင်တော့ လွှတ်တော်က ပြောတယ် ပြောရမှာပေါ့။ အခုဟာက တစ်ဦးတစ်ယောက်မေးတယ်၊ တစ်ဦးတစ်ယောက်ကဖြေတယ် ဒီအဆင့်ပဲ ရှိသေးတာပါ။ အခုသတင်းသည် လွှတ်တော်ကို ကိုယ်စားပြုတဲ့သတင်းမဟုတ်ဘူးလို့ ဦးဇင်းတို့က ယူဆတယ်။

လွှတ်တော်ကိုယ်စားလှယ်တစ်ဦးတစ်ယောက်နဲ့ ပြည်ထောင်စုဝန်ကြီးတစ်ဦးတစ်ယောက်နဲ့ပဲ ပတ်သက်နေတဲ့ သတင်းဖြစ်နေသေးတော့ သူတို့တတွေက လွှတ်တေ်ာကို ကိုယ်စားပြုတဲ့သတင်းမဟုတ်ဘူး။ အဲဒီအတွက် ဦးဇင်းတို့က လွှတ်တော်က ပြောတယ်လို့ ယူဆလို့မရဘူး။

ကာကွယ်ရေးဦးစီးချုပ်ကပြောတာကတော့ သူတို့ရဲ့ဆိုင်းပုဒ်အတိုင်း နိုင်ငံတော်ရဲ့ အချုပ်အခြာအာဏာကို ကာကွယ်ဖို့အတွက် ခေတ်အဆက်ဆက်ပြောခဲ့ကြတယ်ဆိုတော့ ထားလိုက်တော့။

အစိုးရကဘာလို့ မပြောသေးသလဲဆိုတာထက် ၂၀၁၂ ကတည်းက ဒီလိုပဲ မပြတ်သားခဲ့တာကြီးကို  ပြည်သူတွေက ဘာလို့များ ရွေးချယ်လိုက်ကြတာလဲ။ အချုပ်အခြာအာဏာကို ကာကွယ်ရကောင်းမှန်းလည်းမသိဘူး၊ ကိုယ့် တိုင်းရင်းသား ၁၃၅ မျိုးကို ကာကွယ်ရကောင်းမှန်းလည်းမသိဘူး။ ဦးဇင်းတို့ရဲ့ သတ်မှတ်ချက်အရ တာဝန်မကျေဘူးပေါ့လေ။ အဲဒီလိုလူကို ပြည်သူတွေက ဘာကြောင့်များ ရွေးကောက်တင်မြှောက်လိုက်သလဲဆိုတာကို တစ်ခါတစ်ခါ မေးချင်တယ်။

မေး- ထမင်းဝအောင်စားထား၊ အင်္ကျင်္ီဝေတဲ့သူတွေကို ၅၀၅ ခ၊ ၁၈၉ ပုဒ်မတွေနဲ့ ဖမ်းဝရမ်းထုတ်ထားတယ်ပေါ့ဘုရား၊ အဲဒါနဲ့ပတ်သက်ပြီး ဘာများပြောစရာရှိမလဲ။

ဖြေ- ဟိုအရင်တုန်းကတော့ ၅(ည)ပုဒ်မဟာ စစ်အစိုးရရဲ့ လက်သုံးပုဒ်မဖြစ်နေတာပေါ့။ ခုတော့ ၅၀၅ ခ ဟာ NLD အစိုးရရဲ့လက်စွဲပုဒ်မကြီးဖြစ်သွားတာပေါ့။ တရားဥပဒေနဲ့ ငြိခြင်းမငြိခြင်းက အဓိကမဟုတ်တော့ဘဲ အာဏာရပါတီနဲ့၊ အာဏာရပါတီကို လိုလားသူနဲ့၊ အာဏာပိုင်အစိုးရက ကြည့်ရ၏၊ ကြည့်မရ၏ဆိုတာက အဓိကလိုဖြစ်သွားနေတာကို တွေ့ရတယ်။ အဲဒီတော့ ကြည့်မရတဲ့သူတွေသတိထား၊ ၅၀၅ ခ လာလိမ့်မယ်။

မေး- နောက်တစ်ခုကတော့ အရှင်ဘုရားတင်လိုက်တဲ့ ဗီဒီယိုဖိုင်တစ်ခုပေါ့။  ကြည်လင်းဆရာတော်ဆိုပြီး တင်လိုက်တဲ့ ဗီဒီယိုဖိုင်တစ်ခုက အတော်လေးဝေဖန်ကြတယ်ပေါ့။ ဒီ ဘယ်လိုစိတ်ကူးနဲ့ တင်ဖြစ်တာလဲဆိုတာ လေး ပြောလို့ရရင် ပြောပေးပါ။

ဖြေ- အဓိကကတော့ ဒီလူငယ်လေးတွေ ဒီအကျီလက်ဆောင်ပေးတဲ့ ကိစ္စအပေါ်မှာ အင်အားသုံး အုပ်စုဖွဲ့ပြီး အနိုင်ကျင့်တဲ့အပေါ်မှာ မခံရပ်နိုင်လို့ လွှင့်ထုတ်လိုက်တဲ့သဘောပါပဲ။

ဒီမိုကရေစီဆိုတာ အုပ်စုဖွဲ့အနိုင်ကျင့်တဲ့ နိုင်ငံရေးစနစ်မဟုတ်ဘူး။ ဥပဒေဘောင်ထဲကနေ ပြည်သူအများစု အကျိုးကို ဆောင်ရွက်ရတဲ့ နိုင်ငံရေးစနစ်။ ဒါပေမယ့် နိုင်ငံရေးသမားတွေ ပစ်မှတ်လွဲနေပြီးတော့ တစ်ခါလာလည်း ရဲစခန်းသွားဖိအားပေး၊ တစ်ခါလာလည်း တရားရုံးသွားဖိအားပေး၊ တစ်ခါလာလည်း ဆေးရုံသွား ဖိအားပေး၊ အဲဒီလိုတွေ တွေ့လာရလို့လေ။ အဲဒီလို ဖိအားပေးအနိုင်ကျင့်တာကြီးက ဒီမိုကရေစီ မဟုတ်ဘူးဆိုတာ သိစေချင်လို့တင်လိုက်တာ။

ထမင်းဝအောင် စားထားဆိုတဲ့ စကားလုံးဟာ ကြိယာပုဒ်မပါဘူး။ ထမင်းဝအောင်စားထား၊ ပြီးရင် ဘာလုပ်မယ်၊ ညာလုပ်မယ် ပြည့်စုံမှသာလျှင်  ပစ်မှုမြောက်၏ မမြောက်၏ ဆုံးဖြတ်ရမှာ၊  နောက်ဆက်တွဲစကားလုံးမပါတဲ့ အတွက်ကြောင့် အဲဒါကို ပြစ်မှုမြောက်တယ်လို့ ဘယ်နည်းနဲ့မှ ဆိုလို့မရဘူး။ ပြစ်မှုမြောက်တယ်ဆိုရင် အဲဒီစကား လုံးဟာ ဘယ်သူ့ကို ရည်ရွယ်ပြီးပြောသလဲဆိုတဲ့ စကားလုံးကို ဦးတည်တဲ့သူကို နာမည်တပ်ရမယ်၊ အဲဒီလိုလည်းနာမည်တပ်တာမရှိဘူး။ အဲဒီစကားလုံးရဲ့နောက်ကွယ်မှာ ဘာလုပ်မယ်၊ ညာလုပ်မယ်ဆိုတဲ့ ကြိယာပုဒ်လည်းမပါဘူး၊ ရည်ရွယ်ချက်လည်းမပါဘူး။ နောက် အဲဒီစကားလုံးကြောင့် တစ်စုံတစ်ရာ ထိခိုက်နစ်နာသွားမှုလည်း လုံးဝမရှိဘူး။ အဲဒီစကားလုံးကြောင့်၊ အင်္ကျီလေးကို ဒီလိုလက်ဆောင်ပေးတာနဲ့ပဲ တရားရုံးကို ဘာဖြစ်တယ်၊ ညာဖြစ်တယ်ပြောကြပေမယ့် တရားခွင်ကိုတော့ ဘာမှ ပတ်သက်တာမျိုး ဖြစ်မလာစေဘူး။ အဲဒီလို ဘာအကြောင်းမှမရှိပါဘဲနဲ့ ဒါကြီးကို ရေးကြီးခွင့်ကျယ်လုပ်ပြီးတော့ တရားရုံးကို ဦးတိုက်လျှောက်တယ်ဆိုကတည်းက ဒီဖြစ်စဉ်ရဲ့ အနေအထားကို ခန့်မှန်းကြည့်လို့ရပါတယ်။

ဒီရှေ့နေတွေရဲ့ နောက်ကွယ်မှာလည်း ဘာရှိတယ်ဆိုတာ သိသာပါတယ်။ အဲဒီလို အနိုင်ကျင့်တာကို မကြည့်ရက်လို့ ဗီဒီယိုဖိုင်တင်လိုက်တာပါ။ ဦးဇင်း ဗီဒီယိုဖိုင်ကတော့  ထမင်းဝအောင်စားထားနဲ့ပတ်သက်ရင် ကတ္တားပုဒ်လည်း အပြည့်အစုံပါပါတယ်။ ကြိယာပုဒ်လည်း အပြည့်အစုံပါပါတယ်။

သူတော်ကောင်းကို စော်ကားတဲ့သူတွေ ထမင်းဝအောင်စားထား၊ ငရဲကျရင် ထမင်းစားချိန်ရမှာမဟုတ်တော့ဘူး၊

သံဃာတော်ကို ပြစ်မှားတဲ့သူတွေ ထမင်းဝအောင်စားထား၊ ပြိတ္တာဖြစ်ရင် ထမင်းစားဖို့ ပါးစပ်ပေါက်တောင် မပါနိုင်တော့ဘူး။

အဲဒီိလိုကတ္တားနဲ့ကြိယာ ထည့်လို့ရနိုင်တယ်ဆိုတဲ့အကြောင်း ရှေ့နေဆိုသူတွေကို ပြောလိုက်တာ၊ ဥပဒေသမားဆိုတဲ့သူတွေကို ပြောလိုက်တာ။ တရားသူကြီးဆိုသူတွေကို ပြောလိုက်တာ။

မေး- ၅၀၅ ခ၊ ၁၈၉ နဲ့ဆွဲတဲ့အပေါ်မှာ ဥပဒေကြောင်းအရ သုံးသပ်ရင် လိုအပ်ချက်ရှိတယ်လို့ ဝေဖန်တာတွေလည်းရှိပါတယ်ဘုရား၊ တခြားနိုင်ငံတွေမှာတော့ ဥပဒေမရှိရင်၊ ဥပဒေရှိအောင်လုပ်တယ်။ ဆိုလိုတာက ရှိပြီးသားပုဒ်မနဲ့မဆိုင်ရင် အဲဒီပုဒ်မနဲ့တပ်ပြီး မစွဲဘူးပေါ့ဘုရား။ ဆိုတော့ ခုလို ပုဒ်မနဲ့ဆွဲလိုက်တာတွေက တရားဥပဒေစိုးမိုးရေးအတွက် ဘယ်လိုအကျိုးဆက်တွေ ဖြစ်လာနိုင်မယ်လို့ သုံးသပ်ပါသလဲ။

ဖြေ - တရားဥပဒေစိုးမိုးရေးဆိုတဲ့ ကြွေးကြော်သံဟာ ပုံပြင်လိုဖြစ်သွားတာပေါ့။ တကယ်တမ်းကျတော့ အပြောနဲ့ အလုပ်မညီတဲ့သူတွေပါလားလို့ ကိုယ့်အထုပ်ကို ဖြေပြသလိုဖြစ်သွားတာပေါ့။

(ဆက်လက်ဖော်ပြပါမည်။)